Dzɔ̌n 4:1 - To kə Kəzə̀ kə̀ Fughu ko

¹ A fə̀ bughoo Yɛso kele sə kɔʼ enyəa ghî a Falàsîi a maā shwaʼ wən wo zuw enyəa, “Yɛso nǎam nìi ndùw kô tsə̀təndə̄ghā, fughuu ndùw ghee â mùghù ŋ Kə̀zə̀ mò, tsə̀ghàtàʼà Dzɔ̌n.”

Dzɔ̌n 4:1 Iomraidhean Croise

Lûk 1:76

[Sàkàlîa ŋ kwə̀n dzɛ̀ tsùghù â wɛ enyəa.] Ghǔ a, wɛ wən, ghe lô ghù tɔɔŋ tsə̀ghà enyəa, ghùwshʉ̀gha ù Zə̀ kə edzuŋ ko, Tsə̂ntə̀mbî; tɔŋlo enyəa ghù kè nùghùun ndùw â sə ko alendùw biaān naŋā tə̀luʼu â Mughu ù te.

Lûk 19:31

Mò ghùw bvʉ̀ â ghɛ̀ enyəa, ‘Ghɛ̀ zêe nùghùnlò enyəa à lǒ kwò?’ Ghɛ̀ mò â wən enyəa, ‘Mughu ù te ki kəfwàʼ a te.’ ”

Lûk 19:34

Ghe m bɛ̀lɛ̀ ndùw enyəa “Mughu ù te ki kəfwàʼ a te.”

Lûk 2:11

Nɛ an tsuʼ u nɛ wən, ghe ŋ ghɛ̀ â tisûŋ dzə an naʼ e Dɛvìd mò à lǒ Kə̀lestò Mughu ù te.

Lûk 7:13

A m bùghò Mughu ù te kôʼ tsughu nughò vʉ̀, ù ŋ kwuso èse, gɔ̀ɔŋ tsùghu wə̄n enyəa, “Kà dî sùghò ma.”

Lûk 7:19

Dzɔ̌n n tɔŋɔ tum tsughu tsə̀təndə̄ghā tə wə̄n tə bə̀ghà enyəa ghe ndûw bvʉ â Mughu ù te enyəa, “À lò ghû ghùw wəla ù mo ki alebùghò ŋkāa a ki aleləmā tsughu ghùw ù nùghu a?”

Dzɔ̌n 3:22

A m bùghò Yɛso kə̀a mɛʼɛ̀ tsughu ghəa gho, Ù n nùghùu nyə̀ ndùw an naʼ e Dzùdîa ghèe ghê tsə̀təndə̄ghā tə wə̄n to; ù n tsùuŋ dòʼò kə̀ŋo ndùw fughu ghèe ghee, fùghù sùghò àghì fughu â mùghù ŋ Kə̀zə̀ mò.

Dzɔ̌n 3:26

Ghe m bùghò dzɛ̀ â Dzɔ̌n enyəa, “Wàdè, ghùw wəla ghàa wə̄n mò lo a dzə̀m a ŋgùŋù tsə̀, abugho a dâŋ sə kɔʼ Dzodàn, wəla ghù fə̀ teso dzàa ghəa a wə̄n gho enyəa ù lǒ Ù tsùʼu, ù lò fɛ, fughu àghì â mùghù ŋ Kə̀zə̀ mò, ghî a fi tsòo nyə̀ŋo ko a fughu.”

Kə̀fwàʼ 10:36

Ghɛ̀ kwo nû tum zəla ù fə̀ tum nduw â ghì ghə Ezə̀lɛ̂ ghò, tsʉ̀a ndùw àghì aŋ ghəa ghe lô alekele èbughunlo a te am bàm e Yɛso Kə̀lestò (ù lò Mughùbè ù ghì ghə̀n à dzə̀m).

1 Kòlentìan 1:17

Kə̀lestò ka fə mugho tùm wò dzə enyəa M̀ bughò mùghò è fughuu mùghù ŋ Kə̀zə̀ mò, ù mò mugho tum wo enyəa M̀ bughò zughòo làbəlà è wə̄n è dzùŋ, Ŋ̀ ka mo làbəlà è te zughòo dzə an dzùghù è kpəŋō zo. Ŋ̀ ka mo ləgha dzə enyəa tùm è dàaŋ kə Kə̀lestò bùghò doʼò kənughùnùghù mò e kì yo daʼa ko.

1 Kòlentìan 15:47

Ghe fə̌ ghùw ù sûesʉ wən bɔm sə kɔʼ alo təzùʼ, ù lò ghueekətsə̄. Ghùw ù ebàm wən n sə tsùghù wo alo kəwālā.

1 Kòlentìan 2:8

Ghùw u mɔ̀ʼ aŋ ghì ghəla ghe fə̀ saʼā tuw u aghì wò fɛ am mbī ka fə̄ zuwkɛ̄lɛ̄ dzə ghəa ghən; tɔŋlo enyəa abugho ghe fə zuūwkɛlɛ̄ tsughuu, to ghe ka mō Mughu ù te wəla ù ki dwaʼa wo u dzə̀m təghàa dzə̀ alo kədàŋlo.

2 Kòlentìan 4:5

Ghàʼ fɛ kə̀aa dzə̀ yò ghəa a ghùe ghaʼā gho; ghàʼ kə̂aa wò ghəa a Yɛso Kə̀lestò, enyəa ù lò Mughù ù te, ghǎʼ yia kuūwn lo kɔ̀ɔ mɛʼɛ mò aŋ ghəa e Yɛso.

Dzɛ̂ms 2:1

Waazə̂ ghaŋa gho, kà nlò kpiī wo e baā aŋghəa ghɛ̀ lo mò ghɛ̀ m boo fughu â Yɛso Kə̀lestò, Mughu ù te wəla ù ki səghanyəgha mò.

Edêe Fughu 19:16

Ghe n tɔm naŋa an ndzʉ tə wə̄n àsùghò am bì kə wə̄n enyəa, “Də̀ŋ kə udwə̀ŋ àsùghò Mughu wəla ù tsə̀ghàsə ghê Mughubè a dzə̀m.”