Dzɔ̌n 5:4 - To kə Kəzə̀ kə̀ Fughu ko

⁴ bòʼ tsə̀ndə̄ghā è Mughu ù te fə̀ bughōo fughu an tì kə̀ li ko, zə̀ n nyə̀ tsùghù fwə̀n kɔʼ tsəm kə te ko. Ghùw ù dzàŋa wəla ù nyə tsughu an tsəm kə te ko esə̄ n dzàŋ è tughu, abugho ù mò buʼù dzaŋà ko dzâŋ è ghɛ zo.]

Dzɔ̌n 5:4 Iomraidhean Croise

Matìo 11:12

Alenìi nughù wô an tsuʼù Dzɔ̌n Fùghùu mùghù ŋ Kə̀zə̀ u Kə̀zə̀, fɔ̂e ù Kəzə̀ ù fɛ bwìi ndùw tsə̀ghà ko alo esə̀ŋ alo esə̀ŋ, ŋgaam tə aghì tia tə dəmà sughò alenyə a te alo kədaʼa.

Matìo 6:33

Kuuwn bùʼu tughuso tsùghù dzə̀ nlò kè tò aŋ ghəa e fɔ̀e u Kə̀zə̀ àsùghò aŋ ghəa ghəla a ghəŋlo enyəa ghùw è lo tsəghatsəgha, ghɛ̀ ke kele tsughu sugho fʉgha u te wo u dzə̀m.

Lûk 13:24

“Də̀ma tən tsughu nlò aletsə̀ghàa nyə am fanso fə fù u ndughu, nu Ǹ so Ǹ dzâa wô â ghɛ̀ enyəa, ndə̀m è àghì kè lə̀ghaa nù aletsə̀ghàa nyə, dzì è ke kuuwn m buw.

Lûk 16:16

Ghɛ̌ fə̀ bwiī ko an làŋ kə Musî, zuuw sùghò tsʉ̀ e ghîishʉ̀gha bùghò kùm wò an tì kə Dzɔ̌n Fùghùu mùghù ŋ Kə̀zə̀; alenìi nughù wô an tì kə te ko, ghî à fɛ tsòo mgbɛ̌ɛ kə̀aa tsə̀ghà kô ghəa e Fɔ̀e u Kəzə̀, ndə̀m è àghì yia a dəmà aleŋgaām nyə aŋ ghəa e te zo.

Dzɔ̌n 5:3

Am fwala wən, à n lo nduw ko ghî ghəla ghe tɔʼɔ̀ tughūu yo — ghî à foō gho, ghî a bâ kə̀ mɔ̀ʼ, ùkwə̀ŋlo. [Ghe fə̀ ləmlo enyəa mùghù n noʼn kɔʼ;

Dzɔ̌n 5:5

Tûwbʉ̀ghà ù lì n lo fughu mò ù n dzàŋ tsɛ̀lɛ̀ aŋ ghə̀m n tə̀nùu n təgha à nùu tò efāa.

Dzɔ̌n 5:7

Ghùw ù dzàŋa vʉ m bɛ̀lɛ̀ ndùw wə̄n enyəa, “Mughu ù te, Ŋ̀ ki yo ghùw wəla ù lò alenìi nyəā tsughuu ndûw mùghò an tsəm kə mmùghu kən abugho kə nughù fwə̂ən kɔʼ ghue wo. M̀ fɛ lǒ, mùghò mo e dzaʼā səā ndûw ko kə̀ghuw enyə, ghùw nùghù n daŋso tɛ̀ tsə̀ghà ndùw â sə ko.”

1 Kòlentìan 6:11

Ghɛ̀ â li a fə̀ buʼu ghəəŋ tsəgha sugho ŋgòʼ è ghə̀a ghən. Ghe ŋ kuuwn sùw màʼà tsùghù ghɛ, ghe ŋ ghəəŋ tsùghù è sugho ghɛ̀ n zɔ̀n dòʼò è tsughu, ghe ŋ ghəəŋ tsughu sùghò enyəa ghɛ̀ doʼo tsughu ghî à tsəghatsəgha gho an zən e Mughu ù te Yɛso Kə̀lestò àsùghò an Zuʼ tə̀ Zɔlɔ to.

1 Dzɔ̌n 1:7

Abugho sɛ̀ kuūwm mughu an tsə̂, tò aŋghəa kə lo an tsə̂, à fi lo enyəa sɛ̀ a dzə̀m lò alo kəfəgha kə mɔ̀ʼ, Kâŋ tə Wɛ ù Wə̄n tɔɔŋ Yɛso, tia tə sûuw maʼn sughò bôo tə sɛ̀ tò tə dzə̀m.