Dzɔ̌n 3:11 - To kə Kəzə̀ kə̀ Fughu ko

¹¹ Kùmkùm, Ǹ dzâa wò â ghù enyəa, ghàʼ kə̂a wò kô ghəa ghəla ghàʼ kwo, dzàa wò sùghò fəgha kə̀la a lo mo aŋ kòʼ, ghɛ̀ yia tsoō zuūw yô shwaʼ waʼa wo.

Dzɔ̌n 3:11 Iomraidhean Croise

Matìo 11:27

Ghəa Yɛso gɔ̀ɔŋ mɛʼɛ̀ tsughu, ù n dzɛ̀ â ghì ghò enyəa, “Bəghà m mùghò â ghəa gho a dzə̀m fughu; ghùw ù lì kwò yo Wɛ ù tè mò à gɔ̀ʼɔ̀ ko yo Tsele ù te, ghùw ù li kwò sugho yo Tsele u te, mò à mìaa ko yo wɛ ù te àsùghò ghùw wəla wɛ ù te tsə̂m tsughu aledè â wə̄n.

Matìo 23:37

“Hɛɛ̄ mūghō a ghî a Yɛ̀lusalɛ̀m ghò, ghî a Yɛ̀lusalɛ̀m ghò, wiin ghɛ̀ ghiīshʉ̀ghà a Kəzə̀ ghò ènyə, təəm sùghò ghì ghəla Zə̀ kə̀ tum wo a vʉ̀a ghɛ̀ alo atīa! À è zə̀ŋ lo tənəghā tə sòʼ Ǹ dəmà ko aletsəla nalà naŋā tsughu ghɛ to mbvʉ lô tsəla zûuŋ wô wɛ a wə̄n gho an ghùoo tə wə̄n a, ghɛ̀ yia boom yo à?

Lûk 10:22

Bəghà ŋ ghəa gho â mùghò dê mɛ̀ʼɛ̀, ghùw lì kwò yo fəgha kela wɛ lo ghè kò, à gɔ̀ʼɔ̀ ko Tsele. Ghùw kwò sugho yo fəgha kela tsele lo ghè kò, à gɔ̀ʼɔ̀ ko wɛ, àsùghò ghì ghəla wɛ tsə̂m tsughu aledè fəgha kela Tsele lo ghè kò â ghee.”

Dzɔ̌n 1:11

Ù ŋ kwə̄n nyə̀ wo an naʼ e wə̄n, ghî a wə̄n ghə n tàʼkè kpeē nî Wə̄n.

Dzɔ̌n 1:18

Ghùw ù lì kaām kôʼ kòʼ Zə̀ kò; alo ko sɔ̀ kə wɛ kəla kə lo am bughu e Tsele, kə nì dè wò wə̄n â sɛ̀.

Dzɔ̌n 12:49

Nu Ŋ̀ kâ ghəa ghən kəā sə̀ wò dzə̀ aŋ ŋgə̄ŋ zaŋā; à lò ghuūghùe Tsele waŋā wəla ù tum sə wô mugho ù fughu mugho â daʼa ko am fəgha kəla Ŋ̀ ki aledzɛ̀ ghè kò àsùghò dzì zəla Ŋ̀ ki alekə̀a a te.

Dzɔ̌n 14:24

Ghùw wəla ù ləghaa yô mugho yò sughò alekɔʼso mùghò. Ghəa ghəla ghɛ̀ zuūw an ndzughu zaŋā yo dzə̂ à ghaŋa gho, à lò shwaʼ u Bəghà wəla ù tum sə wô mugho.

Dzɔ̌n 3:12

Abugho Ǹ lo aledzàa wô ghù â ghəa a mbī gho, ghù vʉ̀a ghù tàʼkè boo, ghù lò ênzə̂n aleboō a, abugho Ǹ dzɛ̂ wô ghû à ghəa a kəwālā gho a?

Dzɔ̌n 3:13

Ghùw ù lì kaām bûʼ kɔ̀ʼ kòʼ sùghò alo kəwālā, à gɔ̀ʼɔ̀ ko wə̄n wəla ù fə̀ sə tsughu wo alo kəwālā; tɔɔŋ Wɛ ù Ghùw.

Dzɔ̌n 3:3

Yɛso mo e bɛlɛ̀ nù, dzɛ̀ â wə̄n enyəa, “Kùmkùm, Ǹ so Ǹ dzâa wô â ghù enyəa, ghùw yò alekòʼ fɔ̀e ù Kəzə̀ mo ghe kâ wə̄n kôom dzə̀ kuènlò.”

Dzɔ̌n 3:5

Yɛso m bɛ̀lɛ̀ tsùghù enyəa, “Kùmkùm, Ǹ dzâa wò à ghù enyəa, à gɔ̀ʼɔ̀ ko mo ghe ŋ wə̄n â mùghù ŋ Kə̀zə̀ m fughu, Zuʼ tə̀ Zɔlɔ tia tə lo mo tə wə̄n nyəə̄n sùghò a zəŋo ughùe, ù yò alenyə am fɔ̀e ù Kəzə̀.

