Kə̀fwàʼ 1:16 - To kə Kəzə̀ kə̀ Fughu ko

¹⁶ “Waazə̂ ghò, lâŋ kə Kəzə̀ kəla Zuʼ tə̀ Zɔlɔ tə tsom kɔʼ Dɛvìd enyəa ù fughuu səā wô an dzughu e wə̄n kùu ndùw Dzudàs wəla ù mò bû wô ghî ghəla ghe mò kwu Yɛso, kə ki aleluesō tsughu ughue.

Kə̀fwàʼ 1:16 Iomraidhean Croise

Matìo 26:14

Ghùw u mɔ̀ n sə kɔʼ am bvʉ̄a e tsə̀təndə̄ghā ten èghəm à ghè tò tə bə̀ghà ghe fə̀ tɔŋlo enyəa à lò Dzudàs Eskàlìot, ù n nduw kòʼ ndùw tuw u tə fɔ̀e,

Matìo 26:47

Ghəa Yɛso naām kə̂a ghəa gho êzə̀, Dzudàs, tsə̀ndə̄ghā e mɔ̀ʼ an tsə̀təndə̄ghā tən èghəm à ghè tò tə bə̀ghà, n səŋ tee è wo, ghèe ghê nɛ̀ kə aghì kò, tuw kə təfɔ̀e à tum wo, àsùghò tsoʼ to. Ghe ŋ ki nnyə àsùghò kasəŋgùʼ tò.

Matìo 26:54

À kuuwn lò enyəa abugho Ǹ dzɛ̂ tsughu êzə̀, to ghəa a laʼà bùghò sə kpenlo ênzə̂n an shwaʼ u Kə̀zə̀ wəla u dzɛ̂ tsughu enyəa ghəa ghən ki alebùghò sə êzə̀ à?”

Matìo 26:56

Ghəa ghən fɛ kuuwn bùghò sə kɔʼ aleluesō tsughu lâŋ kə Shwaʼ u Kə̀zə̀ kəla ghiīshʉ̀ghà a Kəzə̀ a fə̀ tɔm naŋā.” Tsə̀təndə̄ghā tə n daŋso zə̀ghàa tàʼà tsùghu wə̄n, sɛ̀ɛ tìnlo èkɔʼ.

Mâk 12:36

Zûʼ tə̀ zɔlɔ tə mò mɔ̀m tsùghù ghuūghùe u Dɛvìd, ù n dzɛ̀ sə̀ wò enyəa, ‘Mughubè ù te fə dzɛ â Mughubè waŋā enyəa; Dòʼo tsughu aŋ kwe waŋā ù təma wo, tò Ǹ nîi naŋā wô dzə̂ ghîikətuw ghə̂a a tsəla e fwēe zəghà.’

Mâk 14:43

Ghəa Yɛso naām kə̂a ghəa gho èzə̀, ghe mo e koʼo Dzudàs, tsə̀ndə̄ghā an tsə̀təndə̄ghā tə wə̄n ten èghəm à ghè tò tə bə̀ghà, ù səŋ teē wo, ghèe ghê nɔ̀e kə aghì kò. Ghe ŋ ki təkɔ̄ àsùghò kasəŋgùʼ, mò à ghee tum sə̀ wò tuw u təfɔ̀e, ghê dèekə̀làŋ à tsoʼ to.

Lûk 22:47

Yɛso kà bùʼ mìasò ghəa à kəaa gho, nɔ̂e kə aghì kə n səŋo tēmē wò, mò à bù wò ghùw wəla ghe fə̀ tɔŋlo enyəa à lò Dzudàs, tsə̀ndə̄ghā an tsə̀təndə̄ghā tì èghəm à ghè tò tə bə̀ghà. Dzudàs ŋ kuʼso kə̄əŋ wò ko fì alemaāŋkelē wô Yɛso.

Dzɔ̌n 10:35

Abugho Kə lo aletɔŋɔ̄ ghì ghəla kə fə̀ fughu wô shwaʼ u wə̄n wo â ghee enyəa à lò uzʉ̀ (a yo alesàʼà kuūwn kôʼ shwaʼ u Kəzə̀),

Dzɔ̌n 13:18

Yɛso n dzɛ̀ kpèʼe ndùw â tsə̀təndə̄ghā tə wə̄n to enyəa, “À yò dzə̂ â ghɛ̀ a dzə̀m Ŋ̀ kə̂aa wô ghəa ghən gho, bòʼ enyəa Ŋ̀ kwo nû tsə̀təndə̄ghā taŋā təla Ǹ tsɔʼ sə wo. Shwaʼ u Kəzə̀ ù ki alebùghò sə êsəŋò enyəa, ‘Ghùw zə̀ fʉghàzəa waŋa kòom fə̀n tsughu mbə̀ghà a zəŋò mùghò.’

