Dzɔ̌n 3:6 - To kə Kəzə̀ kə̀ Fughu ko

⁶ Ghê a tsele sɛ̀ ghèe ghê zə̀ a sɛ̀ dzə̌a tsughûu ŋgwə̄n e ughùe, Zuʼ tə Kəzə̀ tia kuūwn fughuu Zuʼ to.

Faic an caibideil Dèan lethbhreac

« Roimhe

dol air ais ⬆

Air adhart »

Dzɔ̌n 3:6
25 Iomraidhean Croise

Dzɔ̌n 1:13

Ghe ka fə doʼò dzə̀ wɛ a Kəzə̀ ghò mò Zə̀ kə̀ dzə tsughu ghee tò aŋghəa ghùw lò aletsə̀mà tsughu aledzə̄ wɛ a te, à fə̀ ləgha tsughu Kəzə̀ enyəa ghe doʼò wɛ a ghee.

Faic an caibideil

Dzɔ̌n 3:7

E kwo dzughu e lô zuū ghû enyəa Ǹ dzɛ̂ wò â ghù enyəa, ghe kì aledzəā kûeen ghù.

Faic an caibideil

Lumà 7:18

Ŋ̀ kwo nû enyəa ghəa e dzûŋ e li yo dzə̂ am fə̂ŋ zaŋa, tɔɔŋ mùghò tǒ ghùw wə nsɔ̌ɔŋnchùw. Nù Ŋ̀ ki nû moʼnlò e te zo aleghə̂əŋ ghəa e dzûŋ zò, mùghò ŋ kuuw yò aleghə̂əŋ ghəa e te zo.

Faic an caibideil

Zɔ̀ɔŋ kə̀ lo â Zə̀ kò, kəla kə lo alebəghaasə mugho a m bàm e Yɛso Kə̀lestò Mughùbè ù sɛ̀! À fi lo enyəa mùghò am moʼn zaŋa, M̀ fughuu nu kɔʼso mò â làŋ kə Kəzə̀ kò. À m bùghò Ǹ lo an ghùe waŋa mùghò m bwîi nduw an daʼa kə ebō.

Faic an caibideil

Lumà 7:5

Tɔŋlo enyəa nəgha zəla sɛ̀ mò naam mughu mughù e mbī zo, a ŋ ki mmbuuw aleghəəŋ ghəa a biigh gho, mò à soʼn kɔʼɔ kəlâŋ enyəa a e fəghaan ghəəŋ ghəa à biigh a te gho. Sɛ̀ m fwaʼà fughuu ndùw â vʉ zo.

Faic an caibideil

Lumà 8:13

Tɔŋlo enyəa abugho ghù mughu aŋghəa ghue u ghûw ù ləghaa, ghù lo kpuw. Abugho ghù kuuwn nî kɔʼ daʼa kə Zuʼ tə̀ Zɔlɔ to wì màʼà tsughu ghəa à biigh ghəla a lo a zəŋo ghùe u ghùw a te, ghùw ù te lo mughù.

Faic an caibideil

1 Kòlentìan 6:17

Ghùw wəla ù laām təmdzəə̄ŋ kɔʼ ghue u wə̄n wo ghèe Mughubè ù te, zuʼ tə wə̄n ghèe tə Mughu ù te tə m bùghò dòʼò kə̀fəgha kə̀ mɔ̀ʼ.

Faic an caibideil

2 Kòlentìan 5:17

Ghùw wəla ù lò fəgha ko kə mɔ̀ʼ ghèe Yɛso Kə̀lestò, ù fi lo ghûw ù fughu; ghəa à wii ghə n tsə̀ghà mìaa, à fughu yia a bugho.

Faic an caibideil

Gàlashìan 5:24

Ghî ghəla ghe lô ghî a Kə̀lestò Yɛso ghò, ghe lo ko to ghe n təghàa nàŋa gwən e ughùe e ghee zo alo kədàŋlo àsùghò laan tə aghəa təla gwən e ughùe e ghee e ləghaa.

Faic an caibideil

Efɛsùs 2:3

Sɛ̀ a dzə̀m mafə mughù sùghò tǒ ghee, aŋghəa gwən e ughùe e ghûw è ləghaa aŋ ki sugho moʼnlò è biigh zo tǒ ghee. È li lo enyəa ghe mǒ sɛ̀ dzə tò ghî ghəla Zə̀ kə̀ ki aledè nʉ̀ghà u wə̄n u pfʉa wo a zəŋò ghee, tò aŋghəa kə ghəŋlo â ghì ghən a dzə̀m.

Faic an caibideil

Kòloshìan 2:11

Ghɛ̀ ka mo wɛ a Kəzə̀ à bughò dòʼò dzə̀ mò ghe sugho tsughu twigh wɛʼɛ tò aŋghəa ghî a sughōo tigh kə ghûw kò a te, à mò lo bòʼ ghɛ̀ mò bughò doʼò fəgha ko kə mɔ̀ʼ ghɛ̀ à ghê Kə̀lestò aŋghəa Kə̀lestò mò tsɔ̀ʼ maʼà ndûw ghue zɛʼɛ zəla e ləghaa bo zo.

Faic an caibideil

1 Dzɔ̌n 3:9

Ghùw wəla ù lo wɛ u Kə̀zə̀ ghə̂əŋ ndùuŋ yò bo zo, bòʼ mwam u Kəzə̀ ù lo a zəŋò wə̄n. Ù kòom yo dzə̂ aleghəəŋ bo zo, bòʼ à wə̄n dzə Kəzə̀.

Faic an caibideil

Lean sinn:

Ceanglaichean taic

Sanasan

Dzɔ̌n 3:6 - To kə Kəzə̀ kə̀ Fughu ko

Dzɔ̌n 3:625 Iomraidhean Croise

Dzɔ̌n 3:6
25 Iomraidhean Croise