Dzɔ̌n 1:51 - To kə Kəzə̀ kə̀ Fughu ko

⁵¹ Yɛso ŋ kòom dzɛ̀ ndùw â wə̄n enyəa, “Kùmkùm, Ǹ dzâa wô â ghɛ̀ enyəa, ghɛ̀ lo kòʼò kəwālā kə tsʉ dòʼo, àsùghò tsə̀təndə̄ghā tə Kəzə̀ tò tə tsughuu kɔʼɔ̄ an làŋ kə Wɛ ù Ghùw.”

Dzɔ̌n 1:51 Iomraidhean Croise

Matìo 25:31

“Abugho Wɛ ù Ghùw kè bugho â dwaʼa wəla ù ki tò Kədə̀ŋ ghèe ghê tsə̀təndə̄ghā tə Kəzə̀ to tə dzə̀m, ù lo kɔʼɔ̄ nyaʼā kɔʼ an ndàŋ è kə̀də̀ŋ è wə̄n.

Matìo 26:24

Wɛ̀ ù Ghùw fɛ bɔɔm nùghùun ndùw aŋghəa ghe tɔm naŋā an tuw kə wə̄n. Tsû ù ne lo â ghùw wəla ù kuūwn feē fughu Wɛ̀ ù Ghùw! Dzɔ̀ mò so e lo â ghùw ù tè abugho ghe mò tâʼkè dzə wə̄n.”

Matìo 3:16

Ghəa ghe fughu tsughu Yɛso â mùghù ŋ Kə̀zə̀ mò êzə̀, ù mo e daŋso səa kɔʼɔ wò an dzughù, wala kə n nùghù tsʉ̀ è tsughu, ù ŋ kòʼ Zuʼ tə Kəzə̀ tə̀ zəgha tsughu wô aŋ ghùe wə ebùŋu, tsùghù bùghò mǎa tsughu an tuw kə wə̄n.

Matìo 4:11

Vʉatsə̄a yi ghə n daŋso zə̀ghà tsùghu wə̄n, tsə̀ndə̄ghā è Kə̀zə̀ m bùghò yòsò kɔʼ wə̄n.

Matìo 8:20

Yɛso n daŋso dzɛ̀ â wən enyəa, “Kəŋo ŋ ki ubwûʼ, nwə̀n mìa ŋ ki ndughu to, Wɛ ù Ghùw bùʼ ki yo luʼū kəla ù lò alegaʼā tsughu kô kə̀tuw a te.”

Matìo 9:6

Ŋ̀ ghəəŋ tsughuu nù, ghɛ̀ kele tsughu enyəa Wɛ̀ ù Ghùw ki nû daʼa ko aleghuūw maʼn bôo tə aghì to am mbī.” Ù n daŋso nùghù dzɛ̀ tsùghù â ghùw ù kəkə̀ŋlò vʉ enyəa, “Nùghu nǐ kɔʼ mbùŋ kə̀a kò, ghù nduw alô ghù.”

Mâk 1:10

Aŋghəa ù bɔɔ̄m səā kɔʼɔ̄ wô ènyə fughu an dzughù, ù n daŋso kòʼ wala kə nughù tsʉ tsughu, Zuʼ tə te tə n səā tsughuu wò an tuw kə wə̄n tò embuŋū.

Mâk 14:62

Yɛso n daŋso nùghù dzɛ̀ sə̀ wò enyəa, “À lò mugho; ghɛ̀ lo nāam kòʼò Wɛ̀ ù Ghùw ù te ù dòʼ aŋ kwē ù təma u ghùw wəla ù ki Dwaʼa wo, mò vʉ̀a ù bùghǒo am mbàʼ.”

Lûk 2:13

Ghe mo e koʼò ko mò tsə̀təndə̄ghā tə Kəwālā tə m gbə̀n sə̀ wò ndə̀m, təm dzəəŋ wò è sûesʉ zə̀, ghe n zoo àghəa, fughuu ùnyoʼ â Zə̀ kò, dzàa tsùghuu enyəa,

Lûk 2:9

Tsə̀ndə̄ghā è Kə̀zə̀ m gbə̀n sə̀ wò fughu an sə kə ghee, daʼa kə Kəzə̀ kə̀ n nùghù mwɛ̀ è tsughu, bàŋ tsùghu tò uwən a zəŋò ghee. Ghe n tɛ̀ è tsəŋ.

Lûk 22:43

[Tsə̀ndə̄ghā è Kə̀zə̀ m gbə̀n sə wò fughu a vʉ̀a wə̄n, dzə̀n tsughu wə̄n â sə̀ŋ zò.

