Biblia Todo Logo
Bìoball air-loidhne

- Sanasan -




Dzɔ̌n 6:2 - To kə Kəzə̀ kə̀ Fughu ko

2 Nɔ̂e kə aghì kə̀ n tə̂əŋ bwìi kǎaŋ ko a bǎa wə̄n, ghe màʼà kôʼ tsughu tsə̌a təla ù fə̀ fòʼn tsughu a zəŋò ghì à dzaŋā gho, ghe n tughuu dòʼn wò.

Faic an caibideil Dèan lethbhreac




Dzɔ̌n 6:2
19 Iomraidhean Croise  

A m bùghò Yɛso kele tsughu enyəa ghe kwâa wə̄n, ù n zə̀ghàa tsughu bəla e te zo, saʼ kə aghì kə̀ n tə̀ŋò nùghù ndùw a bâa wə̄n, ù m baaŋ kɔʼ ghî à dzaŋa gho a te a dzə̀m.


Ndə̀m è àghì ghə̀ mô è tsuŋ, dzə̀əŋ ŋgəa kɔʼ wə̄n. Ù m bɛso nyə dòʼò tsughu alo kəkwə̀n, ghî ghə̀ ŋ kuūwn tee tsughu ko a ŋgùŋ è enyʉ̂.


A m bùghò ù sə tsughu alo kəkwə̀n, ù ŋ kòʼ saʼ kə aghì kə te ko, se zə ŋ kwu wə̄n a zəŋò ghee, ù m baaŋ tsughu ghəla ghe fə̀ dzaŋā a te.


A m bùghò Yɛso sə tsughu wo aŋ ukwàʼ, saʼ kə aghì kə̀ n tə̂əŋ wò enyə a bàâ wə̄n.


Ù ŋ kuūwn kòom nùghù è tsughu, ndùw kàʼ ndùw ghəa yia lùʼù ndzɛɛ̄n kəaa gho â ghì ghò, nàʼà tsughu ghəa yi enyə, Yɛso ŋ kôom yò alendzìin tsəghàa nyə enaʼ, dòʼò kòom tsughu ko alo təŋgwə̀là, ghî ghə̀ n naam nùghùuŋ wò kô bàa tə̀n tə̀ dzə̀m, bùghòo ko alebùghò kôʼ wə̄n.


Ndə̀mà tə aghì tə̀ ŋ kòʼ tsùghù ghəa ghe nughùun nduw a te, kòʼkɛ̀lɛ ndùw ghee, ghî a te ghə n sə̀ tsə̀ghà tsughu ko alo aghùw, nyə̀ŋ ndùw dòʼò zìi ndùw fia ghe mò nduūw.


Tuw u təfɔ̀e ghèe ghê ghì a Falasîi ghə n daŋso tɔŋɔ zùuŋ tsùghù aghî aŋ kansì, bvʉ â ghee enyəa, “À lo to a e ghəŋlo ênzə̂n? Nuū ghùw wə̄n bəla dèe ndə̀mà tə nsə̀ghàa.


Soo kə eghəa kəla ndə̀m è aghî fə̀ lue nduw a te a vʉ̀a Yɛso fə̀ lo aŋghəa ghe zuw tsughu enyəa ù zòom nùghù wò ghùw alo evʉ̀.


Aŋghəa Yɛso fə̀ bûʼ tso dê ko ndə̀mà tə nsə̀ghàa tò an sə kə ghee, ghe ŋ kè sô kuūwn boō fughu â wə̄n.


Zən fə̀ lo tsə̌a è Yɛso è sûesʉ u fə̀ dê tsughu aŋ Kanàn an naʼ e Galèlîi, dè kɔ̀ʼ sùghò dwaʼa u wə̄n; tsə̀təndə̄ghā tə wə̄n tə m boo fughu tsughu â wə̄n.


A m bùghò ù sò lô an zə kə̀ Zəŋso Naaŋ ko an Yɛ̀lusalɛ̀m, ndə̀m tə aghî tə m boo fughu ndùw â wə̄n, bòʼ sə̀ghà mə̀lā ù fə̀ deē ghè mò.


Yɛso n dè ndə̀mà tə tə̀tsə̌a a sə̀a tsə̀təndə̄ghā tə wə̄n to mo ghe kâ fɛ am mwàʼsò kən tɔm naŋā;


Tûw vʉ m bùghò kòʼ wò Yɛso â tsuʼ wo, dzɛ̀ â wə̄n enyəa, “Wàdè, ghàʼ kwo nû enyəa ghù lo ghùw wəla Zə̀ kə̀ tum wo alebùghò zoʼnlo àghì, tɔŋlo enyəa ghùw yò aledeē sə̀ghàa mə̀là ghù děe ghè mò, mò Zə̀ kə̀ kâ ghu ko a te gāʼ.”


A m bùghò ghî a te a kôʼ sʉghà vʉ̀a Yɛso dè tsughu, ghe ŋ kâʼ ndùw alekə̀a enyəa, “Kùmkùm, wən lǒ ghùwshʉ̀ghà ù Kə̀zə̀ wəla ù mò ki alebùghò fɛ mbī.”


Tsuʼ ù li vʉ̀, saʼ kə aghì kəla kə mô doʼòdoʼò nduw a ŋgùŋ ŋ è lì ezə̂ kòʼ tsùghù enyəa à mò fughu lo ko kəkwə̀n kə mɔ̀ʼ, àsùghò enyəa Yɛso ka mo nughù ghèe ghee tsə̀təndə̄ghā tə wə̄n to aŋ kwə̀n kə te ko, enyəa tsə̀təndə̄ghā tə wə̄n tə mô nùghù ko ghee à nəŋ ko.


Yɛso m bɛ̀lɛ̀ tsùghu ghee enyəa, “Kùmkùm, aŋghəa Ǹ dzâa səā wo â ghɛ̀, ghɛ̀ mugho kəŋo kaaŋ dzə̀ yò bòʼ sə̀ghàa mə̀là ghɛ̀ mò koʼ, à lǒ bòʼ gbɛ wəla ghɛ̀ mò zə kūw tsughu.


Ghe fi dzɛ̂ nù â wə̄n enyəa, “À lò shʉ̀ghà ù ghɛ wo ghù lò aledèe tsughu, tò ghàʼ kôʼ a, ghàʼ boō fughu wô â ghǔ a? Ghù fwàʼà tsùghû fwàʼ kə ghɛ ko?


Lean sinn:

Sanasan


Sanasan