Dzɔ̌n 15:2 - To kə Kəzə̀ kə̀ Fughu ko

² A m bùghò kwèe kə̀ li ko aŋ kàʼ fə te fo kə mʉā yô twam wo, mughu ù usum ù te ŋ kə̀aan màʼà è tsughu, à m bùghò wəla u mʉā twam wo, ù m fəghaan naŋa è kɔʼ enyəa u lo ŋgeē mʉā tsughu.

Dzɔ̌n 15:2 Iomraidhean Croise

Matìo 13:12

Tɔŋlo enyəa ghùw wəla ù ki kə wən ko, Zə̀ kə̀ lo fughuu kpeʼe wə̄n ù lo kele tsəghàsò tsughu; wəlà ù kuūwn laʼā, mbeʼe fən ù bùʼ ki, Zə̀ kə̀ lo nìi nùghùun nù.

Matìo 13:33

Yɛso n naam kə̀a kpèʼe ndùw kwə̀ən kə ushwaʼ â ghee enyəa, “Fɔ̂e u kəwālā u lo tǒ sə fə mbvùŋ, wìzən ù li mò nî kɔʼ, nyùʼ dzə̌əŋ kɔʼ am fuŋu wə mpfùŋ u tʉghà, zə̀ n nyə̀ŋ kǎaŋ ndùw a te, mpfùŋ n te mə̀ ŋ kàʼ ndùw è kɔʼ.”

Matìo 15:13

Ù m bɛ̀lɛ̀ tsughu ghee enyəa, “Fəgha kəla kə lo mò à kà Tsele waŋā alo kəwala tam naŋa, ghe lo sughuu màʼn nù.

Matìo 21:19

Ù ŋ kòʼ ndùw kâʼ fə fîʼ fə̀ li fo aŋ kwàn u dziī, ù n ndùw fughu a tsəla fəkàʼ, kòʼ tsughu ko tə̀fòo, kè tsuʼ kətam alo esə. Ù n daŋso dzɛ̀ â kàʼ fi te fo enyəa, “To ghù kà mò kòom tsò mʉ̀ kòʼ tsə̀ghà tam ko!” Kâʼ fə te fə ŋ gwə̀n tən tsughu ko an nə̀gha e te zo.

Matìo 25:29

Tɔŋlo enyəa ghùw wəla ù bùʼ ki dzə̂ fəgha ko, ghe lo fughuu kpeʼe nǔ wə̄n â ndə̀m, ù lo kele tsəghàsò tsughu; a kê kuūwn bughò wəla ù ki yô fəgha ko, nyàaŋ fəla ù bùʼ ki, ghe lo nîi nughùu mɛʼɛ̀ kɔʼ aŋ ghùu wə̄n.

Matìo 3:10

Ndzàm bùʼ lò nû êzə̄ŋ ghe shia naŋa an chi e fəkàʼ, è ləmlo enyəa mo kâʼ fə̀ yo alemʉ twam ù dzûŋ wò, a m gbò kpàa màʼà kàʼ fə te fo.

Matìo 3:12

Ù lò â kwònɛ̀lɛ aŋ ghu alefoōn nughù kɔʼ təŋgòʼ a te, ù fwə̀là naŋā ndûw an tɔ̀e a kə̀twɛ̄; ù daŋso kâaŋ kpâa ndûw ghùw u te wo aŋ wə̀n wəla u nyəə̄m tsəghà yo.”

Matìo 7:19

Kâʼ fəla fə mʉa yô twam ù dzûŋ wò, a m gbò è kpaa.

Mâk 4:20

Sə ghəla a mò kuūwn bvʉ̂ tsughu an zù tə̀ ləə̄m to lo tò ghî ghəla ghe zuw tsughu shwaʼ u Kəzə̀ wò, tɔ̀ʼ bǒo tsughu am fə̂ŋ è dzùŋ, mʉ̀ ndùw ùtwam, à li gho ŋghəm n təgha n təgha, à li gho ŋghəm tǔu, à li gho fəbɔm.”

Lûk 8:13

Ghəlā aŋ gɔ̀ŋlò, fɛ lo ghəla abugho ghe zuw tsughu shwāʼ u te wo, ghe n nì ko aŋ ghùe è ghɛɛ̄n zo; wə ŋ kè kuūwn nyəā mə̄lā ghee alo tə fə̀ŋ, tɔŋlo enyəa ghe dzə̂a kwǔu kele kə̄əŋ ndùw kô boo e te zo enyə, à m bùghò nəgha è mɔɔ̄ koʼō e ghee e kpe tsughu, ghê n tìgh zə̀ghà è tsughu.

Dzɔ̌n 15:1

Yɛso n dzɛ̀ kpèʼe ndùw â tsə̀təndə̄ghā tə wə̄n to enyəa, “Ǹ lo tò fəkâʼ fə nomlo an usum, Tsele waŋā vʉ̀a ù lò mughu ù usum ù te.

Dzɔ̌n 15:16

À kà nùghù ghɛ shîaa wò mùghò, à kǔuwn laam lò mugho n shîaa kɔʼ ghɛ, fughu tsughu ghɛ̀ a daʼa ko enyəa ghɛ̀ nduw fwaʼ nduw fwaʼ kə̀ dzûŋ kò, àsùghò enyəa fwàʼ kɛʼɛ kə lo doʼò tən, to zə e lo enyəa mò ghùw wɛʼɛ bvʉ ko kə̀ kwò aŋ â Tsele u te an zən zaŋā, Tsele ù te mò è fughu.

