Dzɔ̌n 5:7 - To kə Kəzə̀ kə̀ Fughu ko

⁷ Ghùw ù dzàŋa vʉ m bɛ̀lɛ̀ ndùw wə̄n enyəa, “Mughu ù te, Ŋ̀ ki yo ghùw wəla ù lò alenìi nyəā tsughuu ndûw mùghò an tsəm kə mmùghu kən abugho kə nughù fwə̂ən kɔʼ ghue wo. M̀ fɛ lǒ, mùghò mo e dzaʼā səā ndûw ko kə̀ghuw enyə, ghùw nùghù n daŋso tɛ̀ tsə̀ghà ndùw â sə ko.”

Dzɔ̌n 5:7 Iomraidhean Croise

Dzɔ̌n 5:2

Tsəm kə mmùghu kə̀ kə lo tsighā an Yɛ̀lusalɛ̀m kə̀ fə̀ kuʼù lo a fughu a fǔughɔ̄ŋ wə enaʼ wəla ghe fə̀ tɔŋlo enyəa à lǒ Fuū u ughɔ̄ŋ u Təndzì, ghe fə̀ tɔŋlo an shwaʼ u Hibùlù enyəa à lǒ Bɛ̀dsǎedà. Kə fə̀ ki ufwala u twɛ̀.

Dzɔ̌n 5:3

Am fwala wən, à n lo nduw ko ghî ghəla ghe tɔʼɔ̀ tughūu yo — ghî à foō gho, ghî a bâ kə̀ mɔ̀ʼ, ùkwə̀ŋlo. [Ghe fə̀ ləmlo enyəa mùghù n noʼn kɔʼ;

Dzɔ̌n 5:4

bòʼ tsə̀ndə̄ghā è Mughu ù te fə̀ bughōo fughu an tì kə̀ li ko, zə̀ n nyə̀ tsùghù fwə̀n kɔʼ tsəm kə te ko. Ghùw ù dzàŋa wəla ù nyə tsughu an tsəm kə te ko esə̄ n dzàŋ è tughu, abugho ù mò buʼù dzaŋà ko dzâŋ è ghɛ zo.]

Dzɔ̌n 5:6

A m bùghò Yɛso kòʼ tsughu wə̄n mò ù nyə̌ŋ fughu, ù mô è kele enyəa gha kə n sə aŋghəa ghəla ghùw wə̄n nyə̂ŋ tsəgha fughu. Yɛso m bvʉ â wə̄n enyəa, “Ghù lə̀ghaa nù aletughu a?”

Lumà 5:6

A fə bugho an tì kəla sɛ̌ fə̀ yo aleyòsò ghue e sɛ̀, Kə̀lestò u m bùghò kpuw an tuw u ghì biigh gho an nə̀gha zəla Zə̀ kə̀ mò fôʼ naŋa enyəa e lo səa a te.

1 Kòlentìan 9:24

À lǒ mò ghɛ̀ məghaa nù enyəa à dzèŋe nyəŋo tsə̀ghà ndə̀mà tə aghì abugho ghe bânlo alenyəŋ a, à ŋ kuuwn nyəŋ zə ko ghùw ù mɔ̀ʼ namso kə te ko a? Ghɛ̌ fi ki aledə̀mà təla tsughu alenyəŋo zə namso kə te ko.