Lûk 22:69

Alekuūwn nîi nughù tsughu êzə̄ŋ, ghe sô Wɛ ù Ghùw doʼsò nǎaŋ tsughuu aŋ kwe ù təma u Zə̀ Kə̀ Ghaʼa Kən Kə̀ Dzə̀m.”

Lûk 24:4

A m bùghò tuw kə sô naām kpuūw ghee aŋ ghə̀a ghə̀ è ghə̀n, ghe m fìi kɔ̀ʼ ayînû a bəghà, an ndzʉ̄ tə̀ nyəghaan to ghe ti a vʉ̀a ghee.

Lûk 3:21

A m bùghò Dzɔ̌n fughu mɛʼɛ̀ tsughu ghî ghò â mùghù ŋ Kə̀zə̀ mo, ù n daŋso fùghù tsùghù sùghò Yɛso â mùghù ŋ Kə̀zə̀ mò. Aŋghəa Yɛsò so gɔ̂ŋlo, wala kə n tsʉ̀ è tsughu.

Dzɔ̌n 1:50

Yɛso n dzɛ̀ â wə̄n enyəa, “To ghù êzəŋ fi boo tsughu bòʼ Ǹ dzɛ̂ wô enyəa M̀ mô kòʼ ghù a tsəla kâʼ fə fîʼ a? Ghù lo naam kòʼò àghəa mo ghə n tsə̀ghàsə̀ ghən.”

Dzɔ̌n 10:1

Tsuʼ fə̀ lio fo, Yɛso n tsʉ̀a àghì, ù ŋ kwə̀əŋ n dzɛ̀ â ghee enyəa, “Kùmkùm, M̀ fɛ kùu dzàa wò nù â ghɛ̀, ghùw wəla ù tsɔŋ baam nyə an ghɔŋ u təndzì, mô ù ka nyə a fǔu u ughɔ̄ŋ, ù lô ghùwtsɔ̀ŋɔ.

Dzɔ̌n 10:7

Yɛso fi kôom tèso ndùw nù tuŋlō u ghee wo enyəa, “M̀ fɛ kuu dzàa wò nù â ghɛ̀, à lò mugho fuū u ughɔ̄ŋ u təndzì wò.

Dzɔ̌n 13:16

M̀ fɛ kùum dzàa wò nù â ghɛ̀, kɔ̂ɔ fə̀ li fə̀ tsəghàsə̌a yo mughùbè ù wə̄n, ŋkāa tum yo aletsə̀ghàasə ghùw wəla ù tum wə̄n.

Dzɔ̌n 13:38

Yɛso m bvʉ â wə̄n enyəa, “Ghù kùm lò nû alekpuūw fughu vʉ zaŋa? Kòʼo, M̀ fɛ kuūw dzàa nû â ghù, nùu mbvʉ sô gbə̀la tɔŋɔ mò ghù m mùghò tue màʼà tə nəgha tə təgha.”

Dzɔ̌n 14:12

M̀ fɛ kùum dzàa wò nù â ghɛ̀, ghùw wəla ù boo fughu â mùghò, ù lo fwàʼà sùghò nǔ fwàʼ kə̀là M̀ fwaʼā ghè kò, ù bùʼù fwaʼà tsəgha sə bòʼ enyəa M̀ fɛ ndùuw â vʉ̀a bə̀ghà.

Dzɔ̌n 16:20

Kùmkùm, M̀ fɛ dzàa wò nù â ghɛ̀, ghɛ̀ lo e dinlō, kuu nsə, ghî a mbī a e ke kuuwn duʼnlo, ghɛ̀ è ke kuuwn mʉŋe, lò êzə̀ mò mʉŋe zɛʼɛ e lo kôom fə̀là doʼò wô eduʼnlo.

Dzɔ̌n 16:23

Abugho nəgha e te lo bugho, ghɛ̀ kê kòom bvʉ̂a yo mugho â ghəa è li zo. M̀ fɛ kùum dzàa wò nù â ghɛ̀, abugho ghɛ̀ lo bvʉ ko kwò kò â Tsele ù te an zən zaŋā, Ù lo fughuu nù.

Dzɔ̌n 21:18

Kùmkùm, Ǹ dzâ wô â ghɛ̀ enyəa, ghəa ghù mò naām lo wɛ̂ɛtùghu, ghù n dzə̂ən ndzʉ təghà ghù â nəŋ ko; ndùuw luʼū təla ghù ləghaa alendùw; à kuuwn lò ko enyəa abugho ghù lo dwə̂n tsughu, ghù lo e nəghaan səa nduw kwe zo, ghùw ù nùghù ù lì n dzə̀là fughu tsughu ndzʉ təghà, mbuŋ kɔʼ ghû, nì ndùw ghù an lùʼù kəla ghù mò buʼù ləghaa yo alendùw.

