Dzɔ̌n 5:2 - To kə Kəzə̀ kə̀ Fughu ko

² Tsəm kə mmùghu kə̀ kə lo tsighā an Yɛ̀lusalɛ̀m kə̀ fə̀ kuʼù lo a fughu a fǔughɔ̄ŋ wə enaʼ wəla ghe fə̀ tɔŋlo enyəa à lǒ Fuū u ughɔ̄ŋ u Təndzì, ghe fə̀ tɔŋlo an shwaʼ u Hibùlù enyəa à lǒ Bɛ̀dsǎedà. Kə fə̀ ki ufwala u twɛ̀.

Dzɔ̌n 5:2 Iomraidhean Croise

Dzɔ̌n 19:13

Ghəa Paelɛ̀t zuw ndûw shwaʼ u te wo, ù n nì tìso sə̀ wò Yɛso, tsùghù dòʼò tsughu am ndàŋ zəla ù saʼā ghî ghò a te, mò è ki mgbàʼà kə ebugho, ghe tɔŋlo an shwaʼ u Hibùlù enyəa à lǒ Gàbatà.

Dzɔ̌n 19:17

Sùghugòʼ tə̀ n daŋso nì kɔ̂ʼ Yɛso aŋ ghu kə ghee. Ghe n nì sə̀ ndùw Yɛso mò u m bòʼò kèle dâŋ ko, nì ndùw wə̄n aŋ kwàʼ u kaŋ kə kətuw, mo e moʼnlò an shwaʼ u Hibùlù enyəa à lò Gɔɔlgɔtà.

Dzɔ̌n 19:20

Ghe fə̀ wə̄n bɛ kɔʼ am bùghù e dziī, ndə̀mà tə Tə̀dzûu n tsəghàa tɔ̌ɔŋ dàŋà tsə̀ghà ghəa a te gho; a màʼà fə̀ lô an shwaʼ u Hibùlù, Gə̀lêʼ, àsùghò an shwaʼ u Latə̀n.

Dzɔ̌n 20:16

Yɛso n tɔŋɔ tsughu wə̄n enyəa, “Mèle.” Mèle m fə̀n tsùghù ughue, tɔŋɔ ndùw wə̄n an shwaʼ u Hibùlù enyəa, “Làbonì!” (Mo e moʼnlò enyəa à lǒ Wàdè).

Dzɔ̌n 5:3

Am fwala wən, à n lo nduw ko ghî ghəla ghe tɔʼɔ̀ tughūu yo — ghî à foō gho, ghî a bâ kə̀ mɔ̀ʼ, ùkwə̀ŋlo. [Ghe fə̀ ləmlo enyəa mùghù n noʼn kɔʼ;

Dzɔ̌n 7:21

Yɛso m bɛ̀lɛ̀ ndùw ghee enyəa, “Mugho mò ghəəŋ tsughu eghəa e mɔ̀ʼ, dzughu ghə n zùm ndùw ghɛ̀ a dzə̀m ènyə a te.

Kə̀fwàʼ 21:40

A m bùghò Komndzūghū vʉ fughu tsughu wə̄n â bùʼ kò, Pôl n tee kɔʼ kɔʼ alo ŋkɔʼɔ, fòʼn ndùw ghee â ghu gho enyəa ghe doʼò tsughu mɔŋ. A m bùghò ghe ndôʼ də̂m sugho, ghî à nughù zuw doʼò tsughu mɔ̄ŋ, Pôl ŋ kàʼ ndùw ghee â ghəa à kəaa gho an shwaʼ u Hebə̀lù, dzɛ̀ â ghee enyəa.

Edêe Fughu 16:16

Zə̀a m bǐigh mi n daŋso tɔŋɔ zuuŋ tsùghù udwə̀ŋ an lùʼù kəla ghe tɔŋlo an shwaʼ u Hebə̀lù enyəa à lǒ Àmàgɛ̀dɔ̀n.

Edêe Fughu 9:11

Ghe ki tsə̀ndə̄ghā zala è lɛɛnlo a bùʼ kəla kə kuʼù yo tǒ də̀ŋ kə ghee; zən e wə̄n an shwaʼ u Hebə̀lù e lo enyəa Abadɔ̀n, aŋ shwaʼ u Gə̀lêk ghe n tɔɔŋ wə̄n enyəa à lò Àpolìon.