Dzɔ̌n 13:3 - To kə Kəzə̀ kə̀ Fughu ko

³ Yɛso fə̀ kwo nû enyəa Tsele m fughu naŋa ghəa gho a dzə̀m aŋ ghu kə wə̄n asùghò enyəa ù mò nughuu wo a vʉ̀a Zə̀ kò, vʉ̀a ù ki sugho alendùw ebàm a vʉ̀a ghè kò.

Dzɔ̌n 13:3 Iomraidhean Croise

Matìo 11:27

Ghəa Yɛso gɔ̀ɔŋ mɛʼɛ̀ tsughu, ù n dzɛ̀ â ghì ghò enyəa, “Bəghà m mùghò â ghəa gho a dzə̀m fughu; ghùw ù lì kwò yo Wɛ ù tè mò à gɔ̀ʼɔ̀ ko yo Tsele ù te, ghùw ù li kwò sugho yo Tsele u te, mò à mìaa ko yo wɛ ù te àsùghò ghùw wəla wɛ ù te tsə̂m tsughu aledè â wə̄n.

Matìo 28:18

Yɛso n daŋso bùghò dzɛ̀ tsùghù â ghee enyəa, “Dwaʼa wən u dzə̀m alo kəwālā àsùghò aŋ ghueekətsə̄, ghe m fughu â mùghò.

Lûk 10:22

Bəghà ŋ ghəa gho â mùghò dê mɛ̀ʼɛ̀, ghùw lì kwò yo fəgha kela wɛ lo ghè kò, à gɔ̀ʼɔ̀ ko Tsele. Ghùw kwò sugho yo fəgha kela tsele lo ghè kò, à gɔ̀ʼɔ̀ ko wɛ, àsùghò ghì ghəla wɛ tsə̂m tsughu aledè fəgha kela Tsele lo ghè kò â ghee.”

Dzɔ̌n 1:18

Ghùw ù lì kaām kôʼ kòʼ Zə̀ kò; alo ko sɔ̀ kə wɛ kəla kə lo am bughu e Tsele, kə nì dè wò wə̄n â sɛ̀.

Dzɔ̌n 13:1

À fə̀ êzəŋ doʼōdoʼō ko fə tsuʼ fə mɔ̀ʼ to ghe e zə zə kə̀ Zəŋso Naaŋ ko, à n lo mò Yɛso kwò ziī nû enyəa nəgha zəla e ki alezə̀ghàa mbī zən a te, e ndûw e ghee zo ebàm a vʉ̀a Tsele zə m kpē; a n lo ezə̂ mô ù ŋge ki eləgha a zəŋò fən a wə̄n gho fɛ am mbī, ù fə̀ ləghaa ghee ndùw tɛ̀ è nduw to mbī kê bughò mîaa.

Dzɔ̌n 17:2

bòʼ enyəa, ghəa ghù lo mò ghù m fughu wə̄n â daʼa ko a zəŋò ghì ghò a dzə̀m, enyəa ù è lo alefughu mughù è doʼn təla zo â ghî ghə̀là ghù fughu â wə̄n.

Dzɔ̌n 3:13

Ghùw ù lì kaām bûʼ kɔ̀ʼ kòʼ sùghò alo kəwālā, à gɔ̀ʼɔ̀ ko wə̄n wəla ù fə̀ sə tsughu wo alo kəwālā; tɔɔŋ Wɛ ù Ghùw.

Dzɔ̌n 3:35

Tsele ləghaa wɛ ù wə̄n, vʉ̀a ù fughu nyə tsughu fʉgha wo u dzə̀m aŋ ghu kə wə̄n.

Dzɔ̌n 7:29

Ŋ̀ kwo nû wə̄n, bòʼ Ǹ nughù wò a vʉ̀a wə̄n, tɔŋlo enyəa à tǔm wò wə̄n mugho.”

Dzɔ̌n 7:33

Yɛso n dzɛ̀ â ghì ghò enyəa, “Ǹ naam lò nu sɛ̀ aŋ kə̀mà fə kəgha, sěe Ǹ lo nughùun nduw ebàm a vʉ̀a ghùw wəla ù tum wô mugho;

Dzɔ̌n 8:14

Yɛso m bɛ̀lɛ̀ ndùw ghee enyəa, “Ghəa à bùʼù teso dzâa wo ko mugho ghəa a ughùe ghaŋā gho fɛ, shwaʼ waŋa u lo èsəŋo bòʼ Ŋ̀ kwo nû luʼū kəla Ǹ nughù wô a te àsùghò kəla Ǹ nduūw a te. Lò êzə̀ mò ghɛ̀ bùʼ kwò yo luʼū kəla Ǹ nughù wo a te ŋkāa kəla Ǹ nduūw a te.

Dzɔ̌n 8:42

Yɛso n dzɛ̀ â ghee enyəa, “Abugho Zə̀ kə̀ mô lo tsele wɛʼɛ, to ghɛ̀ mô lə̀ghāa mùghò. Bò enyəa Ŋ̀ kâ fɛ bùghò dzə̀ aŋ ŋgəŋ zaŋā, à mùghò tum ghue ū Kə̀zə̀.

Kə̀fwàʼ 2:36

À fi lo enyəa ghɛ̀ ghî ghə Ezə̀lɛ̂ kele tsughu enyəa Yɛso wəla ghɛ̀ mò nî təghāa, Zə̀ kə̀ ŋ wən naŋa am Mughu àsùghò aŋ Kə̀lestò.”

1 Kòlentìan 15:27

Tɔŋlo enyəa Mwàʼsò kə Kəzə kə̀ dzɛ̂ enyəa, “Zə kə n naŋa fʉgha wo u dzə̀m enyəa Kə̀lestò gaʼnlo aghuw a te.” Abugho a dzɛ tsughu enyəa, “Ufʉgha u dzə̀m.” E fi dêe dzə yo enyəa a taŋ dzəŋlo â Zə kò a te. À lò Kəzə̀ kə fughu fʉgha wo u dzə̀m enyəa Yɛso gaʼnlo aghuw a te.

Hibùlù 1:2

Yia a bugho êzəŋ an tsùʼu məla ŋ gùŋso tsughu, Zə̀ kə̀ ghəa gho â sɛ̀ kə̂a wò â wɛ̀ ù wə̄n, Wɛ ù wə̄n wəlà ù fə̀ nî kɔʼ enyəa à lô fʉgha wə̀n ù dzə̀m zə̌a wə̄n, mò kə fə̀ mbī bɔm sugho am bàm e wə̄n.