Kə̀fwàʼ 1:2 - To kə Kəzə̀ kə̀ Fughu ko

² bùghò tɛ̀ wò tsuʼ fəla ghe mò nî kɔʼ nduw wə̄n alo kəwālā, mo daʼa kə Zuʼ tə̀ Zɔlɔ kə ŋ wən ghəəŋ tsughu ù m fùghù tsùghù dzə̀ ètsʉ̀ â tum tə wə̄n təla ù fə̀ shîaa kɔʼ.

Kə̀fwàʼ 1:2 Iomraidhean Croise

Matìo 12:28

Abugho e kuūwn lô enyəa, Ň zʉ̀ ù fɛ shùaan sə̌a an Zuʼ tə Kəzə̀, à fi lo enyəa fɔ̂e u Kəzə̀ wə̀ ŋ ghɛ̀ bùghò kwùnlo.

Matìo 3:16

Ghəa ghe fughu tsughu Yɛso â mùghù ŋ Kə̀zə̀ mò êzə̀, ù mo e daŋso səa kɔʼɔ wò an dzughù, wala kə n nùghù tsʉ̀ è tsughu, ù ŋ kòʼ Zuʼ tə Kəzə̀ tə̀ zəgha tsughu wô aŋ ghùe wə ebùŋu, tsùghù bùghò mǎa tsughu an tuw kə wə̄n.

Mâk 6:30

Tum tə Yɛso tə̀ ŋ kwə̀n nyə wò e bàm a vʉ̀a wə̄n. Ghe n nì kɔ̀ʼ fəgha kəla ghe fwaʼ à ghəa ghəla ghe zoʼnlō, dzɛ̀ tsùghù â wə̄n kpe.

Lûk 24:51

A m bùghò ù naam fughuu ghee â ghu kə̀ saa ko êzə̀, Zə̀ kə̀ n nì nùghù kɔ̀ʼ ndùw wə̄n alo kəwālā.

Lûk 9:51

Ghəa tsuʼ u Yɛso ù kɔʼɔ wo alo Kəwālā u suū wo, ù n nùghù nùghù kɔ̀ʼ enyəa e fɛ tsughuu an Yɛ̀lusalɛ̀m.

Dzɔ̌n 1:16

Ù bùghùso sɛ̀ bughuso kwènlò bòʼ ləgha è ne zəla ù ki a zəŋò sɛ̀.

Dzɔ̌n 13:1

À fə̀ êzəŋ doʼōdoʼō ko fə tsuʼ fə mɔ̀ʼ to ghe e zə zə kə̀ Zəŋso Naaŋ ko, à n lo mò Yɛso kwò ziī nû enyəa nəgha zəla e ki alezə̀ghàa mbī zən a te, e ndûw e ghee zo ebàm a vʉ̀a Tsele zə m kpē; a n lo ezə̂ mô ù ŋge ki eləgha a zəŋò fən a wə̄n gho fɛ am mbī, ù fə̀ ləghaa ghee ndùw tɛ̀ è nduw to mbī kê bughò mîaa.

Dzɔ̌n 13:18

Yɛso n dzɛ̀ kpèʼe ndùw â tsə̀təndə̄ghā tə wə̄n to enyəa, “À yò dzə̂ â ghɛ̀ a dzə̀m Ŋ̀ kə̂aa wô ghəa ghən gho, bòʼ enyəa Ŋ̀ kwo nû tsə̀təndə̄ghā taŋā təla Ǹ tsɔʼ sə wo. Shwaʼ u Kəzə̀ ù ki alebùghò sə êsəŋò enyəa, ‘Ghùw zə̀ fʉghàzəa waŋa kòom fə̀n tsughu mbə̀ghà a zəŋò mùghò.’

Dzɔ̌n 13:3

Yɛso fə̀ kwo nû enyəa Tsele m fughu naŋa ghəa gho a dzə̀m aŋ ghu kə wə̄n asùghò enyəa ù mò nughuu wo a vʉ̀a Zə̀ kò, vʉ̀a ù ki sugho alendùw ebàm a vʉ̀a ghè kò.