Dzɔ̌n 17:12

Nəghā zəla mùgho mò lo ghàʼ à ghee, mùgho mô ghee kwu kele an daʼa kəla ghù mò fughu â mùghò; mùghò n chǐin ghee, ghùw ù ghee u mɔ̀ʼ kà mìaa sə a te, à gɔ̀ʼɔ̀ ko yo ghùw wəla ghe fə̀ fôʼ naŋa enyəa ù kè kwəlà sâŋlò, aleluesō tsughu shwaʼ wəla ghe tɔm naŋā am Mwàʼsò kə Kəzə̀.

Dzɔ̌n 19:36

Nu ghəa ghən fə̀ enyə sə aleluesō shwaʼ u Kəzə̀ wəla ghiīshʉ̀ghà a Kəzə̀ a fə̀ tɔm naŋā enyəa, “Ghe kê bvùʼ kòʼ yò ghoo kə wə̄n kə̀ li ko.”

Kə̀fwàʼ 1:20

Zən fə̀ ènyə lǒ mbuu ghe tɔm naŋā am mwàʼsò kə tə Ndzàŋ enyəa, ‘Luʼū kə wə̄n kə̀ mughūuŋ kə doʼò tsughu kə̀ zum ko, ghùw è tso buw alemùghùu a te.’ Àsùghò enyəa, ‘To ghùw ù nùghù mò nîi nughù kɔʼɔ̄ sughò luʼū kə wə̄n kə̀ fwaʼa ko.’

Kə̀fwàʼ 13:15

Ghəa ghe tɔɔ̄ŋ mɛʼɛ̀ tsughu ghəa ghəla ghe nî sə kɔʼ an làŋ kə Musî àsùghò am mwàʼsò u ghì ghǐishʉ̀ghà tuw kə ndùghùne kə n tùm wò tùm è lì â ghee enyəa, “Waazə̂ ghaŋa ghò, ghàʼ mô lə̀ghaa enyəa ghɛ̀ lô kpaʼ ki ghəa zo aletoōn ndûw ghì ghə̀n a te, ghɛ̀ ŋ kə̀a è nduw.”

Kə̀fwàʼ 13:38

Ghàʼ ləghaa enyəa ghɛ̀ kele tsughu a waazə̂ ghaŋa gho, enyəa à lò am bàm e wə̄n a fughuu wo tùm zən enyəa Zə̀ kə̀ lo ghuuw màʼn nù ghəa a aghì à biigh gho,

Kə̀fwàʼ 15:13

A m bùghò ghe ndôʼ kə̂aa mɛʼɛ̀ tsughu, Dzɛ̂ms m bɛ̀lɛ̀ ndùw enyəa, “Waazə̂ ghò, zuw tsughu nlò ghɛ;

Kə̀fwàʼ 15:7

A m bùghò ghe pfʉ dzughu zo aŋ ghəa e te zo, pfʉ; Pità n nùghù è kɔʼ dzɛ̀ â ghee enyəa, “Waazə̂ ghaŋa gho ghɛ̀ kwo nû enyəa sûesʉ Zə̀ kə fə̀ shiā sə wo mugho am bvʉa zɛʼɛ̄ enyəa Ǹ naʼà ndûw shwaʼ ù dzûŋ wən â Tòʼò zò, to ghe zuw, ghe boō fughuu tsughu.

Kə̀fwàʼ 2:23

Ghe ŋ kwù fùghù wò Yɛso wən â ghɛ̀ an dziī zəla Zə̀ kə fə̀ fôʼ naŋā, ghɛ̌ yia mò nî fughu nduw wə̄n aŋ ghu kə ghì à biigh ko, ghe n nì tə̀ghàa wì è kɔʼ.

Kə̀fwàʼ 2:37

A m bùghò ghe zuw tsughu ghəa yì, fə̂ŋ tə̀ m bàa tsùghu ghee ēnyə̄, ghe m bvʉ â Pità ghèe ghê tum tə̀ li ti enyəa, “Waazə̂ ghò, ghàʼ êzəŋ e dzə̂ ènzə̂n?”