Dzɔ̌n 3:3

Yɛso mo e bɛlɛ̀ nù, dzɛ̀ â wə̄n enyəa, “Kùmkùm, Ǹ so Ǹ dzâa wô â ghù enyəa, ghùw yò alekòʼ fɔ̀e ù Kəzə̀ mo ghe kâ wə̄n kôom dzə̀ kuènlò.”

Dzɔ̌n 3:5

Yɛso m bɛ̀lɛ̀ tsùghù enyəa, “Kùmkùm, Ǹ dzâa wò à ghù enyəa, à gɔ̀ʼɔ̀ ko mo ghe ŋ wə̄n â mùghù ŋ Kə̀zə̀ m fughu, Zuʼ tə̀ Zɔlɔ tia tə lo mo tə wə̄n nyəə̄n sùghò a zəŋo ughùe, ù yò alenyə am fɔ̀e ù Kəzə̀.

Dzɔ̌n 5:19

Yɛso n dzɛ̀ â ghee enyəa, “Kùmkùm, ghəa Ǹ dzâa wô fɛ â ghɛ̀, Wɛ yo aleghə̂əŋ ghəa è li zo an daʼa kə wə̄n, mò à bɔ̌ɔm yò ko fəgha kə̀là ù kòʼ ni aŋ wo ghùu Tsele; tɔŋlo enyəa, fəgha kə̀là Tsele ghəə̄ŋ tsughu, Wɛ m bɔɔm ghəəŋ tsùghù sùghò ghè kò.

Dzɔ̌n 5:27

vʉ̀a ù fughu tsughu sugho wə̄n â daʼa ko aletsaʼā ghî ghò, bòʼ ù lǒ Wɛ ù Ghùw.

Dzɔ̌n 6:26

Yɛso m bɛ̀lɛ̀ tsùghu ghee enyəa, “Kùmkùm, aŋghəa Ǹ dzâa səā wo â ghɛ̀, ghɛ̀ mugho kəŋo kaaŋ dzə̀ yò bòʼ sə̀ghàa mə̀là ghɛ̀ mò koʼ, à lǒ bòʼ gbɛ wəla ghɛ̀ mò zə kūw tsughu.

Dzɔ̌n 6:32

Yɛso n daŋso dzɛ̀ â ghee enyəa, “Kùmkùm, Ǹ so n dzâa wô â ghɛ̀ enyəa, a ka fə fughu dzə̀ Musî ghee â bɛ kəla kə sə tsughuu wô alo kəwālā, à lǎam lò Bəghà ù fughuu ghee â bɛ kəla kə kûum tsughu wô alo kəwālā.

Dzɔ̌n 6:47

Kùmkùm, Ǹ dzâa wò â ghɛ̀ enyəa, ghùw wəla ù boō tsughu dzə̄, ù kì mughù è doʼn təla zo.

Dzɔ̌n 6:53

Yɛso fi dzɛ̂ nù â ghee enyəa, “Zə e lo ko aŋghəa Ŋ̀ kûum dzàa wô â ghɛ̀ enyəa, à gɔ̀ʼɔ̀ ko mò ghɛ̀ pfʉ nyòm è ùghùe è Wɛ̀ ù Ghùw, mʉ̀ sùghò kàŋ tə wə̄n, ghɛ̀ kì yo mughù è doʼn təla zo a zəŋò ghɛ̀.

Dzɔ̌n 8:34

Alebɛ̀lɛ̀ ndùw ghee, Yɛso n dzɛ̀ â ghee enyəa, “Kùmkùm, ghùw wəla ù ghəəŋ bo zo lo kəkɔ̂ â bo zo.

Dzɔ̌n 8:51

Kùmkùm, Ǹ dzâa wô â ghɛ̀, ghùw wəla ù zuw nî shwaʼ waŋa wo kè kpùw yo.”

Dzɔ̌n 8:58

Yɛso n dzɛ̀ â a ghee enyəa, “Alekùum nîi tsughu aŋghəa Ǹ dzâa wô â ghɛ̀, to ghe e bughò dzə Abə̀làhâm, à fə̀ lo mò Ǹ lo nû.”

