Dzɔ̌n 3:3 - To kə Kəzə̀ kə̀ Fughu ko

³ Yɛso mo e bɛlɛ̀ nù, dzɛ̀ â wə̄n enyəa, “Kùmkùm, Ǹ so Ǹ dzâa wô â ghù enyəa, ghùw yò alekòʼ fɔ̀e ù Kəzə̀ mo ghe kâ wə̄n kôom dzə̀ kuènlò.”

Dzɔ̌n 3:3 Iomraidhean Croise

Matìo 16:17

Yɛso n daŋso bɛ̀lɛ̀ tsùghu wə̄n enyəa, “Dzɔ̀ lǒ â ghù a Sǎemòn wɛ ù Dzɔ̌n, nu à kà sə̀ŋò zən dê dzə̂ ghùw ù lì â ghù, à sə̀ŋò e te e dê Tsele waŋā wəla ù lò alo kəwālā.

Matìo 19:24

Ǹ so Ǹ dzâa kpeʼē wô â ghɛ̀ enyəa to kə̀anyòm kə̀ mbaā tsəghà nyə an sə e fəsāʼ tsə̀ghàtàʼà sə aŋghəa ghùwkǔu lo aletsə̀ghà nyə a te am fɔ̀e u Kəzə̀.”

Matìo 21:31

Yɛso m bvʉ tsughu â ghee enyəa, “À mò lo wɛ ù ghɛ̌ wò aŋ ghee a bə̀ghà a, ù mò fwaʼ fəgha kəla tsele mò ləghaa ghè kò a?” Ghe m bɛ̀lɛ̀ tsùghù enyəa, “Ù sûesʉ wə̄n.” Yɛso n dzɛ̀ â ghee enyəa, “Kùmkùm, aŋghəa Ǹ dzâa wô fɛ â ghɛ̀, ghê dzə̀akə̀mwàʼsò lo kɔʼɔ tàʼŋ ghɛ̀ alo kəwālā ghèe ghê kpàlà wò.

Matìo 5:18

M̀ fɛ kùu dzàa wò nù â ghɛ̀, wala kə lo ê bughò tsəghà mîa, à ghueekətsə̄ ko, nyàaŋnyâaŋ fə eghəa ŋkāa dəŋò fə̀ li fo alo kəlàŋ, kê kǔuwn sə̀ nùghù kòʼ yò mo ghəa a te gho a dzə̀m kà bala kə nî kɔ̀ʼ dzə̀.

Mâk 10:14

Yɛso ŋ kòʼ ghəa ghən, nʉghà wə̀ m pfʉ wə̄n, ù n dzɛ̀ â ghee enyəa, “Zə̀ghaa màʼa nlò wɛghêtùghù gho ghe bughò kôʼ mùghò; kǎ nlǒ ghee bâʼ; nu fɔ̂e u Kəzə̀ ù lo â ŋgòʼ è àghì tò ghən.

Mâk 9:47

Abugho sə zə̀ghà è nyəā kaŋlō am ufʉgha mo e lo aletsōm ghû ghù ghəəŋ bo zo, bùɛʼɛ màʼâ, nu alenìi maʼà ghù am kpǎaghùw à sə gho a bə̀ghà, dzɔ̀ lò enyəa ghù nyə am fɔ̀e ù Kəzə̀ à sə zo e mɔ̀ʼ,

Dzɔ̌n 1:13

Ghe ka fə doʼò dzə̀ wɛ a Kəzə̀ ghò mò Zə̀ kə̀ dzə tsughu ghee tò aŋghəa ghùw lò aletsə̀mà tsughu aledzə̄ wɛ a te, à fə̀ ləgha tsughu Kəzə̀ enyəa ghe doʼò wɛ a ghee.

Dzɔ̌n 1:5

Tsə̀ è te tughuu alo kələ̄m, ləm chia kə yo alenyəma maʼà Wə̄n.

Dzɔ̌n 1:51

Yɛso ŋ kòom dzɛ̀ ndùw â wə̄n enyəa, “Kùmkùm, Ǹ dzâa wô â ghɛ̀ enyəa, ghɛ̀ lo kòʼò kəwālā kə tsʉ dòʼo, àsùghò tsə̀təndə̄ghā tə Kəzə̀ tò tə tsughuu kɔʼɔ̄ an làŋ kə Wɛ ù Ghùw.”

Dzɔ̌n 12:40

Zə̀ kə̀ mâa fosò nàŋa sə a ghee gho, tughu sə naŋa sùghò fə̀ŋ tə ghee enyəa mò ghe lɛnlo èghəa, ghe e koʼòkɛlɛ yo, ghe n yo sugho alezuūwkɛlɛ̄ am fə̀ŋ tə ghee, yò aletiī kôom wô a vʉ̀a mùghò tò Ǹ bâaŋ dzaŋà tə ghee.”

Dzɔ̌n 3:4

Nìkòdɛmùs m bvʉ â wə̄n enyəa, “Ghe lo ênzə̂n aledzəā kuêen ghùw lo, mò ù n noō a? To ù ŋ kòom nyə̀ kɔ̀ʼ ndùw ebàm an nʉ̀ghà u zə̂ à, ghe dzəā kpeʼē tsughu wə̄n a?”

2 Kòlentìan 4:4

Aŋ ghee ghən, ghəa ghe doʼŋkè boō fughu, zʉ̀ u mbī wə n tɔ u ghee u sâʼ màʼà, enyəa ghe lô koʼō dzɔ̀ɔdzɔ̀ tə aghəa təla tə lo an səghanyəgha mə̀là n lò an Làbəlà è Dzûŋ è Kə̀lestò wəla ù lǒ tò Kəzə̀.

