Dzɔ̌n 3:2 - To kə Kəzə̀ kə̀ Fughu ko

² Tûw vʉ m bùghò kòʼ wò Yɛso â tsuʼ wo, dzɛ̀ â wə̄n enyəa, “Wàdè, ghàʼ kwo nû enyəa ghù lo ghùw wəla Zə̀ kə̀ tum wo alebùghò zoʼnlo àghì, tɔŋlo enyəa ghùw yò aledeē sə̀ghàa mə̀là ghù děe ghè mò, mò Zə̀ kə̀ kâ ghu ko a te gāʼ.”

Dzɔ̌n 3:2 Iomraidhean Croise

Matìo 22:16

Ghe n tùm ndùw tsə̀təndə̄ghā tə ghee ghèe ghê ghì a Hɛlɔ̀d à li gho a vʉ̀a Yɛso; ghî a tum yi ghə n ndùw dzɛ̀ â wə̄n enyəa, “Wàdè, ghàʼ kûm kwò nû enyəa, ghù lǒ ghùw wə̀ èsəŋò, ghù vʉ̀a ghù kùu zoʼn sugho ghî ghò â səŋò zò aŋ ghəa a Kəzə̀. Ghù bùʼù nǎaŋ yo tuūŋ ko aŋ ghəa ghəla ghî à moʼò an tsʉ̀ zəla ghùw fughuu â ghì ghò, ghù vʉ̀a ghù naāŋ sughò yô sə zo am fəgha kəla ghùw lǒ ghè kò.

Matìo 23:7

Ghe tɔʼɔ̀ lə̀ghaa ko enyəa ghî ghə̀ è ŋgɔɔm wo ghee an dziī abugho ghe tsəghaa, àsùghò enyəa ghe e ŋgɔɔ wo ghee enyəa à lò ghê wàdè.

Matìo 23:8

Ghe ki yo alekuūwn tɔŋɔ ghùw wɛʼɛ enyəa à lǒ wàdè, tɔŋlo enyəa ghɛ̀ ki ko wàdè u mɔ̀ʼ, ghɛ̀ a dzə̀m yia kuūwn lô waazə̂ ghò.

Mâk 12:14

Ghe m bùghò dzɛ̀ â wə̄n enyəa, “Wàdè, a kwo nû enyəa ghù ghûw ù tsəghatsəgha, lɛɛn sùghò yò tûe kə ghûw kò; nu ghù kà ndòʼ nàŋà tuūŋ ko am fəgha kəla ghùw lǒ ghè kòʼ, ghù bɔ̌ɔm tèlè dèe ndùw ko dzì è Kə̀zə̀. Lâŋ kə̀ dê nù enyəa a e chuuw mwàʼsò kò â Də̀ŋ kə Lumà kò ŋkāa a ki yo alechuw à?

Dzɔ̌n 1:38

 Yɛso alebàŋà lɛɛ̄n tsughu, ù ŋ kòʼ ghee, mo ghe yia ghe bugho â bâa wə̄n, ù m bvʉ â ghee enyəa, “Ghɛ̀ kəŋo kə̀ kwò?” Ghe m bvʉ â wə̄n enyəa, “Wàdè, ghù mùghù ghɛ?”

Dzɔ̌n 10:38

Mò à lò dzə enyəa M̀ fwāʼa nù, ghɛ yia buw aleboō fughu â mùghò bòʼ shwaʼ waŋa, kuuwn bòo tsughu ko nlô fwàʼ kə te ko, tò ghɛ̀ lo e kwo, ghɛ̀ zuwkɛlɛ sugho enyəa Bəgha lo a zəŋò mùghò, tò ghəa Ǹ lôo a zəŋò wə̄n.”

Dzɔ̌n 12:37

Aŋghəa Yɛso fə̀ bûʼ tso dê ko ndə̀mà tə nsə̀ghàa tò an sə kə ghee, ghe ŋ kè sô kuūwn boō fughu â wə̄n.

Dzɔ̌n 14:10

Ghɛ̀ kāam boo to enyəa ghàʼ à bə̀ghà lò kəfəgha kə̀ mɔ̀ʼ à? Shwaʼ wəla Ŋ̀ kə̂aa wô â ghɛ̀, à yò dzə̂ aŋ ŋgəŋ zaŋa, à lo daʼa kə bəghà kəla kə lô a zəŋò mùghò.

Dzɔ̌n 15:24

Abugho e mô lô enyəa ghe ka mo kôʼ fwàʼ kə̀là mùgho mò fwâ tsughu an tsə̀tèʼè fə ghee, mò ghùw ù lì kaām fwâʼ kôʼ, to e mô fi lo enyəa ghe kaām ghəəŋ boon dzə̀ ghəa è li zo. À sò fɛ lo enyəa ghe ŋ kòʼ, ghe yia kòom bâa ghàʼ à Bə̀ghà.

