Dzɔ̌n 6:9 - To kə Kəzə̀ kə̀ Fughu ko

⁹ “Wɛfêtùghù fə̀ li fə lo fɛ fə ki sə a ubwɛ̄ gho a tɛ̀, àsùghò tsəghaa to təbə̀ghà ko, u kâ tso bùʼ kɔ̀ʼ kpē â ndə̀m è àghì ghən.”

Dzɔ̌n 6:9 Iomraidhean Croise

Matìo 14:17

Ghe n dzɛ̀ â wə̄n enyəa, “Ghàʼ fɛ lɛɛn ki ko ghoo tə ugbɛ tə tɛ̀ àsùghò tsəghaa to tə bə̀gha”

Matìo 16:9

Ghɛ̀ kaām zuwkɛlɛ to ghəa gho a? Ghɛ̀ ghaam nìzə̀ dzə̀ nù aŋghəa mùgho mò nî kɔʼ sə a ugbɛ gho a tɛ̀ a, mùghò m boʼn dzùghùu fughu tsughu â kam tə aghì tò tə tɛ̀ a? Ghɛ̀ mò kuum lueso kɔʼ ushwàʼnlo u shò ghe mo zə naŋā sə tsughu a?

Mâk 6:38

Ù m bvʉ â ghee enyəa, “Ghɛ̀ ki ugbɛ ù shòʼ a? Ndǔw lɛɛn tsùghùu.” A m bùghò ghe ndûw kôʼ tsughu, ghe mo enyəa, “U twɛ̀, à sə a tətsə̄ghāa gho a bə̀ghà.”

Mâk 8:19

Ghɛ̀ moʼn n yò ghəa ghə̀là mùgho mò boʼn fughu tsughu sə a ugbɛ gho utwɛ̀ â kam tə aghì tò tə tɛ̀ à? Ghɛ̀ mò sugho tə kuum lueso kɔʼ ushwaʼnlō u shòʼ?” Ghe mo â enyəa, “Eghə̄m à ghèwò u bʉ̀ghà.

Lûk 9:13

Yɛso ŋ kòom fə̀ŋso dzɛ̀ ndùw â ghee enyəa, “Fughu tsughu nlǒ ghee â fʉ̀ghàzəa wo.” Ghe mo enyəa, “Ghàʼ fɛ lɛ̄sō ki ko sə a ugbɛ a tɛ̀ àsùghò tsəgha to tə bə̀ghà etɔ̀ŋ, à fi lo enyəa a ki alezue fʉghàzəa u lô alekpenlo an tuw u ghì ghə̀n à dzə̀m.”

Dzɔ̌n 11:21

Ghəa Màta kpe nî wô Yɛso, u n dzɛ̀ â Yɛso enyəa, “Mughùbè, abugho ghù mò lô fɛ, to wàanùghò kà mò kpùw dzə̀.

Dzɔ̌n 11:32

A m bùghò Mèle bughò tɛ̂ wo an lūʼu kəla Yɛso lò a te, ù tə̀m ndùw tuw wə anyʉ̄ a tsəlā Yɛso, dzàa ndùw â Yɛso enyəa, “Mughùbè, abugho ghù mò lô fɛ, to wàanùghò ka mo kpùw dzə̀.”

Dzɔ̌n 21:10

Yɛso n dzɛ â ghee enyəa, “An tsəgha təla ghɛ̀ kwu, nìi wo nlò tə li to a te.”

Dzɔ̌n 21:13

Yɛso n ndùw è bugho, nì kɔ̀ʼ bɛ kə te ko, à tsəgha e te zo, fùghù ndùw â tsə̀təndə̄ghā tə wə̄n to.

Dzɔ̌n 21:9

A m bùghò ghe sə tee wo a ŋgùŋ è enyʉ̀, ghe ŋ kôʼ ndùw chia tə ŋwə̀n àsùghò tsəgha zo e gaʼ a te, àsùghò bɛ ko.

Dzɔ̌n 6:11

Yɛso n daŋso nì kɔ̀ʼ sə a ugbɛ yì, a m bughò ù fughu tsughu zɔ̀ɔŋ kò â Zə̀ kò, ù n dzùghùu fughu tsughu â ghì yia ghe mò doʼ, ù nì kɔ̀ʼ sùghò tsəgha tə te to dzùghù fùghù ndùw sùghò â ghee, ghe mô è zə, zə̀ è kuw.

Dzɔ̌n 6:7

Felêp m bɛ̀lɛ̀ tsughu wə̄n enyəa, “Bɔ̀m n ukʉa n dɛnalì m bə̀ghà bùʼ yò alezue ufʉghàzəa â ghî ghən a dzəm alekele kaāŋ ndûw ko mbəs mbəs.”

2 Kòlentìan 8:9

Tɔŋlo enyəa ghɛ̀ kwo nû dzɔ̂ e Mughubè Yɛso Kə̀lestò zò, enyəa aŋghəa ù mò buʼù kuū ko fɛ, ù n naam tùe zə̀ghàa ndùw kô kum e wə̄n e t zo bùghò dòʼò tsughu ghùw ù lǎa ko ghəa zɛʼɛ, enyəa an lɛ e wə̄n zən, ghɛ̀ è lo alebùghò doʼò ghì a kuu gho.

Edêe Fughu 6:6

Mùgho n daŋso zuw tsughu fəgha kə̀ li ko kə fuŋ sə kɔʼ am bvʉa e fʉgha ù tughu vʉa u lo â tuw ko u chùako tǒ dzə̀ è ghùw enyəa, “Kaŋa fə asò fə mɔ̀ʼ fə̀ e ke kwuu kua wəla ghùw fwàʼ alo fətsūʼ, wʉ̀a zə akue e mɔ̀ʼ e ke kwuu sugho êzə̀. E kwo ghù lò se kuuwn boon màʼnlò mvʉ àsùghò lʉ̀ mò.”