Dzɔ̌n 1:44 - To kə Kəzə̀ kə̀ Fughu ko

⁴⁴ An lo êzə̀ mo Felêb sə sùghò am Bɛ̀dsǎedà tò Pità ghèe Andèle.

Dzɔ̌n 1:44 Iomraidhean Croise

Matìo 10:3

Àsughò Felêp, à Bàtòlòmîa; Tɔ̀mâs, à Matìo tɔɔŋ dzə̀akə̀mwàsòʼ, àsùghò Dzɛ̂ms, wɛ̀ ù Afìus, à Tàtîa;

Matìo 11:21

“Ghî a Kolàzîn ghò, àsùghò ghɛ̀ a ghî a Bɛ̀dsǎedà ghò, ghɛ̀ ke kòʼò mùlùŋ! Tɔŋlo enyəa abugho a mô fwaʼā num tə aghəa tən â ghì a Tâe ghì àsùghò ghì a Sidɔ̀n ghò, to ghe maā ndzʉ tə təmbə̀ghà tə̀ ki ka aledzə̀là, tsòʼnlò utuw an udzə̀m, aledèe tsughu enyəa ghe m fə̀ŋ tə ghee tə ti kuwnlo.

Mâk 3:18

Andùlù n lo mɔ̀ʼ, àsùghò Felêp, àsùghò Bàtòlòmîa, àsùghò Matìo, àsùghò Tɔ̀mâs, àsùghò Dzɛ̂ms wɛ̀ ù Afìus, àsùghò Tàdîos, àsùghò Sǎemòn, ghùw wəla ù fə̀ ŋeē ləghaa naʼ e wə̄n zo,

Mâk 6:45

Yɛso n daŋso lùum dzə̀n kɔ̌ʼ tsə̀təndə̄ghā tə wə̄n alo kəkwə̀n enyəa ghe nughù ndûw am Bɛ̀dsǎedà â sə ko, e kuūwn ghəə̄ŋ tsughu ghî à sɛ̂ɛ tsughu.

Mâk 8:22

Yɛso m bùghò am Bɛ̀dsǎedà ghèe ghê tsə̀təndə̄ghā tə wə̄n to. Ghî à li ghə n nì wò ghùwfǒo ù lì a vʉ̀a Yɛso, bùghò bùʼ kəghu â wə̄n enyəa ù mɔ̀ɔ tsughuu ghùwfǒo vʉ aŋ ghu tò ù tughū kɔʼ.

Lûk 10:13

“Tsû ù ne wo a zəŋò ghɛ̀ a ghî a Kolàzîn ghò, àsùghò â ghɛ̀ a ghî a Bɛ̀dsǎedà ghò; nu sə̀ghà məla ghe fə̀ dêe fɛ â ghɛ̀, bugho a mô deē â ghì a Tâe ghò, àsùghò ghì a Sidɔ̀n ghò, to ghe maā ki ti kuwnlo, ghe e lo an shwàʼ ù təndzʉ̄, muŋe.

Lûk 6:14

Ù fə̀ ni sə wo Sǎemòn wəla ù fə̀ təghàa tsughu zən zo enyəa à lò Pità, à wàazə̀ Pità ù te, Andùlù, ù n nì sə̀ wò Dzɛ̂ms, nì sə̀ wò Dzɔ̌n, nì sə̀ wò Felêp, nì sə̀ wò Batùlùmîa,

Lûk 9:10

Ghəa tum tə Kə̀lestò tə̀ kwən nyə wo ebàm, ghe n taŋso dzɛ̀ kɔ̀ʼ wò ghəa yia ghe mò ghəŋlo â wə̄n. Yɛso n daŋso nì kɔ̌ʼ ghee, nùghù ndùw sàŋe dòʼò ndùw ghèe ghee an nāʼ e Bɛ̀dsǎedà.

Dzɔ̌n 1:43

Tsuʼu tsʉtsʉ vʉ̀, Yɛso m moʼn tsughu enyəa to e mô nughu ndûw aŋ Galèlîi. A m bùghò ù nùghùun nduw, ù ŋ kòʼ tsùghu Felêb, dzɛ̀ â wə̄n enyəa, “Nùghu wò a bâa mùghò.”

Dzɔ̌n 1:45

Felêp n ndùw kòʼ ndùw Natanìɛl, dzɛ̀ â wə̄n enyəa, “Ghàʼ ŋ kə̀ŋ kôʼ ghùw wəla Musî fə̀ tɔm naŋā kùʼù ndùw wə̄n am mwàʼsò kə kəlàŋ asùgho aŋghəa ghiīshʉ̀ghà a Kəzə̀ a fə̀ tɔm naŋā. À lò Yɛso, wɛ ù Dzùghùsî, tɔɔŋ ghùw Nazalɛ̀t.”

Dzɔ̌n 1:46

Natanìɛl m bvʉ a wə̄n enyəa, “Ghəa è dzûŋ è li e mboʼo lò ko nû e lô alesəā wô an Nazalɛ̀t à?” Felêp mô â wə̄n enyəa, “Bùgho kòʼò tsugho an sə ghə̂a.”

Dzɔ̌n 1:48

Natanìɛl m bvʉ a wə̄n enyəa, “Ghù mùghò kele ênzə̂n?” Yɛso m bɛ̀lɛ̀ ndùw wə̄n enyəa, “To Felêb e tɔŋɔ ghù, à lǒ mò M̀ mâa ghù kòʼ zìi fî a ghù mò lô a tsəla kâʼ fə fîʼ.”

Dzɔ̌n 12:21

Ghî ghə e Tòʼò a te ghə m bùghò kòʼ wò ghùw ù Bɛ̀dsǎedà ù lì, ù sə aŋ Galèlîi ghe fə̀ tɔŋlo enyəa à lò Felèp, dzɛ̀ â wə̄n enyəa “Mughùbè, ghàʼ mô lə̀ghaa alekòʼ Yɛso.”

Dzɔ̌n 12:22

Felèp n ndùw nì kɔ̂ʼ Andùlù, ghèe wə̄n n ndùw dzɛ̀ ndùw shwaʼ u te wo â Yɛso.

Dzɔ̌n 6:5

A m bùghò ù nùghùsò kɔʼ tuw kə wə̄n ko, ù ŋ kòʼ ndùw saʼ kə aghì kə səŋō kəə̄ŋ wo a vʉ̀a wə̄n. Yɛso m bvʉ â Felèp enyəa, “A bɛ kə fɛ e zue ghɛ to ghî ghən zə à?”

Dzɔ̌n 6:7

Felêp m bɛ̀lɛ̀ tsughu wə̄n enyəa, “Bɔ̀m n ukʉa n dɛnalì m bə̀ghà bùʼ yò alezue ufʉghàzəa â ghî ghən a dzəm alekele kaāŋ ndûw ko mbəs mbəs.”

Kə̀fwàʼ 1:13

A m bùghò ghe nyə nduw enaʼ, ghe n tsə̀ghà kɔ̀ʼ ndùw an dzughu e ndughu zəla ghe mò mughu a te an ndùghù è kɔ̀ʼɔ daŋso. Ghî ghəla ghe mò lo a fughu mò lo Pità, Dzɔ̌n, Dzɛ̂ms, Andùlù, Felêp ghèe Tɔ̀mâs, Bàtòlòmîa n lo sugho ghèe Matìo, Dzɛ̂ms, wɛ̀ ù Afìus n lo, Sǎemòn Zilɔ̀t n lo sugho, àsùghò Dzudàs, wɛ̀ ù Dzɛ̂ms.