Dzɔ̌n 9:3 - To kə Kəzə̀ kə̀ Fughu ko

³ Yɛso m bɛ̀lɛ̀ tsùghu ghee enyəa, “À yo dzə̂ enyəa ghùw wə̄n fə̀ ghəəŋ bo è loʼ zo ŋkāa à fə̀ lo tsele ghèe zə̀, ghe fə̂ wə̄n enyə dzə wo aledèe tsughu daʼa kə Kə̀zə̀ a zəŋò wə̄n.

Dzɔ̌n 9:3 Iomraidhean Croise

Matìo 11:5

ghî à foō a koʼò wò tə̀luʼū, à məla bwiī yia bwîi wô tsəghatsəgha, yia baaŋ ghî a tətsùghò ghò, kùʼ vʉa u zuūw wô ghəa gho, ghî à kpuuw yia zôom nùghùun kɔʼɔ alo evʉ̄, yìa M̀ fughuu sugho Làbəlà è Dzùŋ â ghì à laa gho.

Dzɔ̌n 11:4

Ghəa Yɛso zuw tsughu ghəa zən zo, ù n kuuwn nughu dzɛ̀ tsughu â ghì ghə̀là ghèe ghee mò lo a dzə̀m enyəa, “Dzaŋ e Lazalùs zən yo dzə̂ zəla ù lò alekpūw a te. À lò aledèe tsughu daʼa kə Kə̀zə̀ àsùghò aleghəŋlo enyəa Wɛ ù Kə̀zə̀ kele ŋkɔʼso a te.”

Dzɔ̌n 11:40

Yɛso n dzɛ̀ enyəa, “Ŋ̀ ka mò dzɛ̀ â ghɛ̀ enyəa abugho ghɛ̀ boō tsughu dzə a, ghɛ so koʼ daʼa kə Kəzə̀ kò à?”

Kə̀fwàʼ 28:4

A m bùghò ghî ghə enaʼ yi kôʼ ghəa zughu zə kân aŋ kwe kə Pôl, ghe mo aŋ ghùe e ghee enyəa, “Bəghà wən e wii nû ghî ghò, ghəa ù bùʼ ti sə kɔʼ ko fɛ a n dzughùu, e dêe nù enyəa ghùw wən ki yo zə mbī zən.”

Kə̀fwàʼ 4:21

A m bùghò ghe bəmē kpeʼē tsughu ghee, ghe n zə̀ghàa màʼà ndùw ghee, ghe sô kəŋ kē dzì alefɔ̄esō tsughu ghee, ghî a màʼa fə̀ lo; nu ghî yì à dzə̀m mò tsoō fughuu ko kɛɛ u Kəzə̀ aŋ ghəa yia a mò sə.

1 Dzɔ̌n 4:16

Ghue u eghùe e sɛ̀ zəa e kwo, boo fùghù tsùghù sùghò an ləgha zəla Zə̀ kə̀ ki a zəŋò sɛ̀. Zə̀ kə lo eləgha, ghùw wəla ù mùghū alo e ləgha lo ghèe Zə̀ kò, Zə̀ chìa kə ti sugho ghèe wə̄n.

1 Dzɔ̌n 4:9

Ghən lò ghəa ghəla Zə̀ kə̀ fə̀ dê ləgha e wə̄n zo a te â sɛ̀: aŋghəa Ù fə̀ tum wo sɔ̀ʼ kə Wɛ kə wə̄n kə̀ nuù ko a te am mbī enyəa to sɛ̀ mô kele mùghù zəla e doʼò tən am bàm e wə̄n.