Dzɔ̌n 3:8 - To kə Kəzə̀ kə̀ Fughu ko

⁸ Kʉ̌ɛɛ kə tsəghàa ndùw an lùʼù kəla kə ləghaa, ghù n zuw dəm kə te ko, kuuwn yò aledzɛ̀ luʼū kəla kə nughù wo a te ŋkāa luʼū kəla kə nduūw a te; à lò sugho ghəa è mɔʼɔ̄ zo â ghùw wəla ghe dzə an Zuʼ tə̀ Zɔlɔ to.”

Dzɔ̌n 3:8 Iomraidhean Croise

Dzɔ̌n 1:13

Ghe ka fə doʼò dzə̀ wɛ a Kəzə̀ ghò mò Zə̀ kə̀ dzə tsughu ghee tò aŋghəa ghùw lò aletsə̀mà tsughu aledzə̄ wɛ a te, à fə̀ ləgha tsughu Kəzə̀ enyəa ghe doʼò wɛ a ghee.

Dzɔ̌n 3:7

E kwo dzughu e lô zuū ghû enyəa Ǹ dzɛ̂ wò â ghù enyəa, ghe kì aledzəā kûeen ghù.

Dzɔ̌n 3:9

Nìkòdɛmùs m bvʉ â wə̄n enyəa, “Ghəa ghən lo alesə̄ ênzə̂n?”

Kə̀fwàʼ 2:2

Ghe mo e zuw dəm kə̀ li kə nughù kwûu sə tsughu wô alo kəwālā to zəŋ lô tsəghāa, kə n nyə̀ ŋgwùu tsùghu ndughu zəa ghe mò doʼ a te e dzə̀m.

Kə̀fwàʼ 4:31

A m bùghò ghe gɔ̂ɔŋ tsughu Zə̀ kò êzə̀, luʼū kəla ghe mò zûuŋ doʼō a te n nùghù nòʼ è tsughu; Zùʼ è Zɔ̀lɔ n daŋso nyə tsughu ghee a zəŋo eghùe, ghe n dôo kə̀aa wò shwaʼ u Kəzə̀ an dò tə aghəa.

1 Kòlentìan 12:11

Ghəa ghən a dzə̀m ènyə, à ghə̌əŋ tsughuu kô Zuʼ tə̀ Zɔlɔ tə̀ mɔʼɔ̄ tə te to enyəa ghe e lo êzə̀, təla tə fughuu ko chìa â fughu kə wə̄n aŋghəa tə tsə̂m tsughu.

1 Kòlentìan 2:11

Ghùw yò dzə̂ ù kwo fəŋ è ghùw, à mìa kô zə̀a fə ghûw ù te fə kwo fə̀ŋ e wə̄n. À lò sugho êzə ghùw yò dzə̂ alezuūwkɛlɛ̄ fəŋ è Kəzə, mò à mìa ko yo Zuʼ tə Kəzə̀ tə lo alezuūwkɛlɛ̄ fə̀ŋ e Kə̀zə̀.

1 Dzɔ̌n 2:29

Aŋghəa ghɛ̀ kwo enyəa Kə̀lestò lò ghùw ù tsəghatsəgha, e fi lo enyəa ghùw wəla ù ghəəŋ ghəa ghəla a lô tsəghatsəgha à lo wɛ ù Kə̀zə̀.