Bìoball air-loidhne

Kə̀fwàʼ 1:11 - To kə Kəzə̀ kə̀ Fughu ko

¹¹ Ghî yi m bvʉ â ghee enyəa, “Ghî a Galèlîi ghò, ghɛ̀ sô mgbɛɛ ti enyə lɛɛn kɔʼɔ ndùw kəwala à? Yɛso wən, wəla ghe nî nughù kɔʼ fɛ aŋ ghùu ghɛ̀, nì nùghù kɔ̀ʼ ndùw â wən alo kəwālā, ù kè bɔ̌ɔm bùghòo sùghò an dziī è mɔ̀ʼɔ aŋ ghəa ghɛ̀ koʼ ù kɔʼ ndûw a te alo kəwālā.”

Faic an caibideil Dèan lethbhreac

dol air ais ⬆

Kə̀fwàʼ 1:11
23 Iomraidhean Croise

Matìo 16:27

Wɛ ù Ghùw ki alebùghò ghèe ghê tsə̀təndə̄ghā tə Kəzə̀ tò təla tə lô tə wə̄n to an səghanyəgha n Tsele, ù è ke tsəa ko ghùw am fəgha kəla kə kpe am fwàʼ kə wə̄n.

Faic an caibideil

Matìo 16:28

Kùmkùm, M̀ fɛ dzàa wò nù â ghɛ̀, ghî à lo nû fɛ mo vʉ e lô ghee â mbàŋ sɔ̂ŋ fùghù yo mo ghe kâ Wɛ ù Ghùw kôʼ ù bùghòo fɛ am mbī tò Kədə̀ŋ.”

Faic an caibideil

Matìo 24:30

Tsə̌a è Wɛ̀ ù ghùw kè daŋso dêe səā wô alo kəwālā, ghî à kê daŋso dîin kaaŋ wô an nàʼà mə̀n n dzə̀m n dzə̀m abugho ghe kê koʼ aŋghəa Wɛ̀ ù ghùw bùghoo a te am mbàʼ è kəwala an dwaʼa u wə̄n àsùghò an nsəghanyəgha ŋ Kə̀zə̀ n ne mò.

Faic an caibideil

Matìo 25:31

“Abugho Wɛ ù Ghùw kè bugho â dwaʼa wəla ù ki tò Kədə̀ŋ ghèe ghê tsə̀təndə̄ghā tə Kəzə̀ to tə dzə̀m, ù lo kɔʼɔ̄ nyaʼā kɔʼ an ndàŋ è kə̀də̀ŋ è wə̄n.

Faic an caibideil

Mâk 13:26

Ghe lo daŋso kôʼò ko mò Wɛ̀ ù Ghùw sò bùghòo am mbàʼ, à kɔ kə kədaʼa ko, alo nsə̄ghānyə̄ghā.

Faic an caibideil

Mâk 14:70

Pità n naam tue ko nù. A mo e tsûuŋ ko enyə, ghî a te ghə n dzɛ̀ kpèʼe tsughu â Pità enyəa, “Kùmkùm, ghù wən lo ghùw ù ghee, tɔŋlo enyəa ghù lǒ ghùw ù Galèlîi.”

Faic an caibideil

Mâk 16:19

A m bùghò Mughùbè Yɛso kə̀a tsughu ghəa ghən gho enyə â ghee, à fi daŋso lò ghəa a wə̄n à kɔʼɔ gho alo kiwālā, ù ŋ kɔ̀ʼ dòʼò tsùghù aŋ kwe ù Kəzə̀ u təma wo.

Faic an caibideil

Lûk 21:27

Ghe kê daŋso koʼò ko Wɛ ù Ghùw mò ù sò bùghòo am mbàʼ, à dwaʼa wo, ù è lo e lo sugho alo ŋkɔʼso.

Faic an caibideil

Lûk 24:5

Ghəa ghe ti fuʼū kum naŋā tsughu tuw wo a ghueetsə̄ am fə̀ŋ tə̀ tsəəŋ to, ghî yî m bvʉ â ghee enyəa, “À lǒ kwò ghɛ̀ sô dzə̂ən wô ghì a sə̀ à tughu gho am bvʉ e ghî a kpuuwn gho a?”

Faic an caibideil

Dzɔ̌n 14:3

Abugho Ǹ ndûw fəghaān naŋā tsughu luʼū to â ghɛ̀, Ǹ lo kôom bughò èbàm M̀ bughò nî ghɛ̀ tò sɛ̀ è lo a dzə̀m, enyəa luʼu kəla Ǹ lo a te ghɛ̀, è lo sugho fughu èzə̀.

Faic an caibideil

Kə̀fwàʼ 1:2

bùghò tɛ̀ wò tsuʼ fəla ghe mò nî kɔʼ nduw wə̄n alo kəwālā, mo daʼa kə Zuʼ tə̀ Zɔlɔ kə ŋ wən ghəəŋ tsughu ù m fùghù tsùghù dzə̀ ètsʉ̀ â tum tə wə̄n təla ù fə̀ shîaa kɔʼ.

