Dzɔ̌n 10:3 - To kə Kəzə̀ kə̀ Fughu ko

³ À lo â wə̄n ghùw ù chìnlo tsʉā fuū u ughɔ̄ŋ wo; ù tɔɔŋ tsughu ndzì tə wə̄n alo zən, tə n zuwkɛlɛ wò dzə̀ è wə̄n, ù n daŋso bâ sə̀ wò ghee.

Dzɔ̌n 10:3 Iomraidhean Croise

Dzɔ̌n 10:14

Ǹ lo bàʼàtə̀ndzì ù dzùŋ, Ŋ̀ kwo nû ndzì taŋa to, ndzì taŋa tia tə kwo sughò mugho.

Dzɔ̌n 10:16

Ŋ̀ ki nû ndzì tə̀ li to mo tə yo dzə aŋ saʼ kən. Ŋ̀ ki alenìi təmā dzəə̄ŋ wo ghee, ghe e zuuw â mùghò. Ndzì tə te tə e lo alo kəsāʼ kə mɔ̀ʼ, ki sugho bàʼàtə̀ndzì u mɔ̀ʼ.

Dzɔ̌n 10:4

A m bùghò ù nì sə wo ghee êzə̀, ù n tee ndzə̀a â sə ko an dzì è sòʼo; ndzì tə m bɔɔm sə̀ tə̀ŋò ndùw sùghò a bàâ wə̄n, bòʼ ghe zuūwkɛlɛ dzə̀ è wə̄n.

Dzɔ̌n 10:9

Ǹ lo fuū u ughɔ̄ŋ, abugho à lò ko ndughoo ù tsə̀ghà nyə dzə a zəŋò mùghò, lo zəa nù tuw ko; ù e ke doō tsəghāa nyəa, tsə̀ghà sə̌a, kele sùghò fʉ̀ghà zəa u wə̄n.

Dzɔ̌n 6:37

Ghî ghə̀n a dzə̀m Tsele ù te fughu â mùghò, lo bùghòo a vʉ̀a mùghò, ghùw wəla ù tso məghàa doʼò wô dzə ghàʼ à wə̄n, Ŋ̀ kê wə̄n dzûm nùghù yò;

Dzɔ̌n 6:45

Ghe tɔm naŋa am Mwàʼsò u ghǐisʉghà a Kəzə̀ enyəa, ‘À lô ghee zoʼn Kə̀zə̀ alo aghəa.’ Ghùw wəla ù zuw shwaʼ u Tsele ù te wo, vʉ̀a zoʼ kele sughò ghəa gho aŋ ghùu Tsele ù te bughòo a vʉ̀a mùghò.

Lumà 8:30

Zə e lô sugho enyəa, ghî ghəla Zə̀ kə̀ lo mo kə m bàʼ nàŋa sə̀ wò bâ kə̀ mɔ̀ʼ, à lò ghəla kə fə̀ tɔŋɔ̄ enyəa ghe e lo ghî a wə̄n gho. Ghe a te ghəla kə fə̀ tɔŋɔ̄, kə ŋ ghəŋlo, ghe yia doʼò tsəghatsəgha a vʉ̀a wə̄n, chia kə ghəŋlo enyəa ghe kele sughò kɔʼso məla kə ki.

1 Kòlentìan 16:9

Ghəa ghî à kətūw ghaŋā a bûʼ lô ko fɛ ndə̀m, ghəa a lo dzɔ nû fɛ an dziī zəla ghùw lò alemūʼn fwaʼà dzɔ̂ɔ tsughu fwàʼ kə səŋò kò a te.

Fèlepìan 4:3

Yia a bughò ghû fən waŋa wəla ghàʼ à ghù zumso fwâ kɔʼ wo, yoso yîzən ghən tɔŋlo enyəa ghe maā ŋge fwàʼ ghàʼ à ghee alezùghò làbəlà è Kə̀zə̀, ghèe ghê Kə̀lɛmɛ̀n àsùghò ghî à li ghəla ghàʼ à ghee mò dzeŋe fwaʼā a dzə̀m. Ghəla zŋ a ghee alo am mwàʼsò kə Kəzə̀.

