Dzɔ̌n 17:9 - To kə Kəzə̀ kə̀ Fughu ko

⁹ Ŋ̀ gɔŋlò an tuw u ghee, Ŋ̀ gɔ̂ɔŋ dzə̀ yò an tuw kə mbī e dzə̀m, gɔ̂ɔŋ zaŋa e kuuwn lò ko â ghî ghə̀là ghù fughu wo â mùghò, tɔŋlo enyəa à lò ghî ghə̀a.

Dzɔ̌n 17:9 Iomraidhean Croise

Lûk 22:32

Sǎemòn, mùghò ŋ kuuwn gɔ̀ŋlò an tuw kə̂a enyəa boo zəghà è lô dɔ̂ɔm tsughuu bvʉ̂a tsughuu. Abugho ghù teē wô ebàm an tsə̀n tə̀ghà, tughuso tsùghù sùghò waazughù ghò.”

Lûk 23:34

Yɛso n nùghù dzɛ̀ tsughu enyəa, “Tsele waŋā, wuwmàʼà bo e ghee zo, nu ghe kwo dzə yo fəgha kəla ghe ghəŋlo ghè kò.” Ghe n nì dzùghù tsùghu ndzʉ̀ è wən aŋ ghùe e ghee mo ghe təm tsughu bòʼ.

Lûk 8:34

A m bùghò ghî ghəla ghe fə̀ chiīn kwə̀lebʉ̄ghā vʉ̄ kôʼ ghəa yi gho, ghe n sə bālā tsughu â ghuw à tiigh gho, tì kwə̀n bùghò zùghòo tsùghù ghəa yì ènàʼ, nàʼà ndùw sùghò alo təŋgwə̀là.

Dzɔ̌n 14:16

Ǹ lo gɔ̀ɔŋ ndùw â bə̀ghà ù lo tuū wò ghɛ̀ â ghùw wəla ù lo yôsò ghɛ, wəla ù lo doʼn təla ghɛ̀ à ghee.

Dzɔ̌n 17:2

bòʼ enyəa, ghəa ghù lo mò ghù m fughu wə̄n â daʼa ko a zəŋò ghì ghò a dzə̀m, enyəa ù è lo alefughu mughù è doʼn təla zo â ghî ghə̀là ghù fughu â wə̄n.

Dzɔ̌n 17:20

Ŋ̀ kaa gɔ̀ɔŋ ko yo an tuw u aghì ghən gho, Ŋ̀ gɔ̂ɔŋ sùghò an tuw ù ghì ghəla ghe lo zuūw nîi shwaʼ waŋa wəla tsə̀təndə̄ghā taŋā tə dzâa nduw â ghee, ghe boō fughu wô â mùghò.

Dzɔ̌n 17:6

Mùghò n dě ghùw wəla ghù lo ghè wò â ghì ghə̀là ghù mò nî fughu sə wo â mùghò am mbī. Ghe fə̀ ki lo tsəgha ghî ghə̀a, ghù n nì fùghù wò ghee â mùghò, ghe yia ghe zuw dzə̀ zə̀ghà,

Dzɔ̌n 6:37

Ghî ghə̀n a dzə̀m Tsele ù te fughu â mùghò, lo bùghòo a vʉ̀a mùghò, ghùw wəla ù tso məghàa doʼò wô dzə ghàʼ à wə̄n, Ŋ̀ kê wə̄n dzûm nùghù yò;

Dzɔ̌n 6:39

À lǒ to kə ghùw wəla ù tum wô mugho, enyəa e kwo ko ghùw u mɔ̀ʼ lò mîaan səā aŋ ghì ghə̀là ù lo mò Ù m fughu â mùghò, Ŋ̀ lo kôom zôo nughù wô ghee ebàm an tsuʼ fəla fə doʼò gûŋsò tsughu:

Hibùlù 7:25

Zən lò e ghee ù lò alebəghaasə aghî nəgha tən tə̀ dzə̀m, ghî ghəla ghe kuʼso nduw Zə̀ kò mo ghe tsəgha am bam e wə̄n, ghəa ù lǒ mò ù tso mughu tsəgha ko nû alebuʼ kəghu an tuw u ghee.

Hibùlù 9:24

Kə̀lestò kà nyə̀ ndùw dzə̀ an lùʼû kə̀ baa kəla ghe bəgha aŋ ghu, mò à lǒ fwěen kəla kə kûm lo, ù fə̀ laam nyə daŋso nduw alo kəwālā, alendùw tee a vʉa Zə̀ kò an tuw u sɛ̀.

1 Dzɔ̌n 5:19

Sɛ̀ kwo nû enyəa sɛ̀ lo wɛ a Kəzə̀, aŋghəa mbī e dzə̀m tso bûʼ lo ko an daʼa kə avʉatsə̄a.

Edêe Fughu 12:9

Ghe nì màʼà tsughu faŋkwu kə ŋgə̄m chì, zùghù è wǐiwǐi è te, ghe tɔŋlo enyəa à lò avʉatsə̄a àsùghò Satàn, wəla ù nɔɔ̄m kaāŋ ghî gho am mbī e dzə̀m — ghe m màʼà tsùghù wò wən aŋ ghueekətsə̄, màʼà tsùghù wò sùghò tsə̀təndə̄ghā tə wə̄n ghèe ghee.

Edêe Fughu 13:8

Ghî ghə̀n à dzə̀m ghe mughù aŋ ghueekətsə̄ lo e kɔ̄ʼsō sugho wə̄n, ghî ghəla ghe fə̀ so e bughò bɔm mbī mo zən a ghee a kaān nyə am dzə̀ mwàʼsò kə emùghùu kə Tsʉa u Ndzì wəla ghe fə̀ sugho wī.

Edêe Fughu 20:15

Ghùw wəla ghe mò kəŋo kêe tsughuu zən e wə̄n zo am mwàʼsò kə emùghù, ghe m màʼà nyə̀ ndùw wən am fɛ̀ɛn kə uwə̀n kə te ko.