Dzɔ̌n 16:28

Mugho mò nughu wo a vʉ̀a Tsele ù te, bùghò nyə̀ wò fɛ am mbī. M̀ fɛ êzə̄ŋ kôom zə̀ghàan tsùghu mbī aledùw èbàm a vʉ̀a Tsele ù te.”

Dzɔ̌n 17:13

M̀ fɛ ti an dziī M̀ bugho a vʉ̀a ghù. Ŋ̀ ghəa ghən fɛ am mbī kuuwn kə̀aa enyəa to tsə̀təndə̄ghā taŋa tə mô kì kpeen mɛʼɛ̄ sugho tsoʼn zəla Ŋ̀ ki ghè zò.

Dzɔ̌n 20:17

Yɛso n dzɛ̀ â wə̄n enyəa, “Kà mugho mɔ̀m, nuu Ŋ̀ kaām kɔʼ tɛ̀ dzə̀ a vʉ̀a Bə̀ghà; laam ndùw a vʉ̀a waazə̂ ghaŋa gho, ghù dzɛ â ghee enyəa M̀ fɛ ndùuw a vʉ̀a Tsele waŋa wəla à lò sugho tsùghò, tɔ̂ɔŋ Zə̀ kɛʼɛ.”

Dzɔ̌n 20:21

Yɛso n dzɛ̀ kpèʼe ndùw â ghee enyəa, “Bughuun zə e lo ghɛ̀ à ghee. Ghəa bəghà mò tum wô mugho, à lò sugho eghala Ǹ tuū səaa ndûw ghɛ.”

Dzɔ̌n 3:34

Tɔŋlo enyəa ghùw wəla Zə̀ kə̀ tum wo, ù kə̀aa sə̌a wò shwaʼ u Kəzə̀; nu Zə̀ kə kâ wə̄n â Zuʼ tə te fughu mò Kə fòʼ kɔ̀ʼ nû.

Dzɔ̌n 6:62

To e mô sô yia kuuwn lò ênzə̂n â ghɛ̀ a, abugho ghɛ̀ mô koʼò wô Wɛ̀ ù Ghùw ù nùghùun kɔʼɔ̄ ndûw fia ù mò bûʼ lo sʉèsʉ a?

Dzɔ̌n 6:70

Yɛso m bɛ̀lɛ̀ tsùghu ghee enyəa, “Ŋ̀ ka mo ghɛ mgbaŋ tsɔʼ kɔʼ eghə̄m à ghè ghò a bə̀ghà à, yìa à sò kuūwn lǒ ko enyəa ghùw wɛʼɛ u mɔ̀ʼ nǎam ŋgəəŋ ki ko zə̀a fə̀ biigh fo.”

Kə̀fwàʼ 1:11

Ghî yi m bvʉ â ghee enyəa, “Ghî a Galèlîi ghò, ghɛ̀ sô mgbɛɛ ti enyə lɛɛn kɔʼɔ ndùw kəwala à? Yɛso wən, wəla ghe nî nughù kɔʼ fɛ aŋ ghùu ghɛ̀, nì nùghù kɔ̀ʼ ndùw â wən alo kəwālā, ù kè bɔ̌ɔm bùghòo sùghò an dziī è mɔ̀ʼɔ aŋ ghəa ghɛ̀ koʼ ù kɔʼ ndûw a te alo kəwālā.”

Kə̀fwàʼ 1:13

A m bùghò ghe nyə nduw enaʼ, ghe n tsə̀ghà kɔ̀ʼ ndùw an dzughu e ndughu zəla ghe mò mughu a te an ndùghù è kɔ̀ʼɔ daŋso. Ghî ghəla ghe mò lo a fughu mò lo Pità, Dzɔ̌n, Dzɛ̂ms, Andùlù, Felêp ghèe Tɔ̀mâs, Bàtòlòmîa n lo sugho ghèe Matìo, Dzɛ̂ms, wɛ̀ ù Afìus n lo, Sǎemòn Zilɔ̀t n lo sugho, àsùghò Dzudàs, wɛ̀ ù Dzɛ̂ms.

