Dzɔ̌n 6:44 - To kə Kəzə̀ kə̀ Fughu ko

⁴⁴ Ghùw yò alebùghò a vʉ̀a mùghò à gɔ̀ʼɔ̀ ko mo a dzɛ̀ Tsele ù te wəla ù tum wô mugho. Ŋ̀ kê daŋso nîi nughùso kɔʼ wə̄n an tsuʼ wəla u doʼò gûŋsò tsughu.

Dzɔ̌n 6:44 Iomraidhean Croise

Matìo 12:34

Wɛ a ufwī tò ghɛ! Ghɛ̀ lo ênzə̂n alekele dzə̀ è dzùŋ mò ghɛ̀ lo ghî à biigh gho a? Tɔŋlo enyəa à bɔɔm səa wò kô fəgha kəla kə lue doʼō ghùw an unʉ̀ghà.

Matìo 16:17

Yɛso n daŋso bɛ̀lɛ̀ tsùghu wə̄n enyəa, “Dzɔ̀ lǒ â ghù a Sǎemòn wɛ ù Dzɔ̌n, nu à kà sə̀ŋò zən dê dzə̂ ghùw ù lì â ghù, à sə̀ŋò e te e dê Tsele waŋā wəla ù lò alo kəwālā.

Dzɔ̌n 12:32

Abugho ghe lo tɔ̂ʼ kɔʼso kɔʼ mugho edzuŋ, aghî a dzə̀m lo daŋso boō fughuu wô â mùghò.”

Dzɔ̌n 5:44

Ghɛ̀ sô lǒ ênzə̂n alebōo à, mò ghɛ̀ dwaʼa wɛʼɛ u nîi kǎaŋ wò aŋ ghùe zɛʼɛ lo, kuuwn kəŋo yo alekelê daʼa kəla Zə̀ kə̀là à mìa ko ghè kò fughuu â ghɛ̀ a?

Dzɔ̌n 6:43

Yɛso m bɛ̀lɛ̀ tsùghù ghee enyəa, “Kà nlò nyuuŋ kə̀a kaaŋ ghəa gho aŋ ghùe zɛʼɛ̄.

Dzɔ̌n 6:45

Ghe tɔm naŋa am Mwàʼsò u ghǐisʉghà a Kəzə̀ enyəa, ‘À lô ghee zoʼn Kə̀zə̀ alo aghəa.’ Ghùw wəla ù zuw shwaʼ u Tsele ù te wo, vʉ̀a zoʼ kele sughò ghəa gho aŋ ghùu Tsele ù te bughòo a vʉ̀a mùghò.

Dzɔ̌n 6:65

Ù n daŋso dzɛ̀ tsùghù enyəa, “Zən lò e ghee M̀ mô dzɛ̂ wô â ghɛ̀ enyəa, ghùw yò alebùghò doʼò ghàʼ à wə̄n à gɔ̀ʼɔ̀ ko mò à wə̄n nî tum wò Tsele ù te a vʉ̀a mùghò.”

Dzɔ̌n 8:43

À sò lǒ kwò ghɛ̀ kuūwn zuūwkɛlɛ̄ yo ghəa ghə̀là Ŋ̀ kəaa. À lǒ bòʼ ghɛ̀ n tue enyəa ghɛ̀ zuuw yo shwaʼ waŋā wo.

Fèlepìan 1:29

Tɔŋlo enyəa, Zə̀ kə̀ kâ ka dè ko ghɛ â dzɔ̀ e wə̄n zo enyəa ghɛ̀ boo ko â Kə̀lestò, à lò sughò enyəa ghɛ̀ ki alefaan sugho bòʼ wə̄n.

Kòloshìan 2:12

Ghe mafə ghɛ tsəla dzəŋlo ghɛ̀ ghê Yɛso Kə̀lestò am mùghù ŋ Kə̀zə̀ mə̀là ghe mò fughu â ghɛ̀. Zə̀ kə̀ m fùghù sùghò ghɛ̀ â mùghù è fughu zo bòʼ ghɛ̀ gaʼ fə̀ŋ aŋ kɔ kə kəfwàʼ kə Wə̄n, tɔ̂ɔŋ Zə̀ kəla kə fə̀ zôm nughù kɔʼ Yɛso alo evʉ̄.