Dzɔ̌n 2:16 - To kə Kəzə̀ kə̀ Fughu ko

¹⁶ Aŋ kuuwn bùghò â ghî ghəla ghe mò fêen mbuŋū to, ù mo â ghee enyəa, “Nîi nùghù sə nlǒ fə̀ghà mən mò fɛ, e kwo ghɛ̀ è fə̂nsò naŋā kɔʼ ndùghù è Bə̀ghà enyəa à lò bekewə̄n.”

Dzɔ̌n 2:16 Iomraidhean Croise

Matìo 21:12

Ghəa Yɛso nyə nduw an Yɛ̀lusalɛ̀m, ù n ndùw nyə̀ ndùw am be kə ndùghù è Kə̀zə̀ e ne, bù dzùm sə aghî ghe mò fêen fʉgha wo a fughu, àsùghò ghəla ghe mò zuenlō. Ù n təm pfʉʉn kaaŋ tsə̀ghà gbàʼ u ghì ghəla ghe mò fêen səa kə̀a mò â ghì ghò, təghaa màʼà sùghò ndàŋ tə ghì ghəla ghe mò feēn mbuŋū to.

Matìo 21:13

Ù n dzɛ̀ â ghee enyəa, “Ghe tɔm naŋa am mwàʼsò kə Kəzə̀ enyəa Zə̀ kə̀ dzɛ̂ enyəa, ‘Ghe lô Ndughu zaŋā è ne kwo enyəa à lò ndùghù ègɔ̀ŋlo.’ Ghɛ̀ yia kuūwn nî naŋā tsughu enyəa, à lò seen kə ghì à tsɔŋɔ gho.”

Matìo 22:5

Ghe ŋ kè buʼù nî ghəa a te gho tò eghəa, ghe n nùghù ghe â luʼū to, chìa n nùghù sòʼ ndùw an sum u wə̄n, ù lòʼ wən n sòʼ sə̀ ndùw wən â bekewə̄n ko.

Mâk 11:17

Ghəa ù tsʉ̌a ghee, ù m bvʉ â ghee enyəa, “Ghe kâ mgbaŋ tɔm naŋa enyəa, ‘Ghe lô ndughu zaŋā tɔŋlo enyəa à lǒ è gɔ̀ŋlo â ghì a nàʼà tə̀n tə̀ dzə̀m.’ Ghɛ̌ yia nî naŋā tsughu enyəa à lò bûʼ kə ghì à tsəŋo gho.”

Lûk 2:49

Ù m bvʉ â ghee enyəa, “Ghɛ̀ mô mùghò kəŋo aŋ kwò, ghɛ̀ məghaa nù enyəa Ŋ̀ ki alelō alô bə̀ghà à?”

Dzɔ̌n 10:29

Tsele waŋā wəla ù fughu wo ghee â mùghò, tùghù tsə̀ghà taʼà aghì a dzə̀m. À fi lo enyəa ghùw ù lì kòom yò tò ù è chuūw nughù sə ghùw ù ghee u mɔ̀ʼ an ghu kə Tsele ù te.

Dzɔ̌n 2:15

Yɛso n nyəm kɔʼ ekwûu fùghù èzə̀ am gbaʼ, bù dzùm sə ghee a dzə̀m a beē ghèe ghê nyòm tə ghee to; tə̀mbɔ̀ŋ àsùghò ndzì tò. Ù ŋ kwèlè sàaŋ màʼà kǎaŋ tsə̀ghà kua u ghî ghəla ghe mò fêen səa kua wo â ghì ghò, təghaan màʼà kǎaŋ sùghò ndàŋ tə ghee.

Dzɔ̌n 20:17

Yɛso n dzɛ̀ â wə̄n enyəa, “Kà mugho mɔ̀m, nuu Ŋ̀ kaām kɔʼ tɛ̀ dzə̀ a vʉ̀a Bə̀ghà; laam ndùw a vʉ̀a waazə̂ ghaŋa gho, ghù dzɛ â ghee enyəa M̀ fɛ ndùuw a vʉ̀a Tsele waŋa wəla à lò sugho tsùghò, tɔ̂ɔŋ Zə̀ kɛʼɛ.”

Dzɔ̌n 5:17

Yɛso m bɛ̀lɛ̀ ndùw ghee enyəa, “Bəghà nǎam fwàʼà nù, yia M̀ fwaʼà sugho.”

Dzɔ̌n 8:49

Yɛso m bɛ̀lɛ̀ ndùw ghee enyəa, “Ŋ̀ ki yo zə̀a fə̀ biigh fo, M̀ fughuu ŋkɔʼso â Bə̀ghà, ghɛ̌ yîa kuūwn lʉghāa mugho.

1 Timotì 6:5

Ghî ghən lo tsəgha ko alo kəzùghù, tɔŋlo enyəa ghe moʼn tə̀la ko èbo, ghe sô kôom kwo dzə̂ yo səŋò zò. Ghe sô moʼnlò enyəa fwàʼ kə Kəzə̀ kə lo alekə̄ŋ ekum a te.

2 Pità 2:3

An səa ghee à səa gho, ghe lo e niī wo gha ghəla a fween səŋò zò alezə kua wɛʼɛ. Gha kə mô êzəŋ e sə aŋghəa Zə̀ kə̀ fə̀ kaʼ alebiāan naŋā ghəa kə ki alefɔeso ghee a te. Ghùw wəla ù lo fɔeso ghee bwii dzə̀ yo.