Dzɔ̌n 4:11 - To kə Kəzə̀ kə̀ Fughu ko

¹¹ Nughò vʉ m bvʉ â wə̄n enyəa, “Mughùbè, ghù ki yo tom kə mmùghu ko, bûʼ kə mmùghu chia kə dâa sugho, ghù sò mùghù mə̀là ŋ ki mughù zò è kuūwn nîi wô a ghɛ̀?

Dzɔ̌n 4:11 Iomraidhean Croise

Dzɔ̌n 3:4

Nìkòdɛmùs m bvʉ â wə̄n enyəa, “Ghe lo ênzə̂n aledzəā kuêen ghùw lo, mò ù n noō a? To ù ŋ kòom nyə̀ kɔ̀ʼ ndùw ebàm an nʉ̀ghà u zə̂ à, ghe dzəā kpeʼē tsughu wə̄n a?”

Dzɔ̌n 4:14

ghəla ghe lo kuūwn mʉā mùghù mə̀là Ǹ lo fughu â ghee, fə̀ŋ è m̀mùghu kê ghee kôom zùʼso kòʼ yò. Mùghù mə̀là Ǹ lo fughuu, n lo doʼò tsughu fədzughù a zəŋò ghee, fə tûuŋ səā kɔʼɔ̄, fughu sùghò ghee â mùghù è doʼn təla zo.”

Dzɔ̌n 7:37

Tsuʼ fəla zə kə mîanlo a te n lo tsuʼ fə̀ ne fo, Yɛso n nùghù těe è kɔʼ, dzɛ̀ sə wò an dzə̂ è tughu enyəa, “Ghùw wəla fə̀ŋ zuʼso wə̄n ù bùghò nyəma tsughu aŋ ghùu mùghò.

Kə̀fwàʼ 10:14

Pità mo enyəa, “Ɛ̂ŋgaŋ a Mughùbè; Ŋ̀ kaām zə kòʼ fəgha ko mo kə dzɔ̂ɔ yò ŋkāa mo bughōo kə enaʼ kə kâ bǒo.”

1 Kòlentìan 2:14

Ghùw wəla Zuʼ tə Kəzə̀ tə̀ yo a zəŋò wə̄n bǒom yo êsəŋò zəla Zuʼ tə Kəzə tə te tə deē ghè zò. Ŋgòʼ è àghì ghən zuuwkɛlɛ yo ghəa te gho; ghəa a te a lo elaʼsò â ghee, bòʼ à lò ko an daʼa kə Zuʼ tə̀ Zɔlɔ tə te to ghùw kè koʼòkɛlɛ enyəa kən lo fəgha kə səŋò kò.

Edêe Fughu 21:6

Ù n daŋso dzɛ̀ â mùghò, “Ghəa ghən a dzə̀m n tsə̀ghà mìaa! Ǹ lo Kəzìi lò sugho Ekuʼù! À ghəa gho a dzə̀m zîi tsùghu mùghò, yìa à mìasò sughò mugho ghəa gho a dzə̀m! Ghî ghəlà fə̀ŋ zuʼso ghee, Ǹ lo tuuwn fughuu nu ghee â mùghù mò an sə e dzùghù zəla e fughu mughùu zò mo ghe kâ fəgha kə tsə.

Edêe Fughu 22:1

Tsə̀ndə̄ghā e Kə̀zə̀ n daŋso dè wò mughò â dzùghù e kuŋu səa wo an ndàŋ è kə̀də̀ŋ è Kə̀zə̀ zə̀ àsùghò a zə̀ŋo Tsʉa u Ndzì u te wo, dzùghuu e te ŋ ki mùghù məla m fughu mughù zò, mò n zɔlɔ nyəghanlo tò eshiaghɔŋlo.

Edêe Fughu 22:17

Zuʼ tə̀ Zɔlɔ tə te to ghèe ghê wì ù Tsʉa u Ndzì e te wə n dzɛ̂ enyəa, “Bùghò!” Ghùw wəla ù zuw ghəa ghən gho telè ki sugho aledzàa tsughu enyəa, “Bùghò.” Ghùw wəla fə̀ŋ è m̀mùghu zuʼso wə̄n, ù bùghò. Ghùw wəla u mbùŋlo alemʉ mùghù məla m fughuu mughù zò ù nìi kɔʼ kə̀nughùnùghù.

Edêe Fughu 7:17

tɔŋlo enyəa Tsʉ u Ndzì u te wəla u lo an ndàŋ è kə̀də̀ŋ è te kê lǒ bàʼàtə̀ndzì ù ghee. Ù lo nìi ndùw ghee an sə e dzughù zəla e ki mùghù mə̀là ŋ ghəŋlo enyəa ghùw è lo â tuw ko. Zə̀ kə̀ lo zêe maʼà tsughu sə̀ mə̀ èdì n dzə̀m aŋ tuw kə ghee.”