Ghəa ghən a dzəm Yɛso mò kəā â saʼ kə aghì chi ko, ù mo telē kəā ko kwə̀n kə̀ kwən, ù ka mo ghəa e tso kə̀a mò ù kà kwə̀ən kə ushwāʼ ko a te dzə̂n.
ù kaa ŋgəmso kə̀a ghəa zo â ghee mò ù kà kwə̀ən kə ushwāʼ ko a te bughò dzə̀n, kuuwn nyɛʼɛ ndùw tèso dzàa tsùghûu ghəa a te gho a dzə̀m â tsə̀təndə̄ghā tə wə̄n to.
Dzûu tə̀ n daŋso kàʼ ndùw alendzùghùun kə̂aa kaŋlo àghəa an nə̀ghà m pfʉa mò enyəa, “Ghùw wə̄n lo ênzə̂n alefughūu ghue u wə̄n enyəa a pfʉ à?”
Ghùw wəla Zuʼ tə Kəzə̀ tə̀ yo a zəŋò wə̄n bǒom yo êsəŋò zəla Zuʼ tə Kəzə tə te tə deē ghè zò. Ŋgòʼ è àghì ghən zuuwkɛlɛ yo ghəa te gho; ghəa a te a lo elaʼsò â ghee, bòʼ à lò ko an daʼa kə Zuʼ tə̀ Zɔlɔ tə te to ghùw kè koʼòkɛlɛ enyəa kən lo fəgha kə səŋò kò.