Dzɔ̌n 10:4 - To kə Kəzə̀ kə̀ Fughu ko

⁴ A m bùghò ù nì sə wo ghee êzə̀, ù n tee ndzə̀a â sə ko an dzì è sòʼo; ndzì tə m bɔɔm sə̀ tə̀ŋò ndùw sùghò a bàâ wə̄n, bòʼ ghe zuūwkɛlɛ dzə̀ è wə̄n.

Dzɔ̌n 10:4 Iomraidhean Croise

Matìo 16:24

Yɛso n daŋso dzɛ̀ â Tsə̀təndə̄ghā tə wə̄n to enyəa, “Abugho ghùw so e bwîi â bàâ mùghò, ù n ni tsùghù enyəa e yo dzə̂ fəgha kə̀ li ko, ù m boo tsughu evʉ, ù n nùghù wô a bàâ mùghò.

Dzɔ̌n 10:16

Ŋ̀ ki nû ndzì tə̀ li to mo tə yo dzə aŋ saʼ kən. Ŋ̀ ki alenìi təmā dzəə̄ŋ wo ghee, ghe e zuuw â mùghò. Ndzì tə te tə e lo alo kəsāʼ kə mɔ̀ʼ, ki sugho bàʼàtə̀ndzì u mɔ̀ʼ.

Dzɔ̌n 10:27

Ndzì taŋa tə zuūwkɛlɛ dzə̀ zaŋa, yìa M̀ kwo ghee, ghee yia bwîi a bàâ mùghò.

Dzɔ̌n 10:3

À lo â wə̄n ghùw ù chìnlo tsʉā fuū u ughɔ̄ŋ wo; ù tɔɔŋ tsughu ndzì tə wə̄n alo zən, tə n zuwkɛlɛ wò dzə̀ è wə̄n, ù n daŋso bâ sə̀ wò ghee.

Dzɔ̌n 10:5

Ndzì tə te tə yo dzə̂ to tə e səā təŋò ndûw a bàâ ghùw nughùnùghù, tə n tiin nùghù è tsughu, bòʼ tə sô zuūwkɛlɛ yo dzə̀ è ghùw nughùnùghù ù te.”

Dzɔ̌n 10:8

Ghî ghəla ghe fə̀ bughò sə ko a zəŋò, ghî ghəla ghe fə̀ foʼsò twən wo enyəa ghe lɛnlo â dzì tò, kùm lò ghîtsɔŋ gho ghe yia bvʉ̂a sughò dziī to, ndzì tə̀ ŋ kè kuūwn zuūw dzə̂ â ghee.

Dzɔ̌n 12:26

Ghùw wəla ù lighāa alefwaʼā â mùghò ki alebwiī ghàʼ à wə̄n kə ghuw kə̀ mɔ̀ʼ, bòʼ enyəa luʼū kəlāa Ǹ lo a te, ghî a kəfwàʼ ghaŋa ghə n lo sugho fughu èzə̀. A bugho ghuw fwàʼa â mùghò, Tsele waŋa n namso ghùw ù te.

Dzɔ̌n 13:15

Nu fwàʼ kə̀là M̀ fwâʼ tsughu â ghɛ̀ lǒ tsə̌a am fəgha kəla ghɛ̀ ki alefwaʼā ghè kò.

Dzɔ̌n 18:37

Paelɛ̀t m bvʉ â wə̄n enyəa, “À fi lo enyəa ghù lo kədə̀ŋ à?” Yɛso m bɛ̀lɛ̀ ndùw wə̄n enyəa, “Ghù dzɛ̀ enyəa Ǹ lo kədə̀ŋ; ghe mò dzə mugho tò kədə̀ŋ. Soo kə eghəa kəla mùghò mò bughò fɛ a te am mbī mò lo alebùghò kə̂a èsəŋò. Ghùw wəla ù ləghaa səŋò e te zo zuuw â mùghò.”

Dzɔ̌n 3:29

Ghùw wəla ù nǐi wìzən lò nùuwìzən; fən ù nùuwìzən wəla ù ti, zhəən ndùw shwaʼ u nùuwìzən vʉ̀, ù ŋ ŋgěe duʼnlo abugho ù zuūw aŋghəa nùuwìzən ù te kə̂aa ghəa gho a te; À lò sugho êzə̀ Ǹ duʼnlō êzə̄ŋ.

1 Kòlentìan 11:1

Nǐ nlò ghuw kə ebwìi kaŋa ko tò aŋghəa Ǹ nî sughò kə Kə̀lestò kò.

Efɛsùs 5:1

E fi lo enyəa ghɛ̀ koʼ ni ghəa a Kəzə̀ ghò bòʼ enyəa ghɛ̀ lo wɛ a wə̄n a fə̂ŋ ghò.

Hibùlù 12:2

Bùghò nlò sɛ̀ bɔɔ̄m naŋa ndûw kô sə e sɛ̀ a zəŋò Yɛso, à lǒ wə̄n ù fə̀ ghəŋlo enyəa sɛ̀ boō fughu â Zə̀ kò, vʉ̀a ù yòso enyəa boo e sɛ̀ zə̀ è tughuu. Ù ŋ kɔlɔ tsughu ko fə̀ŋ alekpuw alo kədàŋlo. Ù ka fə də̂nsò dzə̀ tuw ko aŋ ghəa a te gho, bòʼ ù fə̀ kwo duʼn kəla kə lo â sə ko, vʉ̀a ù gaʼ doʼò tsughu aŋ dàŋ è wə̄n aŋ kwe u Kəzə̀ ù təma wo alo kəwālā.

Hibùlù 6:20

Yɛso mafə chwɛ dzì aŋghəa ù fə̀ nyə nduw fughu an tuw u sɛ̀, ghe n tsuʼ naŋa kɔʼ wə̄n tò tuw kə fɔ̀e an nə̀gha tən tə̀ dzə̀m tǒ Mɛ̀chisɛdɛ̀k.

1 Pità 2:21

Kən lò fəgha kəla ghe fə̀ tɔŋɔ ghɛ a te, tɔɔŋ fala zəla Kə̀lestò fə̀ fala bòʼ ghɛ̀. Fala zəla ù fə̀ fala ghè zo n zoʼn tsughu ghɛ alefwaʼā tǒ wə̄n, enyəa ghɛ̀ e bɔɔm bwiī an dzə̀ tə wə̄n.

1 Pità 4:1

Aŋghəa e lô enyəa Kə̀lestò fə̀ fala aŋ gwə̀n e ughùe, kele tsùghù sùghò nlò moʼnlò e wə̄n e te zo; tɔŋlo enyəa abugho ghùw zuw tsughu fɔɔn zo aŋ gwə̀n e ughùe, ù ŋ kôom ki yo moʼn zo aleghəŋlo ebo.

1 Pità 5:3

Kà nlò è baŋso sə gho a zəŋò ghî ghəla ghe fughu naŋā enyəa ghɛ̀ è lɛnlo. E laam lo aledeē mwam e dzûŋ zəla ghe lo alekòʼò nî.