Kə̀fwàʼ 10:11

Ù ŋ kòʼ ndùw wala kə nughù tsʉ tsughu, fəgha kə̀ li ko tǒ mgbàʼà kə mbà kə kəfəgha kə̀ li ko, kə n səa tsughuu wò mò à sèe tsùghuu wò buw ghə a dzūghū a te gho a chìakò.

Kə̀fwàʼ 7:56

Ù n dzɛ̀ tsùghù enyəa, “Koʼô, Ŋ̀ koʼò ndùw kəwālā kə tsʉ doʼō, Wɛ u Ghùw vʉ̀a ù ti aŋ kwe u Kəzə̀ ù təma wo!”

2 Tɛ̀sàlonìan 1:7

Kə lo fughuu ghɛ̀ ghəla ghɛ̀ fanlō â yòsò zò, àsùghò â ghàʼ. Ghəa ghən kê bəla kə nîi abugho Mughu ù te, Yɛso kè sə tsughuu wo alo kəwālā ghèe ghê tsə̀də̀ndə̄ghā tə Kəzə̀ tə wə̄n tə̀ ghaʼa to.

2 Tɛ̀sàlonìan 1:9

Ghe kê fɔeso ghee, ghe ke e mgbɛɛ zuuw tsəgha ko ŋgōʼ, mbùuŋ kèe alekòʼ Mughu ù te àsùghò səghanyəgha n daʼa kə wə̄n, ghe sò lo mo ghe ŋ ghee bâʼ zə̀ghà sə̀ wò.

1 Timotì 3:16

Ghùw ù li yo aletuū maʼà nàn kə eghəa kəla kə lo aŋ ghəa a Kəzə̀ ghən enyəa, Ù fə̀ a m mbī bugho tǒ ghuw wə̀ nsɔ̌ɔŋnchùw. Zuʼ tə Kəzə̀ tə̀ n dè wò enyəa ù lo tsəghatsəgha, Tsə̀təndə̄ghā tə Kəzə̀ tə̀ ŋ kòʼ wə̄n. Ghî ghə̀ n zoʼn ŋgə̀a wò àghì aŋ ghəa a wə̄n alo tənàʼà tə dzə̀m. Mbī e dzə̀m m boo fùghù ndùw â wə̄n. Ghe n nì nyə̀ kɔ̀ʼ ndùw wə̄n alo kəwala alo n nsəghānyəghā.

Hibùlù 1:14

Tsə̀təndə̄ghā tən tə̀ dzə̀m mgbàŋ yǒ zʉ̀ wəla Zə̀ kə mò tum wo enyəa ghe bughò fwâʼ â ghì ghəla ghe kê zəā tuw ko a?

Dzûd 1:14

À fə̀ lo eghəla aŋghəa Enɔ̀k wəla ù fə̀ ghəə̄ŋ tsughu wɛ a awɛ a awɛ ghə Abə̀làhâm ghǒ sə̀ghàmbəgha fə̀ dzɛ̂ wô sughò shʉghà u Kəzə̀ wò kùu wò ŋgòʼ e ghì ghən gho enyəa, “Kòʼo nlò! Mughu ù te lo bùgho ghèe ghê ndə̀mà tə̀ təkam tə tsə̀təndə̄ghā tə wə̄n tə̀ zɔlɔ to.

Edêe Fughu 19:11

Mùghò mo e kôʼ wala kə n nùghù tsʉ̀ è tsughu, mughò ŋ kòʼ kɔ̀ʼ ndùw kə̀anyòm kə fəma ko. Ghùw wəla ù mò nyaʼ a te ghe tɔŋlo enyəa à lò Ghùw wəla ù naāŋ dzughu e wə̄n zo, lò sugho êsəŋò, ù saʼā saʼ tsəghatsəgha, təma sùghò tsàm tsəghatsəgha.

Edêe Fughu 4:1

A m bùgho kôʼ M̀ mɛʼɛ̀ tsughu ghəa ghən gho, mùghò n lɛɛn kɔ̀ʼ è nduw, kòʼ kpèʼe ndùw ghəa à li gho tò Ŋ̀ koʼò an udzǒo, mughò ŋ kòʼ ndùw fuū u ndughu alo kəwālā mo wə n tsʉ̀ dòʼò! Dzə̀ zəla M̀ mô bûʼ zuw è kə̀aa wô mugho â ghəa gho to mbuwlì lò kuū, n dzɛ̀ â mùghò enyəa, “Sə kɔ̀ʼ wò fɛ, tò Ǹ dêe wô fəgha kəla kə ki alenì kə̀bala abugho ghəa ghən tsəghà tsughu.”