Kə̀fwàʼ 1:22

alenìi nughù wô an tì kə̀là Dzɔ̌n mò fughuu Mùghù ŋ Kə̀zə̀ mò â ghì ghò, bùghò tɛ̀ wò an tsuʼ fəla ghe mò nî nughù kɔʼ wən a te aŋ ghùu sɛ̀, nùghù kɔ̀ʼ ndùw â wə̄n. Ghùw ù ghee u mɔ̀ʼ kì aledòʼò wô sɛ̀ à ghee tǒ ghùw wəla ù mʉā fughuu sugho gùw è Yɛso aŋ ghəa a wə̄n à zoōm wo gho alo evʉ̄.”

Kə̀fwàʼ 1:9

A m bùghò ù dzɛ̀ tsughu ghəa ghən gho, ghe n toʼn nùghù kɔ̀ʼ ndùw wən e dzuŋ mo tsə̀təndə̄ghā tə wə̄n tə lɛɛn ndùw nù, ù ŋ kɔ̀ʼ sàŋà nyə̀ ndùw am mbàʼ, ghe ŋ kôom yò alekòʼ wə̄n.

Kə̀fwàʼ 10:38

Ghɛ̀ kwo nû ghəa ghə̀là Zə̀ kə fə̀ tsuʼ tsughu Yɛso, ghùw ù Nazalɛ̀t wə̄n, fughu tsughu wən â Zuʼ tə̀ Zɔlɔ to àsùghò dwaʼa wo. Ghɛ̌ yia kwo sughò ghəa ù mò ŋgəaa ghəə̄ŋ kaāŋ ndûw dzɔ̂ zò, baāŋ ndùw ghì ghəla vʉatsə̄a a naŋā ŋgòʼ a zəŋò ghee, tɔŋlo enyəa Zə̀ kə̀ mò ti a bǎà wə̄n.

Gàlashìan 1:1

À mwàʼsò kən kə tɔɔ wò mùghò Pôl, tùm è Yɛso Kə̀lestò. À kà mùghò shîaa kɔ̀ʼ dzə̀ ghî ghò ŋkāa à mùghò tum wò ghùw ù lì. À mùghò tsɔʼ sə̀ wò Yɛso Kə̀lestò ghèe Zə̀ kò, tɔɔŋ tsele ù sɛ̀ wəla ù fə̀ zôm nughù kɔʼ Yɛso alo evʉ̄.

Efɛsùs 2:20

Ghɛ̀ ti sugho am bə̀ghàan kəla tum tə Kə kəze tə mò bəgha naŋa kɔ̀ʼ ghèe ghê ghiīshʉ̀ghà gho, mò à lo Kə̀lestò Yɛso ghuūghùe u wə̄n tia zə ebūw zo.

1 Timotì 3:16

Ghùw ù li yo aletuū maʼà nàn kə eghəa kəla kə lo aŋ ghəa a Kəzə̀ ghən enyəa, Ù fə̀ a m mbī bugho tǒ ghuw wə̀ nsɔ̌ɔŋnchùw. Zuʼ tə Kəzə̀ tə̀ n dè wò enyəa ù lo tsəghatsəgha, Tsə̀təndə̄ghā tə Kəzə̀ tə̀ ŋ kòʼ wə̄n. Ghî ghə̀ n zoʼn ŋgə̀a wò àghì aŋ ghəa a wə̄n alo tənàʼà tə dzə̀m. Mbī e dzə̀m m boo fùghù ndùw â wə̄n. Ghe n nì nyə̀ kɔ̀ʼ ndùw wə̄n alo kəwala alo n nsəghānyəghā.

Hibùlù 9:24

Kə̀lestò kà nyə̀ ndùw dzə̀ an lùʼû kə̀ baa kəla ghe bəgha aŋ ghu, mò à lǒ fwěen kəla kə kûm lo, ù fə̀ laam nyə daŋso nduw alo kəwālā, alendùw tee a vʉa Zə̀ kò an tuw u sɛ̀.

1 Pità 3:22

Ù fə̀ kɔʼsə kɔʼ alo evʉ̄, ù n nùghù nyə̀ kɔ̀ʼ ndùw alo kəwālā, vʉ̀a ù dǒʼ aŋ kwe u Kəzə̀ ù təma wo, saʼâ tsə̀təndə̄ghā tə Kəzə̀ tò àsùghò dwaʼa wo u dzə̀m alo kəwālā.