Faic an caibideil

Kə̀fwàʼ 1:22

alenìi nughù wô an tì kə̀là Dzɔ̌n mò fughuu Mùghù ŋ Kə̀zə̀ mò â ghì ghò, bùghò tɛ̀ wò an tsuʼ fəla ghe mò nî nughù kɔʼ wən a te aŋ ghùu sɛ̀, nùghù kɔ̀ʼ ndùw â wə̄n. Ghùw ù ghee u mɔ̀ʼ kì aledòʼò wô sɛ̀ à ghee tǒ ghùw wəla ù mʉā fughuu sugho gùw è Yɛso aŋ ghəa a wə̄n à zoōm wo gho alo evʉ̄.”

Faic an caibideil

Kə̀fwàʼ 1:9

A m bùghò ù dzɛ̀ tsughu ghəa ghən gho, ghe n toʼn nùghù kɔ̀ʼ ndùw wən e dzuŋ mo tsə̀təndə̄ghā tə wə̄n tə lɛɛn ndùw nù, ù ŋ kɔ̀ʼ sàŋà nyə̀ ndùw am mbàʼ, ghe ŋ kôom yò alekòʼ wə̄n.

Faic an caibideil

Kə̀fwàʼ 13:31

ù n ndùw dè sə̀ ughue an ndə̀mà tə n tsuʼu â ghì ghəla ghe mò bwîi wo dzì ghèe ghee alenùghù tsughu aŋ Galèlîi bùghò tɛ̀ an Yɛ̀lusalɛ̀m. Ghe êzəŋ fɛ lò ghî ghəla ghe teso dzâa ghəa a wə̄n gho â ghì ghə Ezə̀lɛ̂ ghò.

Faic an caibideil

Kə̀fwàʼ 2:7

Ghəa zə n tsə̀ghàsə ghee, ghe mo an tùw kə̀ kpuuw ko enyəa, “Ghən mgbàŋ yò ghî a Galèlîi a dzə̀m ghe kə̂aa ghəa gho a?

Faic an caibideil

Kə̀fwàʼ 3:12

Pità ŋ kòʼ ghəa yì, dzɛ̀ â ghì yi gho enyəa, “Wo ghî ghə Ezə̀lɛ̂ ghò, kwə̀ən kə̀ ghɛ kɔʼɔ aŋ kwò à? À lǒ kwò ghɛ̀ sô gbeē lɛɛ̄n ghaʼ enyə à tò è so à lò daʼa kaʼā ŋkāa enyəa ghàʼ zɔlɔ nù an sə kə Kəzə̀ e ghəŋlo enyəa ghùw wən nughù bwiī wo a?

Faic an caibideil

Kə̀fwàʼ 3:21

Yɛso wən lo ki alekɔʼɔ̄ doʼò alo kəwālā, nəgha e Kəzə̀ è kê telè kpeē tsughu â wən alelūesō tsughu lâŋ kə kətō kə wə̄n kəla ù fə̀ ki tum naʼà wô to â ghǐishʉ̀ghà a wə̄n gho â wǐiwì.

Faic an caibideil

1 Tɛ̀sàlonìan 1:10

Ghe buʼù kə̀aa sùghò nù ghəa ghɛ̀ lo mo ghɛ̀ ləəm Wɛ ù Kə̀zə wəla ù lo nughùn wo alò kəwālā alebùghò èbàm am mbī; wəla Zə̀ kə mò nî nughù kɔʼ alo evʉ̄, tɔɔŋ Yɛso wəla ù bəghaasəa sɛ̀ an tsu wəla u ki alebùghò.

Faic an caibideil

1 Tɛ̀sàlonìan 4:16

Tɔŋlo enyəa, ghuūghùe u Mughu ù te kè sə̌a tsughuu wò alo kəwālā, ù bʉgha tsughu dzə̀ è tughu enyəa ghî ghəla ghe fə̀ kpuwnlo mo ghe boo fughu zôo wô. Ghe e ke zuuw nduw dzə̂ tə tuw kə tsə̀təndə̄ghā tə Kəzə̀ tò, mbəgha kə Kəzə̀ kə̀ kê kûu nyəā ndûw, ghî ghəla ghe fə̀ kpuwnlo mo ghe m boo fughu â Yɛso Kə̀lestò kè daŋso zôo wô dzə̂ èsə̄.

Faic an caibideil

Hibùlù 9:28

E lo sugho êzə̀ enyəa ghe mǒ Kə̀lestò fɛ sɛ tən nduw ko enəgha e mɔ̀ʼ alenìi nughù bòo tə ndə̀mà tə aghì. Zəa e lô sugho enyəa ù kè kòom bùgho kpèʼe nù alebùghò kôʼ ghî ghəla ghe mbûuŋ keē wə̄n, mò ù kòom bùghò yo alebùghò sûuw maʼà bòo tə aghì, mò ù bùgho alebùghò bəghāsə̄ ghee.

Faic an caibideil

Edêe Fughu 1:7

Kòʼo, ù bùghòo nù am mbàʼ, ghî ghə̀n à dzə̀m kə̂ koʼō nduw wə̄n, àsùghò ghì ghəla ghi mò buʼù tsuʼn sugho wə̄ alo fən wə̄n; ndùm tə̀n tə̀ dzə̀m fɛ am mbī kê dînlò bòʼ ghəa e wə̄n. Zə̀ e ke lo ko êzə̀.

Faic an caibideil

Lean sinn:

Ceanglaichean taic

Sanasan

Sanasan