Dzɔ̌n 17:4 - To kə Kəzə̀ kə̀ Fughu ko

⁴ Mùghò n nì wò ghû a kɔʼso mò fɛ am mbī a bòʼ mùghò m mìasô fwàʼ kə̀là ghù mò fughu enyəa M̀ fwâʼ fɛ aŋ ghueekətsə̄.

Dzɔ̌n 17:4 Iomraidhean Croise

Lûk 22:37

Ǹ so Ǹ dzâa wô â ghɛ̀ enyəa nəgha zə m kpē â Shwaʼ u Kəzə̀ wəla ghe fə̀ tɔm naŋa alenì kə̀bəla alo kətə̀ŋ kùu wò mùghò, mbuu ghe mò taŋ wə̄n aŋ kɔ̀n kə aghì à biigh gho; tɔŋlo enyəa fəgha kela ghe fə̀ tɔm bòʼ mùghò, kə ki alesə̄.”

Dzɔ̌n 12:28

Tsele, děe tsughu daʼa kə̂a kò.” Dzə̀ n daŋso sə̀ tsùghù wò alo kəwālā, dzàa tsùghu wò enyəa, “Mùghò n dè, Ǹ naam ki nû aledèe kpeʼe.”

Dzɔ̌n 14:13

Abugho ghɛ̀ bvʉ ko ghəa è ghɛ zo an zən zaŋā, Ǹ sô ghə̌əŋ nù, tò bəghà è lo kele ŋkɔʼso bòʼ mùghò.

Dzɔ̌n 14:31

Ǹ telè fwàʼà ko an dzə̂ è Bə̀ghà, to mbī lo kele enyəa Ǹ ləghaa nù Bəghà. Nùghù kɔ nlò to sɛ̀ nughù fɛ an lùʼu kən.”

Dzɔ̌n 15:10

Abugho ghɛ̀ naāŋ lâŋ kaŋa ko, ghɛ̀ è ke lo ko an ləgha zaŋa, tò aŋghəa Ǹ naāŋ sughò lâŋ kə Bəghà kò yìa Ǹ lô an ləghaa e wə̄n.

Dzɔ̌n 19:28

A m bùghò ghəa ghən tsəghà tsughu, Yɛso sò kwo enyəa aghəa a dzə̀m ghə m mǐaa, (aleluesō shwaʼ u Kəzə̀ wəla ghiīshʉ̀ghà a fə̀ tɔm naŋā) ù n dzɛ̀ enyəa, “Fə̀ŋ zùʼso mùghò.”

Dzɔ̌n 19:30

Yɛso n swɛ mʉ kɔʼ lʉ̀ n te mò, daŋso dì sə̀ wò enyəa, “Zə mô êzəŋ e mîaa.” Ù n kum tsughu tuw kə wə̄n, daŋso zwìi mɛ̀ʼɛ̀ kɔ̀ʼ è wo.

Dzɔ̌n 4:34

Yɛso n dzɛ̀ â ghee enyəa, “Fəgha kaŋa kə̀ zəa kə lo alefwàʼ fəgha kəla ghùw wəla ù tum wô mugho ləghaa enyəa M̀ fwâʼ ghè kò, àsùghò alefwàʼ à swɛlɛ̀ səā ndûw fwàʼ kə te ko.

Dzɔ̌n 5:36

Ghəa ghə̀là Ŋ̀ kuūwn kə̀aa wò â ghɛ̀ tsəghàtàʼà sə a Dzɔ̌n à teso gho; tɔŋlo enyəa fwàʼ wəla Tsele waŋā fughu enyəa M̀ fwaʼà mɛʼɛ̀, à lo fwàʼ ù mɔʼɔ̄ wəla M̀ fwaʼā, fwàʼ u te dêe nù enyəa Tsele waŋā m mùghò tum.

Dzɔ̌n 9:3

Yɛso m bɛ̀lɛ̀ tsùghu ghee enyəa, “À yo dzə̂ enyəa ghùw wə̄n fə̀ ghəəŋ bo è loʼ zo ŋkāa à fə̀ lo tsele ghèe zə̀, ghe fə̂ wə̄n enyə dzə wo aledèe tsughu daʼa kə Kə̀zə̀ a zəŋò wə̄n.

Kə̀fwàʼ 20:24

Ŋ̀ kâ bùʼ nì tuw kaŋa tò kəfəgha abugho M̀ kpaʼ lô dzə̂ alemìasò kɔʼ ŋgəa zəla Ŋ̀ ŋgəāa kaŋlō àsùghò fwàʼ kə̀là mùghò fə̀ nî kɔʼ aŋ ghùu Mughu ù te Yɛso Kə̀lestò, alezùghòo làbəlà è dzùŋ kùu ndùw dzɔ̂ e Kəzə̀.

2 Timotì 4:7

Mùghò ŋ ŋgè ndə̀m am fwàʼ kaŋa, yìa M̀ mîaso, yìa Ǹ nyoʼn kwu kele sə kɔ̀ʼ wô sugho boo zaŋā zo.