2 Pità 3:2

Ǹ ləghaa enyəa ghɛ̀ e moʼn tsughuu shwaʼ wəla ghiīshʉ̀ghà à zɔlɔ a fə̀ dzɛ̂ naŋā â wìiwì, àsùghò alezə̀əŋ wô ghɛ̀ an lwàŋ u Mughu ù te, tɔɔŋ Bəghambī, wəla tum tə̀ zɔlɔ tə fə̀ dzɛ̂ naŋā zîi wo â ghɛ̀.

Edêe Fughu 1:1

Ghən lò ghəa ghəla Yɛso Kə̀lestò fə̀ dê fughu wo â Dzɔ̌n. À fə̀ ghəa a te gho â wə̄n fughu Kəzə̀ enyəa ù dèe tsughu â kɔ̀ɔ ŋ wə̄n mò tò ghe kele tsughu ghəa ghəla a ki alekùʼù nî kə̀bala. Kə̀lestò ŋ ghəəŋ tsughu enyəa ghî à kelê ghəa ghən mò ù tùm ndùw tsə̀ndə̄ghā e wə̄n a vʉ̀a kɔ̀ɔ fə wə̄n fo, tɔɔŋ Dzɔ̌n.

Edêe Fughu 2:11

“Ghùw wəla ù ki tuūŋ ko, ù zuw ghəa ghə̀là Zuʼ tə Kəzə̀ kə̀ te kə dzaā â dzweŋe u ghì a Kəzə̀ wò. Ghùw wəla ù ghaʼ tsughu bo zo, vʉ e kə̀ bə̀ghà zən lo mɔ̀m yǒ wə̄n.”

Edêe Fughu 2:17

Ghùw wəla ù ki tuūŋ ko, ù zuw fəgha kə̀là Zuʼ tə Kəzə̀ te kə dzâa nduw â dzeŋe kə ghì a Kəzə̀ ghò.” Ǹ lo fughuu ghùw wəla ù ghaʼ tsughu bo zo â kə̀m kə̀ fʉ̀ghàzəa kə̀ li ko ghe tɔŋlo enyəa à lò manà, wəla ghe nân naŋā, Ǹ lo fughuu wə̄n â tia è fəma zo, à zən è fughu zo ghe tɔm naŋā an tia e te zo, mò ghùw ù lì kwò yo, mò à kwò ko ghùw wəla ù nì kʼ.

Edêe Fughu 2:29

“Ghùw wəla ù ki tuūŋ ko, ù zuw fəgha kə̀là Zuʼ tə Kəzə̀ te kə dzɛ â dzweŋe u ghì a Kəzə̀ wò.”

Edêe Fughu 2:7

Ghùw wəla ù ki tuūŋ ko, ù zuw fəgha kəla Zuʼ tə̀ Kəzə tə̀ dzâa wo â dzweŋe u ghì a Kəzə̀ wən wo. Ǹ lo fughuu tsughuu kə̀làŋ, ghî ghəlà ghe ghaʼ tsughu ghəa à biigh gho, ghee e kʉɛɛ zəa tam kə kàʼ fə emùghùu fəla fə lo an sum u Kəzə̀ alo kəwālā.”

Edêe Fughu 21:14

Ghe mò bəgha ghɔŋ wə naʼ u te wo an tia a kəbəghalo eghəm à ghee gho a bəgha, mo ghè n tɔm naŋa zən a tum tə Tsʉa u Ndì tə̀n eghəm à ghe tò tə bə̀ghà an tia a te.

Edêe Fughu 3:13

Ghùw wəla ù ki tuūŋ ko, ù zuw fəgha kə̀là Zuʼ tə Kəzə̀ tə̀ dzâa nduw â dzweŋe u ghì a Kəzə̀ ghò.”

Edêe Fughu 3:16

Aŋghəa ghɛ̀ lo tò ghɛ̀ zʉ̂ lò nû àsùghò aŋghəa ghɛ̀ abugho ghɛ̀ n lo alo eghəa kôom bùw a te, Ŋ̀ lo ki aletuū maʼà ghɛ̀;

Edêe Fughu 3:22

“Ghùw wəla ù ki tuūŋ ko, ù zuw fəgha kə̀là Zuʼ tə Kəzə̀ tə̀ dzaā â dzweŋe u ghì a Kəzə̀ wò.”