Dzɔ̌n 15:3

Shwaʼ waŋa wəla Ŋ̀ kə̂a sə wo fɛ â ghɛ̀, wə ŋ ghəŋlo ghɛ̀ yia a zɔn tsughu.

Dzɔ̌n 15:6

Ghùw wəla ù yǒ ghàʼ à wə̄n alo kəfəgha kə mɔ̀ʼ, a ŋ kə̀a màʼà sə̀ nduw wə̄n tǒ kwèe kə̀ biigh koʼ, kə mò è zum, a ŋ kuum kpàa ndùw an wə̀s, kə m pfʉ̀gə̀m ndùw fughu.

Dzɔ̌n 15:8

Abugho ghɛ̀ lo kûm dê tsughu an twam wəla ghɛ̀ mʉā enyəa ghɛ̀ lo tsə̀təndə̄ghā taŋā, Bəghà lo daŋso kele ŋkɔʼso.

Dzɔ̌n 17:12

Nəghā zəla mùgho mò lo ghàʼ à ghee, mùgho mô ghee kwu kele an daʼa kəla ghù mò fughu â mùghò; mùghò n chǐin ghee, ghùw ù ghee u mɔ̀ʼ kà mìaa sə a te, à gɔ̀ʼɔ̀ ko yo ghùw wəla ghe fə̀ fôʼ naŋa enyəa ù kè kwəlà sâŋlò, aleluesō tsughu shwaʼ wəla ghe tɔm naŋā am Mwàʼsò kə Kəzə̀.

Lumà 11:17

A nî tsughu enyəa ghe bvuʼn nùghù tsùghù kwèe tə̀ li to aŋ kàʼ fə̀ Olèf fə enaʼ fo, ghe yia ndûw nîi wò kwèe kò aŋ kàʼ fə Olèf fə ŋgwən fo, bùghò nyùŋ naŋa nyə̀ wò aŋ kàʼ fə Olèf fə enaʼ fən. Ghɛ̀ Toʼò è lo tò kwêe kə kàʼ fə Olèf fə ŋgwən fo, ghɛ̀ yia mùghù mughu zəla Zə̀ kè ləghaa êzə̄ŋ, zəla Dzûu tə̀ fə̀ mughù tsəgha.

Lumà 11:22

Kòʼ nlò dzɔ̂ e Kə zə̀ zo àsùghò aŋghəa kə ŋgɛlɛ a te: Zə̀ kə̀ kwo sugho alefɔeso ghì ghəla ghe lo mo ghe ŋ ghəəŋ bonlo. Dzɔ̂ è Kəzə̀ zə e kuuwn lo â ghɛ̀ abugho ghɛ̀ ghəəŋ dzə̂ ghəa ghəlà kə leghāa enyə ghɛ̀ e ghəŋlo, buw èzə̀, Zə̀ kə lo alefàa maʼà səa tsughu wô ghɛ̀ tǒ kwèe kə fəkàʼ.

Lumà 8:28

Sɛ̀ kwo nû enyəa alo aghəa a dzə̀m, Zə̀ kə̀ fwaʼa ko alekòʼ enyəa ghî ghəla ghe ləghaa wə̄n e mugho dzɔ̄. Ghən lò ghî ghə̀là kə̀ fə̀ tɔŋɔ̄ aleghəŋlo enyəa ghəa ghəlà kə mò fôʼ naŋa a bughò sə êzə̀.

1 Kòlentìan 13:1

Abugho Ǹ saʼ kaāŋ wô saʼà tə tənàʼà tò, bùghò sàʼ ndùw sùghò shwaʼ u tsətəndə̄ghā tə Kəzə̀, mò Ŋ̀ kuuwn ki yo ləgha zo a zəŋò ghì ghò, M̀ fi tsôo bùʼn sùghò mbɔ̀ŋ to mbəŋlo ŋkāa ŋgòm lò kuū.

Taetùs 2:14

À lǒ wə̄n wəla ù fə̀ kpuw an tuw u sɛ̀ alebəghaasə sɛ̀ aŋ ghəa a sɛ̀ à biigh gho, àsùghò alesùuw maʼà bòo tə sɛ̀ enyəa sɛ̀ doʼò tsughu a wə̄n gho aghî, a e moʼn təla ko aleghəŋlo èdzɔ̀.

Hibùlù 12:15

Də̀ma tsughu nlò enyəa e kwo ghùw wɛʼɛ u mɔ̀ʼ lo bvʉ̂a səā mò ù kà kèle dzɔ̂ e Kəzə̀ zò. E kwo ko ghùw wɛʼɛ u mɔ̀ʼ lò doʼn tsughu nâŋ kə biigh ko am bvʉa zɛʼɛ, kəla kə lo aleghəŋlo unwâŋ u dzə̀m fîaa.

1 Dzɔ̌n 2:19

Ghî ghən fə̀ zəghaa tsughu ghaʼ nùghù è nduw, mò à êzə lo mo ghe mo biso ti yo alo kəfəgha kə mɔ̀ʼ ghàʼ à ghee; nu abugho ghe mò ti alo kəfəgha kə mɔ̀ʼ ghàʼ à ghee, to ghe mafə doʼò dòʼò a fɛ ghàʼ à ghee; lò êzə̀, nughù sə e ghee e kûu dèe nù enyəa ghe ti yo ghàʼ à ghee alo kəfəgha kə mɔ̀ʼ.

Edêe Fughu 3:19

Ghî ghə̀là Ǹ ləghaa a dzə̀m Ǹ naaŋ ghee an ulwàŋ, baa mbɛ̄ an tuw kə ghee. Ghɛ̌ fi ki alemuʼū â mbuuw mò aletiī kuwnlo, ghɛ̀ maʼa bo zo.