Dzɔ̌n 4:41 - To kə Kəzə̀ kə̀ Fughu ko

⁴¹ Taŋ zə̀ àghì zəla ghe fə̀ boō fughu â Yɛso ŋ kòom fə̀ghaan dùw tsə̀ghà è tsughu bòʼ shwaʼ u wə̄n wəla ghe zuw tsughuu.

Dzɔ̌n 4:41 Iomraidhean Croise

Lûk 4:32

Dzughu zə n zuu ghee an ŋgòʼ è dzì zəla ù zoʼn ghî ghò a te, nu shwaʼ u wə̄n u fə̀ lo dò kə ushwāʼ.

Dzɔ̌n 4:40

A m bùghò ghî a Sàmalìa à bughò kôʼ wo wə̄n êzə̀, ghe m buʼ tsughu kə ghu â wə̄n enyəa ù dòʼòdoʼò tsughu ghèe ghee. Ù n dòʼò tsùghu ghèe ghee alo ntsuʼu m bə̀ghà.

Dzɔ̌n 4:42

Ghe mo â wìzən vʉ enyəa, “À kòom bùʼ kà yò ko ghəa ghə̀là ghù mò dzɛ â ghàʼ a ghəŋlo enyəa ghàʼ boō fughu â wə̄n, ghùe e ghùe zaʼā zə n zuw, yia a boō tsughu enyəa tûw wə̄n kûm lò Bəghambī.”

Dzɔ̌n 6:63

À lò Zuʼ tə Kəzə̀ tə fughuu ghùw â mùghù zò, gwən e ughùe ki yo ghəa è li zo aleghəŋlo. Shwaʼ wəla Ǹ tsɔ̂ɔn tsughu fɛ â ghɛ̀ lò Zuʼ tə Kəzə̀ təla tə fughuu ghɛ â mùghù zò.

Dzɔ̌n 7:46

Gbè ti tə m bɛ̀lɛ̀ tsùghu enyəa, “Ghùw ù lì kaām ghəa gho enyə kə̂a kòʼ tǒ ghùw wən.”

Kə̀fwàʼ 1:8

Ghɛ̀ lo kuuwn kele tsughuu ùdwaʼa abugho Zùʼ è Zɔ̀lɔ lo bughò tsɛ̀ʼɛ̀ ghɛ; ghɛ̀ lo daŋso doʼō tsughu ghɛ̀ è mʉā fughuu gùw zaŋa an Yɛ̀lusalɛ̀m, an Dzùdîa e dzə̀m à Sàmalìa e dzəm, àsùghò alendùw tâa ndûw aŋ kàlà tə mbī ten tə̀ dzə̀m.”

Kə̀fwàʼ 15:3

A m bùghò ghe sô lo an dziī ghəa ghî a Kə̀lestò à tum sə tsughu ghee, ghe n tsə̀ghà nyə̀ ndùw dzì am Fòenishìa àsùghò an Sàmalìa, nàʼn ndùw ghəa Toʼò è fəlà doʼn wô ghî à Kə̀lestò ghò a te. Shwaʼ wən n dzə̀n ndùw kə̀duʼnlo am fə̀ŋ tə waakə̀lestò yì à dzə̀m.

Kə̀fwàʼ 8:12

A m bùghò ghe kôom bughò boō fughu ndûw â Felêp, wəla ù mò naʼn wo tùm è Fɔ̀e u Kəzə̀ è dzùŋ, kə̀aa wò sùghò ghəa Yɛso Kə̀lestò, ghe fughu tsughu ghee enyə â mùghù ŋ Kə̀zə̀ mò — ayînû àsùghò yìzən gho.

Kə̀fwàʼ 8:25

Ezə̄ŋ ghəa Pità ghèe Dzɔ̌n teso dzɛ̂ tsughu ghəa a Mughu ù te gho, ghe n nùghù tsùghù a lùʼù kwəlā wo ebàm an Yɛ̀lusalɛ̀m, nàʼà kwən tsughu ko tùm è dzùŋ è te dzîidziī enyə an ndə̀mà tə nàʼà mə̀là n lò a tsəlà Sàmalìa.

Hibùlù 4:13

Fəgha kə̀ li yo dzə fɛ am mbī Zə̀ kə fə̀ gbə̂n wo kə nân doʼo an sə kə wə̄n. Ghəa ghən a dzə̀m tsò tsʉ̀ doʼo ko enyə an sə kə wə̄n. Sɛ̀ ki aletaŋso dzɛ̂ ghəa ghən a dzə̀m sɛ̀ lo mo a m fwàʼ â wən.