Kə̀fwàʼ 1:10 - To kə Kəzə̀ kə̀ Fughu ko

¹⁰ Ghəa ghe naām lɛɛn kɔʼɔ̄ ndûw wala ko aŋghəa ù kɔʼɔ̄, ghe n nùghù tɛ̀fìi kɔ̀ʼ ghî à li gho a bə̀ghà ghe ti ghèe ghee à ndzʉ tə̀ fəmā to a zəŋo e eghùe.

Kə̀fwàʼ 1:10 Iomraidhean Croise

Matìo 17:2

Ù n nùghù kǔuwn kɔʼ fughu an sə kə ghee, sʉ u wə̄n wə n nyəghanlo tò ezuuw, ndzʉ tə wə̄n tə m fəmà nyə̀ghaan ndùw tǒ tsə̀.

Matìo 28:3

Kôʼ e wə̄n zə n nyəghaan ko to ghuuw e lô mwâa tsughuu, ndzʉ tə wə̄n tə n lo fùuŋ, tə fəmā.

Mâk 16:5

 ghee alenyəa ndûw fughu alo eshìa, ghe m fìi kɔʼ tsôm kə wɛ ù nùu kə̀ li ko kə doʼ fughu â kwe ù təma wo, mo ù ŋ ghue u la an dàla è fə̀ma. Dzughu zə n zūm ghee.

Lûk 24:4

A m bùghò tuw kə sô naām kpuūw ghee aŋ ghə̀a ghə̀ è ghə̀n, ghe m fìi kɔ̀ʼ ayînû a bəghà, an ndzʉ̄ tə̀ nyəghaan to ghe ti a vʉ̀a ghee.

Dzɔ̌n 20:12

ù ŋ kòʼ nyə̀ ndùw tsə̀təndə̄ghā tə Kəzə̀ tə bə̀ghà mo tə n la ghue zo an ndzʉ tə̀ fəmā to, dôʼ an luʼù kəla Yɛso mò nyə̂ŋ a te; u mɔ̀ʼ alo kətuw, u mɔ̀ʼ a tsəla efwēe.

Kə̀fwàʼ 10:3

Tsuʼ ù li wo an nə̀ghà tə ezūuw tə təgha â tsə̀ to, dzoō wə n nùghù tsə̌ən wò wə̄n, ù ŋ kòʼ tsùghu tsə̀ndə̄ghā è Kə̀zə̀ e nyəā wo, dzàa wò â wən enyəa, “Kɔ̀nelìus.”

Kə̀fwàʼ 10:30

Kɔ̀nelìus m fùghù ndùw fə̀n kə edzughu â wən enyəa, “A fə̌əgh ù lǐ ù vʉ̂, an nə̀gha zən sùghò ènyə, mùghò ŋ gɔ̂ŋlò an nə̀ghà tə ezūuw tə təgha â tsə̀ alô mùghò an ndughu, mùghò me kôʼ ghùw sə̀ tì an sə kaŋā an ndzʉ̄ tə̀ nyəghaan to.

Edêe Fughu 3:4

Ghɛ̀ nǎam ŋgəəŋ ki ko nû sə fə aghì fə̀ li fo an naʼ e Saldìs mo ghe kaām ghue zə nûʼn kàŋlo aŋ ghə̀a à biigh gho; ghàʼ à ghee lo bwîi kə̀ghuw kə̀ mɔ̀ʼ an ndzʉ̄ tə fəma to, nu ghe ŋ kɔʼ kpē.

Edêe Fughu 7:14

Mùghò m bɛ̀lɛ̀ kɔ̀ʼ enyəa, “Ŋ̀ kwo yo a Mughùbè, à lǎam kwo ghû.” Ù n daŋso dzɛ̀ â mùghò enyəa, “Ghən fɛ lo ghî ghəla ghe lo mo ghe m fala an ndə̀mà tə aghəa fəgha lə ŋ kè kuūwn nomso ghee, ghe yia sûw maʼà tsughu dàlà tə ghee to aŋ kàŋ tə Tsʉ u Ndzì u te wo, tia tə fə̂m tsughu fùuŋ.