Dzɔ̌n 3:16 - To kə Kəzə̀ kə̀ Fughu ko

¹⁶ Tɔŋlo enyəa Zə̀ kə fə̀ ŋge ləgha nu mbī alenìi fughuu wô sɔ̀ʼ kə wɛ̀ kə wə̄n kə mɔ̀ʼ enyəa mò ghùw bǒo fùghù ndùw dzə̀ â wə̄n, ghùw ù te ŋ kè kpuūw mîa alo kəleŋe, ù n laam kelê mùghù è doʼn təla zo.

Dzɔ̌n 3:16 Iomraidhean Croise

Matìo 9:13

Nduw kəŋ sə kɔʼ nlò enyəa shwāʼ u Kəzə̀ wə̄n moʼnlò èndughō enyəa, ‘Ǹ tsâʼ ghì ghəla ghe fə̂ŋ tə̀ dzûŋ to aŋ ghùe e ghee, Ŋ̀ kâ lə̀ghà dzə̀ enyəa ghe e gboō nyòm tò kɔʼso mùghò a te.’ Tɔŋlo enyəa Ŋ̀ kâ bùghò dzə̀ alebùghò tɔŋɔ̂ ghì a tsəghatsəgha gho, Ǹ laam bughò bòʼ ghì à biigh gho.”

Mâk 12:6

Ǎ m bùghò dòʼòdòʼò kɔʼ ko ghùw u mɔ̀ʼ, wɛ̀ ù wə̄n ù tsùʼu ù nùu; ù n tùm mɛ̀ʼɛ̀ ndùw wə̄n a vʉ̀a ghee, mòʼò ko enyəa, ‘Ghe sô tsə̀ŋo tsughuu nǔ wɛ waŋā.’

Lûk 2:14

“Kɔʼso n lo â Zə̀ kə̀ edzuŋ ko. Ghî ghəla ù taʼ sugho ghèe ghee am mbī, ghe n dòʼò nyə̀ wò alo ebughunlo.”

Dzɔ̌n 1:14

Shwaʼ u te wə n ndùw bùghò ghùw, tsùuŋ mùghùu tsughu sɛ̀ à ghee, Ù n dêe mɛ̀ʼn wò èsəŋò e dzə̀m aŋ ghəa a Kəzə̀, ŋgee dèe sùghò ghàʼ â ləgha zo. Ghàʼ a dzə̀m ŋ kòʼ daʼa kə wə̄n ko, daʼa kəla ù ki tǒ sɔ̀ʼ kə Wɛ kəla kə nughù wo a vʉ̀a Tsele.

Dzɔ̌n 1:18

Ghùw ù lì kaām kôʼ kòʼ Zə̀ kò; alo ko sɔ̀ kə wɛ kəla kə lo am bughu e Tsele, kə nì dè wò wə̄n â sɛ̀.

Dzɔ̌n 1:29

Tsʉtsʉ vʉ̀, Dzɔ̌n mo e koʼò mo Yɛso sò sə̌a kəəŋ wò a vʉ̀a wə̄n. Dzɔ̌n n dzɛ̀ enyəa, “Kòʼ nlò Tsʉa u ndzì u Kə̀zə̀ wəla u ghəŋlo enyəa Zə̀ kə̀ ghuūw maʼà bòo tə ghì a mbī.

Dzɔ̌n 10:28

M̀ fughuu ghee a mùghù zəla e doʼò tən, ghee kê yò sùghò alekpuūw ləŋe; fəgha kə̀ li kə yo alenìi nughù ghee aŋ ghùu mùghò.

Dzɔ̌n 3:15

enyəa ghùw wəla ù boō fughu dzə â wə̄n lo kelê mùghù è doʼn təla zo.

Dzɔ̌n 3:18

Ghùw wəla ù bôo fughu nduw â wə̄n, Zə̀ kə̀ lo saʼa wə̄n; wəla ù dòʼkè boō fughu â wə̄n, Zə̀ kə̀ ŋ wə̄n saʼ chia kə naŋā wə̄n aŋ ŋgōʼ bòʼ ù kà bǒo fughu â sɔ̀ʼ kə Wɛ ù Kəzə̀ʼ kò.

Dzɔ̌n 3:36

Ghùw wəla ù boō fughu nduw â wɛ̀ ù te, ù ki mughù è doʼn təla zo, wəla ù zuūw yo â Wɛ̀ ù te, ù kè zə̀ yo tuw ko; nʉghà u Kəzə̀ ù pfʉa u kê kǔuwn dòʼn tə̀là an tuw kə wə̄n.”

Dzɔ̌n 6:40

Tɔŋlo enyəa, kən lǒ to kə Bəghà, enyəa, ghùw wəla ù kôʼ tsughu Wɛ ù wə̄n ù nùu, vʉ̀a ù boō fughu nduw â wə̄n lo kele mùghù è doʼn təla zo, Ŋ̀ kê nîi nùghùsò kɔ̀ʼ wə̄n an tsuʼ fəla fə doʼò gûŋsò tsughu.”