Dzɔ̌n 5:43

M̀ bughò an daʼa kə Bəghà, ghɛ̀ yia bōom yô ghəa ghaŋa gho; abugho ghùw ù lì ndùw bugho aŋ ŋgəŋ è wə̄n, ghɛ̀ ŋ kuuwn nì nàŋa wò wə̄n.

Dzɔ̌n 7:16

Yɛso m bɛ̀lɛ̀ tsùghù ghee enyəa, “Tsʉ̂ zəla M̀ fughuu fɛ â ghɛ̀, à yò dzə̂ ghəa a nʉ̀ghà ghaŋa, à lò tsʉ̂ e ghûw wəla ù tum wô mugho.

Dzɔ̌n 8:14

Yɛso m bɛ̀lɛ̀ ndùw ghee enyəa, “Ghəa à bùʼù teso dzâa wo ko mugho ghəa a ughùe ghaŋā gho fɛ, shwaʼ waŋa u lo èsəŋo bòʼ Ŋ̀ kwo nû luʼū kəla Ǹ nughù wô a te àsùghò kəla Ǹ nduūw a te. Lò êzə̀ mò ghɛ̀ bùʼ kwò yo luʼū kəla Ǹ nughù wo a te ŋkāa kəla Ǹ nduūw a te.

Dzɔ̌n 8:26

Ŋ̀ ki ndə̀mà tə aghəa alekə̀a kùu wò ghɛ̀ asùghò alesāʼ ghɛ kùu ndùw ghəa a te gho. E fɛ kuuwn lò enyəa ghùw wəla ù tum wô mugho kə̀aa êsəŋò, M̀ bɔɔ̄m naʼn wô ko fəgha kəla mùgho mò zuw ghè kò aŋ ghùu wə̄n â ghì a mbī gho.”

Dzɔ̌n 8:38

Ŋ̀ kə̀aa ghəa ghəla Ŋ̀ kôʼ nî kɔʼ aŋ ghùu bə̀ghà, ghɛ̀ yia kuūwn ghəə̄ŋ ghəa ghəla ghê tsùgho mò zoʼn ghɛ a te.”

Kə̀fwàʼ 22:18

Mùghò ŋ kòʼ Mughu ù te dzâa wo â mùghò enyəa, ‘Mba ghəŋlô ghù zəghaa tsughu Yɛ̀lusalɛ̀m, nu ghî a te a lo bōom dzə̀ yò shwaʼ wʉ̀a wò kùu wò mùghò.’

2 Kòlentìan 4:4

Aŋ ghee ghən, ghəa ghe doʼŋkè boō fughu, zʉ̀ u mbī wə n tɔ u ghee u sâʼ màʼà, enyəa ghe lô koʼō dzɔ̀ɔdzɔ̀ tə aghəa təla tə lo an səghanyəgha mə̀là n lò an Làbəlà è Dzûŋ è Kə̀lestò wəla ù lǒ tò Kəzə̀.

Edêe Fughu 1:5

To Yɛso Kə̀lestò wəla ù dèe wô ghəa a səŋò ghəla sɛ̀ lo alenaŋa fə̀ŋ a te, vʉ̀a ù lǒ ghuw ù sûesʉ alekɔʼɔ̄sə̄ alo evʉ̄, wəla ù saʼā dwə̀ŋ wò aŋ ghueekətsə̄, mò dê ghɛ̀ â dzɔ̀ e wə̄n zo, ù fughuu sughò ghɛ̀ â bughuun zo. Ù lə̀ghaa nǔ sɛ̀, vʉ̀a ù bəghasə̄ tsughu sɛ̀ aŋ ghùu bòo tə sɛ̀ tò aŋghəa u fə̀ ù fùghù ndùw tuw kə wə̄n ko an tuw u sɛ̀ an kàŋ tə wə̄n təla tə fə̀ kwəlà sə tsughu wo alo kədàŋlo.

Edêe Fughu 3:14

Yɛso n dzɛ̀ kpèʼe wò sùghò â mùghò enyəa, “Tɔm ndùw â tsə̀ndə̄ghā zəla è lò an â dzeŋe kə ghì a Kəzə̀ ghò an naʼ e Làodisìa enyəa, ‘Ghùw wəla ghe tɔŋlo enyəa à lò Zə e lo ko êzə̀, wəla ù zuūw â Zə̀ kò, kə̀aa sùghò èsəŋò aŋ ghəa e Kəzə̀; wəla Zə̀ kə fə̀ dzeŋe zîi tsughu fʉgha u gbəla wo ghèe wə̄n, ù dzɛ̂ enyəa,