Kə̀fwàʼ 22:1

“Waazə̂ ghaŋa gho, ghê tsele ghaŋā, zəən tsughu nlò ghəa Ǹ so M̀ bâaŋ ghue waŋa êzəŋ a te an sə kɛʼɛ.”

Kə̀fwàʼ 23:1

Pôl n sɔʼ lɛɛn ko ghì a kaŋsì enyə, dzɛ̀ â ghee enyəa, “Waazə̂ ghò, fə̀ŋ zaŋa ŋgee zɔlɔ nù an dziī zəla M̀ mughùu kɔʼ wo a te an sə kə Kəzə̀ alebùghò sə nɛ.”

Kə̀fwàʼ 23:6

Ghəa Pôl kòʼ tɔ kɔʼ enyəa dəŋò kə̀ li kə mò lo ghî a Sadùwsîi, kə̀ li kə n lo ghî a Falàsîi, ù m buʼ sə kɔʼ kəbɔ̂ŋ aŋ kaŋsì enyəa, “Waazə̂ ghò, Ǹ lo ghùw Falàsîi, wɛ mò à dzə̀ ghî a Falàsîi; ghe mugho fɛ saʼa aŋghəa M̀ boō fughu enyəa ghî a kpuuw kɔʼɔsəa nù alo evʉ.”

Kə̀fwàʼ 28:17

Tsuʼu mə̀ n tsə̀ghà tsùghù n təgha, Pôl n tɔŋɔ tsughu Dzûu təla tə lô tuw wo fughu; a m bùghò ghe tsuŋ wo, ù n dzɛ̀ â ghee enyəa, “À waagho, à mò lo an Yɛ̀lusalɛ̀m ghe mò nî fughu nyə tsughu mugho aŋ ghùu gɔvəmɛ̀n è Lumà tǒ ghùw ù ndùghūtsāʼ mò Ŋ̀ kâ ghəa e bonlo â ghì a sɛ̀ ghò ŋkāa an làŋ kə ghê tsele â sɛ̀ kò.

Kə̀fwàʼ 28:25

Ghe n nughù ndùw mo ghe baaŋ ndùw tə̀fom, aŋghəa Pôl sò dzɛ̂ nduw â ghee enyəa, “Zuʼ tə Zɔlɔ tə fə̀ lo tsəghatsəgha aledzɛ̀ â ghê tsùghò am bàm zə Èzayà, ghùwshʉ̀ghà, enyəa,

Kə̀fwàʼ 7:2

Sìtofɛ̀ m bɛ̀lɛ̀ tsùghù enyəa, “Waazə̂ ghaŋa gho, ghê tsele ghaŋā, zəən tsughu nlò shwaʼ waŋa wo! To tselè ù sɛ̀ Abə̀làhâm è ndûw mughùu an Halàn, à fə̀ lo mò Zə̀ kə nsəghanyəgha kə m bùghò sə̀ a vʉ̀a wə̄n aŋghəa ù mò lo am Mɛ̀sòpòtɛmìa,

1 Pità 1:11

Ghe n də̀m tsughu alemòʼn kele səā kɔʼ nəgha e te zo àsùghò dzì zəla ghəa a te a lo səā a te. Zən fə̀ lo nəgha zəla Zuʼ tə Kə̀lestò təla tə lo a zəŋò ghee fə̀ dêe naāŋ nduw ghee â ghəa ghəla Kə̀lestò lo ki alefala a te àsùghò səghanyəgha məka ù kè lo a te.

2 Pità 1:21

Nu shwaʼ u shʉ̀ghà ù li u ka fə̂ bughò kôʼ dzə̀ mò à tsə̀m kɔʼ ghùw; ghî a fə̀ shwaʼ u Kəzə̀ ù naʼn wo mò à ghee tsoom kɔʼɔ̂ Zuʼ tə̀ Zɔlɔ to.

2 Pità 2:21

Aŋghəa ghəa a te a lô ènyə, à mò so e lo dzɔ̀ abugho ghe fə̀ taʼkè kele dzì è tsəghatsəgha, tsəghasə aŋghəa ghe kele tsughu dzì e te kòom bùgho tùe màʼà tsughù lwâŋ ù zɔlɔ wəla ghe fə̀ fughu â ghee.