Dzɔ̌n 2:4 - To kə Kəzə̀ kə̀ Fughu ko

⁴ Yɛso n dzɛ̀ â wə̄n enyəa, “Ǒo nughò, ghù lə̀ghaa enyəa to M̀ mô ghɛ kə kwò? Nəgha zaŋa e kaām kpe dzə̀.”

Dzɔ̌n 2:4 Iomraidhean Croise

Matìo 15:28

Yɛso n daŋso bɛ̀lɛ̀ tsùghù nʉghà vʉ enyəa, “Wo wìzən, ghù m bɛso boo fughu â mùghò. E bɔɔ̄m doʼò ko aŋghəa ghù ləghaa.” Wɛ ù nùghò vʉ n daŋso tughu kɔʼ an nə̀gha e te zo.

Matìo 8:29

A mo e zuw bɔ̂ŋ kə edì ghî a zəgha yi maʼà sə wô enyəa, “Ghù ghàʼ kəŋo aŋ kwò à, mo a wɛ̀ ù Kə̀zə̀? Ghù sò yia fɛ bùghò alebùghò ndzaŋso tsughuu dzə̂ ghàʼ sěe nəgha e lo biso kpeē wo ŋkāa?”

Lûk 2:49

Ù m bvʉ â ghee enyəa, “Ghɛ̀ mô mùghò kəŋo aŋ kwò, ghɛ̀ məghaa nù enyəa Ŋ̀ ki alelō alô bə̀ghà à?”

Dzɔ̌n 12:23

Yɛso n dzɛ̀ â ghee enyəa, “Nəgha zə e mô êzəŋ e kpe tò Wɛ ù Ghùw è nughù ebàm alo nsə̄ghānyə̄ghā.

Dzɔ̌n 13:1

À fə̀ êzəŋ doʼōdoʼō ko fə tsuʼ fə mɔ̀ʼ to ghe e zə zə kə̀ Zəŋso Naaŋ ko, à n lo mò Yɛso kwò ziī nû enyəa nəgha zəla e ki alezə̀ghàa mbī zən a te, e ndûw e ghee zo ebàm a vʉ̀a Tsele zə m kpē; a n lo ezə̂ mô ù ŋge ki eləgha a zəŋò fən a wə̄n gho fɛ am mbī, ù fə̀ ləghaa ghee ndùw tɛ̀ è nduw to mbī kê bughò mîaa.

Dzɔ̌n 2:3

A m bùghò lʉ̀ n sɛlɛ̄ tsughu fughu. Zə̂ Yɛso ndzɛ̀ â Yɛso enyəa, “Lʉ̀ ŋ kôom yo fɛ.”

Dzɔ̌n 20:13

Tsə̀təndə̄ghā tə Kəzə̀ ti m bvʉ â wə̄n enyəa, “Wizən, ghù sə̀ ŋ kûu ŋ kwò mò?” Ù n dzɛ̀ â ghee enyəa, “À lǒ bòʼ ghe n nì nùghù gwə̄n e Mughù waŋā zo, yìa Ŋ̀ kwo yo luʼū wəla ghe nî naŋā wə̄n a te.”

Dzɔ̌n 20:15

Yɛso m bvʉ â wə̄n enyəa, “Wìzən, ghù sə̀ ŋ kuu ŋ kwò mò? Ghù kəŋo ndùghò fɛ à?” A m bùgho Mèle sô mòʼò enyəa à lǒ ghùw ù sum ù lì, Mèle n dzɛ̀ â wə̄n enyəa, “Mughùbè, abugho à lǒ mò ghù ŋ gwən e wə̄n e boʼò nùghù, ghù n teso wò luʼū kəla ghù ndùw nyə̂ŋsò naŋā wə̄n a te, tò Ǹ ndûw boʼò nughù.”

Dzɔ̌n 7:30

A m bùghò ù dzɛ̀ tsughu êzə̀, ghe ŋ kəŋo dzì alekwu wə̄n, ghuw u mɔ̀ʼ m buw alemɔ̀m wə̄n, bòʼ nəgha e wə̄n e fə̀ lo mo e kaām kpe.

Dzɔ̌n 7:6

Yɛso n dzɛ̀ â ghee enyəa, “Nəghā zaŋa e kāam kpe dzə̀, yia a bughò ghɛ, abugho à lò ko zən, to ghɛ̀ nduw an Yɛ̀lusalɛ̀m.

Dzɔ̌n 7:8

Ndǔuw ko nlò ghɛ fughu an zə kə te ko; Ŋ̀ kaam kɔʼɔ yo fughu an lùʼù kə kəzə̄ kən, nu nəgha zaŋā e kaam tɔ̀ʼ kpè mɛ̀ʼɛ̀.”

Dzɔ̌n 8:20

Yɛso fə̀ ghəa ghən kəaa an lùʼu kəla ghe naāŋ kua wo a te aŋghəa ù fə̀ zoʼn ghî ghò Ndùghù è Kə̀zə̀ è ne an Yɛ̀lusalɛ̀m. Ghùw ù lì n yo alekwū wə̀n bòʼ nəgha e wə̄n e ka fə kaam kpē.

2 Kòlentìan 5:16

À fì lò enyəa alenìi nughù tsughu êzə̄ŋ ndùw â sə ko, sɛ̀ ki dzə yo aletsòo nìi ko ghùw aŋghəa ghî à koʼò ndûw kôʼ e wə̄n zo a te mbuu sɛ̀ fə̀ bûʼ nî dzə Kə̀lestò aŋ kôʼ e wə̄n, sɛ̀ yia kôom yo alenì wə̄n êzə̀ êzə̄ŋ.