2 Kòlentìan 5:17

Ghùw wəla ù lò fəgha ko kə mɔ̀ʼ ghèe Yɛso Kə̀lestò, ù fi lo ghûw ù fughu; ghəa à wii ghə n tsə̀ghà mìaa, à fughu yia a bugho.

Gàlashìan 6:15

Ghəa è li e ndôʼ yò, ka ghe sugho tigh kə ghûw kò ŋkāa ghe taʼkè sugho; ghəa è səŋò è lo ko enyəa sɛ̀ n ghì à fughu a doʼò.

Efɛsùs 2:1

Ghɛ̀ mò buʼ lo tsəgha tò ghî a kpuuwn gho bòʼ aŋghəa ghɛ̀ mò tsughòsò maʼn lâŋ kə Kəzə̀ kò, àsùghò bòʼ ghəa ghɛʼɛ à biigh gho,

Taetùs 3:5

kə m bəghasə̄ tsughu sɛ̀. Kə ka fə bəghasə̄ dzə̌ sɛ̀ bòʼ ghəa a sɛ̀ à dzûŋ ghə̀là sɛ̀ lo mò sɛ̀ ŋ ghəŋlo, à fə̀ kuuwn lo bòʼ se e wə̄n è kwuso zo, Kə̀ fə̀ bəghasə̄ sɛ̀. Kə fə sɛ̀ bəghasə̄ aŋghəa Kə fə̀ tum wô Zuʼ tə̀ Zɔlɔ to enyəa tə bughò sûuw maʼà sɛ̀ aŋ ghəa a sɛ̀ à biigh gho, àsùghò enyəa, to sɛ̀ kuūwn kɔʼ mwam e sɛ̀, sɛ̀ kele tsughu mughù è fughu zo.

Dzɛ̂ms 3:17

Yia a kuūwn bughò tɔ wəla u sə tsughu wo edzūŋ, à kì ghî a Kəzə̀, ghe bûʼ kì dzə fə̂ŋ tə̀ zɔlɔ to, ghe lo ghî ghəla ghe ləghaa enyəa ghəa ghə e lo bughubughu. Ghe lo zʉ̀ tə aghì, mùghù sugho kədzûŋ ghèe ghê ghì ghò, ki se è kwùso zo, fughuu sùghò èyòso â ghì ghò. Ghe m bâa yò kpwiī wo, tsèe sùghò yò ghue e ghee zo aŋ ghəa a ghee à ghəəŋ gho.

1 Pità 1:3

Sɛ̀ ki alefughuu zɔ̀ɔŋ ko â Zə̀ kò, Tselè ù Mughùbè ù sɛ̀, Yɛso Kə̀lestò. Bòʼ ghəa ù kwuso se zo a zəŋò sɛ̀, vʉ̀a ù ghəŋlo enyəa sɛ̀ è mughu mughù è fughu zo, aŋghəa ù fə̀ zôm nughù kɔʼ Yɛso Kə̀lestò alo evʉ. Zə̀ lò e ghee sɛ mughu, chìi tùʼ enyəa sɛ̀ lo kele mùghù è doʼn təla zo.

1 Dzɔ̌n 2:29

Aŋghəa ghɛ̀ kwo enyəa Kə̀lestò lò ghùw ù tsəghatsəgha, e fi lo enyəa ghùw wəla ù ghəəŋ ghəa ghəla a lô tsəghatsəgha à lo wɛ ù Kə̀zə̀.

1 Dzɔ̌n 3:9

Ghùw wəla ù lo wɛ u Kə̀zə̀ ghə̂əŋ ndùuŋ yò bo zo, bòʼ mwam u Kəzə̀ ù lo a zəŋò wə̄n. Ù kòom yo dzə̂ aleghəəŋ bo zo, bòʼ à wə̄n dzə Kəzə̀.

1 Dzɔ̌n 5:1

Ghùw wəla ù kùm boō fughu tsughu enyəa Yɛso lǒ Bəghambī u te, ghùw te fi lo wɛ ù Kə̀zə̀. Ghùw wəla ù ləghaa Tsele ù te, ləghaa sùghò nû Wɛ ù te.

1 Dzɔ̌n 5:18

A kwo nû enyəa wɛ ù Kə̀zə̀ ù li yo ù ki aleghə̂əŋ ndûŋlò èbo, bòʼ enyəa Wɛ ù Kə̀zə̀ chìin nǔ wə̄n. Daʼa kə avʉatsə̄a chia kə yo sugho alemɔ̀m wə̄n.

1 Dzɔ̌n 5:4

Tɔŋlo enyəa, ghùw nsɔ̌ɔŋnchùw wəla ù lǒ ghèe Zə̀ kò təma zəa nǔ mbī. À lò boo zəla sɛ̀ ki ghè zò e ghəŋlo sɛ̌ yia ghaʼ mbī.

Edêe Fughu 3:14

Yɛso n dzɛ̀ kpèʼe wò sùghò â mùghò enyəa, “Tɔm ndùw â tsə̀ndə̄ghā zəla è lò an â dzeŋe kə ghì a Kəzə̀ ghò an naʼ e Làodisìa enyəa, ‘Ghùw wəla ghe tɔŋlo enyəa à lò Zə e lo ko êzə̀, wəla ù zuūw â Zə̀ kò, kə̀aa sùghò èsəŋò aŋ ghəa e Kəzə̀; wəla Zə̀ kə fə̀ dzeŋe zîi tsughu fʉgha u gbəla wo ghèe wə̄n, ù dzɛ̂ enyəa,