Kə̀fwàʼ 1:12 - To kə Kəzə̀ kə̀ Fughu ko

¹² A m bùghò ghe zəghàa tsughu kwâʼ u Olēvɛ̀t wò, nùghù ndùw èbàm an Yɛ̀lusalɛ̀m; kwâʼ u Olevɛ̀t ù kuʼù dòʼò tsughu ko ghèe Yɛ̀lusalɛ̀m, mò ghùw bwìi tò ebəghaa e mɔ̀ʼ (bwìi e tsuʼ u Sabàt u mɔ̀ʼ), alenùghù tsughu an Yɛ̀lusalɛ̀m ndùw tɛ̀ fughu.

Kə̀fwàʼ 1:12 Iomraidhean Croise

Matìo 21:1

A m bùghò Yɛso kuʼso nduw an Yɛ̀lusalɛ̀m ghèe ghê tsə̀təndə̄ghā tə wə̄n to, ghe m bùghò an naʼà fə Bɛtfàch aŋ kwàʼ u tə̀ Olèf, ù n daŋso tum tsughu tsə̀təndə̄ghā tə bə̀ghà,

Matìo 24:20

E gɔɔ̄ŋ tsughuu kɔ Zə̀ kò enyəa ghù lò so e tii nùghùnlò mo a lo an Ndzɔŋ zə̀ è təfʉ̀ghàdzughù ŋkāa mò à lò Tsuʼntsə̄ u Tə̀dzûu.

Matìo 24:3

A m bùghò Yɛso dòʼ aŋ kwàʼ u tə̀ Olèf, tsə̀təndə̄ghā tə wə̄n tə n tsɔ̀ŋ bùghò kòʼ wò wə̄n, bvʉ â wə̄n enyəa, “Mò à, ghəa ghən lô bala kə nîi a zə̀n, à lǒ tsə̌a è ghɛ zò è kè dêe tsughuu enyəa nəgha zəghà è koōm bugho ebàm zə̀ m kpe a, asùghò enyəa mbī fɛ so mîa a?”

Matìo 26:30

Ghe n daŋso zom tsughu aghəa, nùghù sə̀ kɔ̀ʼ ndùw aŋ kwàʼ u tə̀ Olèf.

Lûk 19:29

A m bùghò Yɛso kuʼso ndûw naʼ e Bɛtfàch zò à naʼ e Bɛtānì zò, aŋ kwàʼ u tə̀ Olèf, ù n tum tsughu tsə̀təndə̄ghā tə wə̄n tə bə̀ghà,

Lûk 21:37

Yɛso n tsʉ̂a zěe ko àghì am be kə̀ ne ko, nùghùun kɔ̀ʼɔ bwīi ndùw aŋ Kwàʼ u tə̀ Olèf.

Lûk 24:50

Yɛso n daŋso lɔ̄ʼsō sè nùghù ndùw tsə̀təndə̄ghā tə wə̄n êzə̄ŋ aŋ kàlà tə Bɛtānì, kele kɔʼ aghu edzuŋ, bughuso tsughu ghee.

Lûk 24:52

Ghe ŋ kɔʼso wə̄n, kòom nùghù nyə̀ wò èbàm an Yɛ̀lusalɛ̀m tsoʼnlo etsoʼnlo.

Dzɔ̌n 11:18

Alenùghù tsughu am Yɛ̀lusalɛ̀m ndùw am Bɛtānì fə̀ lo ko tǒ tə̀mâe təbə̀ghà: