Dzɔ̌n 2:2 - To kə Kəzə̀ kə̀ Fughu ko

² À n lo mo ghe n Yɛso à tsə̀təndə̄ghā tə wə̄n to fughu naʼà sùghò.

Dzɔ̌n 2:2 Iomraidhean Croise

Matìo 12:19

Ù lo ndòʼò pfʉ̀a zee yo dzughu zo ghèe ghê ghì ghò, ù lo buʼn yo bɔ̀ŋ mò, ghùw lo bùʼù zǔuw kòʼò sùghò yǒ dzə̀ è wə̄n an dziī.

Matìo 25:40

Də̀ŋ kə te kə lo daŋso bɛlɛ̀ tsughu ghee enyəa, ‘M̀ fɛ kùm dzàa wò nù â ghɛ̀, aŋghəa ghù fə̀ ghəə̄ŋ dzə̄ wàazə̀ waŋa u mɔ̀ʼ â ghəa ghən gho, wəla ù fə̀ tsoō fweēn yô fəgha ko, ghù mǒ fi ghəŋlo â mùghò.’

Matìo 25:45

U lo daŋso bɛlɛ̀ tsughu ghee enyəa, ‘Ŋ̀ kûu dzàa wò nù â ghɛ̀, aŋghəa ghɛ̌ fə̀ tue aleyòsò ghùw ù ulwən ù li u mɔ̀ʼ, ghɛ̀ fə̀ fi tue aleyòsò mùghò.’

Dzɔ̌n 2:12

A m bùghò ghə̀a ghə̀n tsəghà tsughu, Yɛso ghèe ghê zə̀ à waazə̂ ghò àsùghò ŋgaŋ tə wə̄n to n nùghù tsùghù ndùw aŋ Kàpɛnòm, dòʼò kə̀ŋo ndùw fughu an tsuʼu n lǐ mò.

Dzɔ̌n 2:17

Tsə̀təndə̄ghā tə wə̄n tə fi tɛ̂ mòʼn wò nù shwaʼ wəla u lô am Mwàʼsò kə Kəzə̀, u dzɛ̂ enyəa, “Ghɛ̂ zəla Ŋ̀ ki an ndughu è bə̀ghà lo nìi nùghùun nù mugho.”

Dzɔ̌n 2:22

A m bùghò aŋghəa ù bùghò kpuw kɔʼ sə kɔʼ alo evʉ̄, tsə̀təndə̄ghā tə wə̄n tə n tɛ̀ moʼn wò fəgha kə̀là ù fə̀ dzâa ghè kò. Ghî a fi kôom fə̀ghaan m boo tsughu nû shwaʼ u Kə̀zə̀ wò àsùghò ghəa ghəla Yɛso fə̀ dzâa tsəgha â ghee.

Dzɔ̌n 2:3

A m bùghò lʉ̀ n sɛlɛ̄ tsughu fughu. Zə̂ Yɛso ndzɛ̀ â Yɛso enyəa, “Lʉ̀ ŋ kôom yo fɛ.”

Dzɔ̌n 3:22

A m bùghò Yɛso kə̀a mɛʼɛ̀ tsughu ghəa gho, Ù n nùghùu nyə̀ ndùw an naʼ e Dzùdîa ghèe ghê tsə̀təndə̄ghā tə wə̄n to; ù n tsùuŋ dòʼò kə̀ŋo ndùw fughu ghèe ghee, fùghù sùghò àghì fughu â mùghù ŋ Kə̀zə̀ mò.

Dzɔ̌n 4:2

(Mò à fə̀ buʼ yo dzə̂ ghue u ghùe Yɛso, à fə̀ lo tsə̀təndə̄ghā tə wə̄n tə̀ li to tə fə̀ fughu ghî ghò â mùghù ŋ Kə̀zə̀ mò),

Dzɔ̌n 4:33

Tsə̀təndə̄ghā tə fì nughù bvʉ̌ʉn tsughu nû aŋ ghùe e ghee enyəa, “Ghùw ù lì sô yia a bughò fughu nu wə̄n â fə̀ghàzəa ko a?”

Dzɔ̌n 4:8

[À fə̀ lo mò tsə̀təndə̄ghā tə wə̄n tə ŋ kwə̄n enaʼ, alekwəlā zūe ufʉghàzəa.]

Dzɔ̌n 6:12

A m bùghò ghe zə kūw tsughu, ù n dzɛ̀ â tsə̀təndə̄ghā tə wə̄n to enyəa, “Kuum kaaŋ wò nlò sugho təla tə səā tsughu, a ka fəgha kə̀ li kə nyâ màʼà.”

Dzɔ̌n 6:16

A m bùghò an nə̀gha è guŋsō zo, tsə̀təndə̄ghā tə wə̄n tə n nughù tsùghù ndùw alo enyʉ̀,

Dzɔ̌n 6:60

A m bùghò tsə̀təndə̄ghā tə wə̄n tə zuw ghəa yì, ndə̀m è ghee n dzɛ̀ enyəa, “Tsʉ̂ zən tughuu nù; à lò ndugho aleboo alefwàʼ ghəa a te gho à?”

Dzɔ̌n 6:66

A m bùgho ù kə̀a tsughu ghəa ghən gho, ndə̀m è tsə̀təndə̄ghā tə wə̄n tə̀ li tə n nùghùu kòom wò ebàm, kòom ŋgə̌aa kaaŋ yo ghèe ghee.

Dzɔ̌n 6:67

Yɛso fi bvʉ nû â tum tən èghəm à ghè tò tə bə̀ghà enyəa, “Ghɛ̌ sô yia ləghaa sùghò nù alekòmlò ebàm à?”

Dzɔ̌n 6:70

Yɛso m bɛ̀lɛ̀ tsùghu ghee enyəa, “Ŋ̀ ka mo ghɛ mgbaŋ tsɔʼ kɔʼ eghə̄m à ghè ghò a bə̀ghà à, yìa à sò kuūwn lǒ ko enyəa ghùw wɛʼɛ u mɔ̀ʼ nǎam ŋgəəŋ ki ko zə̀a fə̀ biigh fo.”

Dzɔ̌n 6:71

Ù mò fɛ kəa ghəa a Dzudàs, wɛ̀ Sàemòn Eskàlìot, tɔŋlo enyəa, ghəa Dzudàs mo lô ko tsə̀ndə̄ghā an tsə̀təndə̄ghā tən èghəm à ghè tò tə bə̀ghà, ù mò ki alefèe fughu Yɛso.

Dzɔ̌n 6:8

Andèle, tsə̀ndə̄ghā è Yɛso e mɔ̀ʼ, tɔɔŋ wàazə̀ Sǎemòn Pità n dzɛ̀ â Yɛso enyəa,

Dzɔ̌n 7:3

Waazə̂ a Yɛso ghə n dzɛ̀ â wə̄n enyəa, “Nùghu tsughu ndùw an Dzùdîa tò tsə̀təndə̄ghā tə̀ghà tə̀ kôʼ fwàʼ wəla ghù fwàʼa ghè wò.

Kə̀fwàʼ 11:26

A m bùghò ù ndòʼ kôʼ tsughu sugho wə̄n, ù n nì wò wən an naʼ e Antìok. Zə m bughò dòʼò tsùghù nû enyəa nûm kə te ko kə dzə̀m ghe n ndûw dòʼn zěe tsə̀ghà ko ghèe ghê ghì a Kə̀lestò ghò, zoʼn tsughu ndə̀màndə̀mà tə aghì ènyə. À n lo sugho fɛ an naʼ e Antìok ghe fə̀ zeʼē tɔŋɔ̄ tsughu ghî ghəla ghe boō fughu â Zə̀ kò enyəa à lò Ghî a Kə̀lestò.

Kə̀fwàʼ 11:29

Tsə̀təndə̄ghā tə te tə m boo tsughu enyəa, aŋ ŋgəŋ è ghee chìa è də̀mà tsughu ko aletuū fughuu ndûw èyòsò â ghì ghəla ghe mughu aŋ Dzùdîa mo ghe m boo fughu sùghò â Kə̀lestò.

1 Kòlentìan 10:31

À fi lo enyəa abugho ghù zəā ŋkāa ghù mʉā fəgha kə li ko, e ghəəŋ ghəa a te gho alefughuu nduw zɔ̀ɔŋ kò â Zə̀ kò.

1 Kòlentìan 7:39

Wì ù ghùw lò ko fəgha kə ghûw ù te abugho ghùw ù te lô dzə â tuw ko. Abugho nùm ù te kpuw tsughu, wìzən ù te lo nû alenì ghùw ù nùghù ù ləgha tsughu, mò ghùw ù te m boo fughu â Mughu ù te.

Kòloshìan 3:17

Mò ghɛ̀ ghaa ko kə̀ kwò, ŋkāa ghɛ̀ so e kə̂aa ko ghəa è kwò, ghɛ̀ ki aleghəəŋ nduw ghəa a te gho an zən e Mughu ù te, tɔɔŋ Yɛso, abugho ghɛ̀ fughuu zɔ̀ɔŋ kò â Tsele ù sɛ̀ Kə̀zə̀, mò ghɛ̀ tsəghà am bàm e Kə̀lestò.

Hibùlù 13:4

Tɔʼɔ kwukele tsughu nlò ghəa a ghùe è niī gho alo ŋ kɔʼso, e kwo ko ghùw aŋ ghì ghəla ghe nî tsughu ghue zo lô səā nûŋlo; nu Zə̀ kə̀ lo baa nu mbɛ an tuw kə ghì ghəla ghe sə nûŋlo àsùghò ghì ghə̀n a dzə̀m ghe nûuŋ kaŋlo.

Edêe Fughu 3:20

Mùghò wəlà Ǹ ti a fǔundughu, tsʉʉn kə̀bàʼ, ghùw wəla ù zuw dzə̀ zaŋa, vʉ̀a ù tsʉ̀ tsughu bâʼ kò, Ǹ sô nyəā ndûw ghàʼ à wə̄n zəā dzəŋlo.