Dzɔ̌n 2:11

Zən fə̀ lo tsə̌a è Yɛso è sûesʉ u fə̀ dê tsughu aŋ Kanàn an naʼ e Galèlîi, dè kɔ̀ʼ sùghò dwaʼa u wə̄n; tsə̀təndə̄ghā tə wə̄n tə m boo fughu tsughu â wə̄n.

Dzɔ̌n 20:16

Yɛso n tɔŋɔ tsughu wə̄n enyəa, “Mèle.” Mèle m fə̀n tsùghù ughue, tɔŋɔ ndùw wə̄n an shwaʼ u Hibùlù enyəa, “Làbonì!” (Mo e moʼnlò enyəa à lǒ Wàdè).

Dzɔ̌n 3:26

Ghe m bùghò dzɛ̀ â Dzɔ̌n enyəa, “Wàdè, ghùw wəla ghàa wə̄n mò lo a dzə̀m a ŋgùŋù tsə̀, abugho a dâŋ sə kɔʼ Dzodàn, wəla ghù fə̀ teso dzàa ghəa a wə̄n gho enyəa ù lǒ Ù tsùʼu, ù lò fɛ, fughu àghì â mùghù ŋ Kə̀zə̀ mò, ghî a fi tsòo nyə̀ŋo ko a fughu.”

Dzɔ̌n 4:31

Tsə̀təndə̄ghā tə Yɛso tə̀ ŋ kuuwn lò ko fughu alebūʼ Yɛso â ghu ko, enyəa, “Wàdè, nəəŋ zə̀ ndùw fəgha ko?”

Dzɔ̌n 5:36

Ghəa ghə̀là Ŋ̀ kuūwn kə̀aa wò â ghɛ̀ tsəghàtàʼà sə a Dzɔ̌n à teso gho; tɔŋlo enyəa fwàʼ wəla Tsele waŋā fughu enyəa M̀ fwaʼà mɛʼɛ̀, à lo fwàʼ ù mɔʼɔ̄ wəla M̀ fwaʼā, fwàʼ u te dêe nù enyəa Tsele waŋā m mùghò tum.

Dzɔ̌n 6:2

Nɔ̂e kə aghì kə̀ n tə̂əŋ bwìi kǎaŋ ko a bǎa wə̄n, ghe màʼà kôʼ tsughu tsə̌a təla ù fə̀ fòʼn tsughu a zəŋò ghì à dzaŋā gho, ghe n tughuu dòʼn wò.

Dzɔ̌n 7:31

Lò êzə̀, ndə̀mà tə aghì tə n naam boo fughu ndùw ko â wə̄n. Ghe m bvʉ enyəa, “Abugho Kə̀lestò kè bugho, ù lo yia dêe nǔ sə̀ghà mò, mò mə̀ n tsə̀gha sə məla ghùw wə̄n lo mò ù m dè à?”

Dzɔ̌n 9:16

Ghî a Falàsîi à li ghə n dzɛ̀ aŋ ghùe e ghee enyəa, “Ghùw wən kâ nùghùu wò dzə̀ a vʉ̀a Zə̀ kò, bòʼ ù nǎaŋ yo lâŋ kə Tsuʼntsə̄ ko.” À li ghə ŋ kuuwn dzɛ̀ enyəa, “Ghùw ù bǐigh lo ênzə̂n aledeē ŋgò è tsə̌a tən to a?”

Kə̀fwàʼ 10:38

Ghɛ̀ kwo nû ghəa ghə̀là Zə̀ kə fə̀ tsuʼ tsughu Yɛso, ghùw ù Nazalɛ̀t wə̄n, fughu tsughu wən â Zuʼ tə̀ Zɔlɔ to àsùghò dwaʼa wo. Ghɛ̌ yia kwo sughò ghəa ù mò ŋgəaa ghəə̄ŋ kaāŋ ndûw dzɔ̂ zò, baāŋ ndùw ghì ghəla vʉatsə̄a a naŋā ŋgòʼ a zəŋò ghee, tɔŋlo enyəa Zə̀ kə̀ mò ti a bǎà wə̄n.

Kə̀fwàʼ 2:22

Pità n daŋso dzɛ̀ tsùghù enyəa, “Wo ghî ghə Ezə̀lɛ̂ ghò, zəən wò nlò shwaʼ wə̄n wo. Yɛso, ghùw u Nazalɛ̀t wən fə̀ lo ghùw wəla Zə̀ kə fə̀ boō tsughu, dè sə kɔʼ am bvʉ̄a zɛʼɛ̄, ghəəŋ tsughu enyəa ù è deē sə̀ghàa mò aŋghəa ghuūghùe zɛʼɛ̄ e mgbaŋ kwo sugho.

Fèlepìan 1:14

Doʼò zaŋa aŋ kwə̀n zəa e dzə̂n tsughu sughò fə̂ŋ tə ghì ghə̀là ghe boō fughu â Mughu ù te enyəa ghe e ki fə̂ŋ to aleŋgee naʼn nduw shwaʼ u Kəzə̀ wò mo ghe ki yo tsəŋ zo.