Lumà 5:10

Ghəa sɛ̀ fə̀ buʼù lô tsəgha ko ghî a kətuw a Kəzə̀ ghò, Zə̀ kə n naam nì təm dzəəŋ wò ko sɛ a ghee alo kəfəgha kə mɔ̀ʼ an vʉ e wàa wən. Yia abugho êzəŋ wəla sɛ̀ lô ghî a wə̄n gho, sɛ ki alekwo tən enyəa Kə̀lestò lo bəghasəa nǔ sɛ̀ êzəŋ wəla ù lò â tuw ko.

Lumà 5:8

Zə̀ chia kə kwuun dê tsughu ləgha e wən zo a ghəa zən enyə, a fə bugho sɛ̀ fə̀ naam lô ghî a biigh gho, Kə̀lestò m bughò kpuw an tuw u sɛ̀.

Lumà 8:32

Wən wəla ù fə̀ tâʼkè ghôʼ wɛ ù wə̄n, kuuwn nì fùghù sə̀ wò wə̄n tò kəfughu an tuw u sɛ̀ a dzə̀m. Abugho ù fə̀ lô alenìi fughuu səā wô Wɛ ù wə̄n ù nùu, fəgha kə̀ li kə kôom lò nû à ghèe wɛ u wə̄n lo aledòʼò mò ghe kâ â sɛ̀ nî fùghù wò à?

Efɛsùs 2:4

À sò kuuwn lò ko enyəa Zə̀ kə̀ ŋge ki se è kwuso zo, bòʼ ləgha e wə̄n zəla kə ki â sɛ̀.

2 Tɛ̀sàlonìan 2:16

Ghaʼ gɔ̂ŋlò enyəa to ghuūghùe u Mughùbè ù sɛ̀, Yɛso Kə̀lestò, ghèe Tsele ù te tɔɔŋ Zə̀ kə sɛ̀, ghe ghəla ghe mò ləgha sɛ̀, fughu tən sɛ̀ â tsə̀mso kə fə̂ŋ kəla kə doʼò tən, àsùghò moʼnlò è dzûŋ zò an dzɔ̀ e ghee,

Taetùs 3:4

A m bùghò ghe kuūwn dê tsughu sɛ̀ â dzɔ̀ e Zə̀ kəla kə bəghaasəa sɛ̀, à ləgha e Wə̄n zo,

Hibùlù 2:9

A kuuwn kòʼò ndùw nù Yɛso, wəla ghe fə̀ ghəə̄ŋ tsughu enyəa tsə̀təndə̄ghā tə tsùuŋ tsə̀ghàsə tsughu wə̄n aŋ kəmà fə kəgha, Zə̀ kə̀ n tsuʼ naŋa kɔʼ wə̄n alo udwaʼa àsùghò kɔʼso mò, aŋghəa u mò fala alekpuw, enyəa an dzɔ̀ zəla Zə̀ kə̀ ki a zəŋò sɛ̀ to ù mò kpuw an tuw u ghì ghən a dzə̀m.

1 Dzɔ̌n 3:1

Kòʼ nlò ləgha è ne è ne zəla Tsele ù te de wo â sɛ̀ a, enyəa ghe e tɔɔŋ sɛ̀ enyəa, sɛ̀ lo wɛ a Kəzə̀ a; sɛ̀ yia a kǔum lô sùghò wɛ a Kəzə̀ ghò a. Ghəa zəla ghî a mbī a kwo yo sɛ̀ enyəa sɛ lo wɛ a Kəzə̀ lò enyəa ghe mò kwo sugho yo Zə̀ kò.

1 Dzɔ̌n 4:19

Sɛ̀ ləgha e fɛ ki aŋ ghùe e sɛ̀ bòʼ Zə̀ kə̀ fə̀ ləgha wo dzə̄ sɛ̀ esə̄.

Edêe Fughu 1:5

To Yɛso Kə̀lestò wəla ù dèe wô ghəa a səŋò ghəla sɛ̀ lo alenaŋa fə̀ŋ a te, vʉ̀a ù lǒ ghuw ù sûesʉ alekɔʼɔ̄sə̄ alo evʉ̄, wəla ù saʼā dwə̀ŋ wò aŋ ghueekətsə̄, mò dê ghɛ̀ â dzɔ̀ e wə̄n zo, ù fughuu sughò ghɛ̀ â bughuun zo. Ù lə̀ghaa nǔ sɛ̀, vʉ̀a ù bəghasə̄ tsughu sɛ̀ aŋ ghùu bòo tə sɛ̀ tò aŋghəa u fə̀ ù fùghù ndùw tuw kə wə̄n ko an tuw u sɛ̀ an kàŋ tə wə̄n təla tə fə̀ kwəlà sə tsughu wo alo kədàŋlo.