Kòloshìan 4:3

Ghɛ̀ è gɔɔ̄ŋ tsughu sugho an tuw waʼā, enyəa Zə̀ kə̀ tsʉā dêe wô ghàʼ â dzì è te alenàʼà shwaʼ u wə̄n â ghì ghò, enyəa ghàʼ e lo aledzàa nduw ghee â fəgha kəla kə fə̀ nân doʼō aŋ ghəa a te gho kùu ndùw Kə̀lestò, bòʼ enyəa kən lò soo kə eghəa kə te ko ghe kwu fê naŋā ghàʼ fɛ̄ a te an ndughu è tsāʼ.

2 Timotì 2:19

Bəghàan kəla à kuūwn kuʼ kɔʼ Zə̀ kò, fəgha kə̀ li kə yo alenòʼsò, ghe yia tɔm naŋā a te enyəa, “Zə̀ kə̀ kwo nû ghî ghə̀là ghe lo a wə̄n gho.” Àsùghò enyəa, “Abugho à lò ko ndughoo ù kwo dzə̂ enyəa e lo wɛ ù Mughu ù te, ù ki aletiī zəghàa maʼà ghəa à biigh gho.”

1 Pità 1:12

Zə̀ kə̀ mafə dê zìi wò â ghiīshʉ̀ghà a wə̄n ghən gho enyəa ghe ki yo namso kə̀ li ko am fwàʼ kə ghee, enyəa à namso kə laam ki ghɛ. E lo sugho tò aŋghəa ghiīshʉ̀ghà a Kəzə̀ ghən fə̀ dzɛ̂ naŋā wô ghəa ghə̀la ghɛ̀ zuūw êzə̄ŋ aŋ ghùu ghì ghəla ghe naʼn wo làbəlà è dzùŋ zən â ghɛ̀ an daʼa kə Zuʼ tə̀ Zɔlɔ təla Zə̀ kə̀ tum tsughu wô alo kəwālā; mò à lò aghəa tsə̀təndə̄ghā tə Kəzə̀ tə̀ dəma alebùghò zuūwkɛlɛ tsughu.

1 Dzɔ̌n 4:6

Sɛ̀ lo ghî a Kəzə̀ ghò. Ghùw wəla ù kwo Zə̀ kò zûuw fəgha kə̀là sɛ̀ dzâa. Ghùw wəla ù kuūwn kwo yo Zə̀ kò, zuuw yo â sɛ̀. Zən lô dzì zəla a lô alekele nəŋo nəŋ e Zuʼ təla tə lo tə̀ êsəŋò tò àsùghò təla tə lô tə agha to.

3 Dzɔ̌n 1:14

M̀ moʼn nù alekùʼn bughò bwîin kôʼ ghù, tò ghàʼ à ghù lo kə̂aa dzəə̄ŋ ndûw aghəa.

Edêe Fughu 20:15

Ghùw wəla ghe mò kəŋo kêe tsughuu zən e wə̄n zo am mwàʼsò kə emùghù, ghe m màʼà nyə̀ ndùw wən am fɛ̀ɛn kə uwə̀n kə te ko.

Edêe Fughu 3:20

Mùghò wəlà Ǹ ti a fǔundughu, tsʉʉn kə̀bàʼ, ghùw wəla ù zuw dzə̀ zaŋa, vʉ̀a ù tsʉ̀ tsughu bâʼ kò, Ǹ sô nyəā ndûw ghàʼ à wə̄n zəā dzəŋlo.

Edêe Fughu 7:17

tɔŋlo enyəa Tsʉ u Ndzì u te wəla u lo an ndàŋ è kə̀də̀ŋ è te kê lǒ bàʼàtə̀ndzì ù ghee. Ù lo nìi ndùw ghee an sə e dzughù zəla e ki mùghù mə̀là ŋ ghəŋlo enyəa ghùw è lo â tuw ko. Zə̀ kə̀ lo zêe maʼà tsughu sə̀ mə̀ èdì n dzə̀m aŋ tuw kə ghee.”