Dzɔ̌n 1:4 - To kə Kəzə̀ kə̀ Fughu ko

⁴ Ù fə̀ ki emughù, mo mughù e te e lo tsə̀ â mbī e dzə̀m.

Dzɔ̌n 1:4 Iomraidhean Croise

Matìo 4:16

tɔɔŋ ghɛ̀ ghəla ghɛ̀ mò naām mughù alo kələ̄m, n tsə̀ è tùghuu kôʼ. Ghɛ̀ ghəla ghɛ̌ fə̀ lo fughu am mbù è te, mò à lə̀mà kɔ̀ʼɔ ko èvʉ fughu, tsuʼ wə n zuw an tuw wɛʼɛ.”

Lûk 2:32

Tsə̀ zəla è dèe Toʼò zò â ghəa gho, fughuu sùghò ŋkɔʼso â ghî ghə Ezə̀lɛ̂ ghò, ghî ghə̀a.”

Dzɔ̌n 11:25

Yɛso n dzɛ̀ â wə̄n enyəa, “À zòo nùghùun wò mùghò ghî ghò alo evʉ̄, fughuu sùghò ghee â mùghò zò. Ghùw wəla ù boō fughu â mùghò, abugho ù bùʼ kpuw ko nû, ù lo kelê mùghù è doʼn təla zo.

Dzɔ̌n 12:35

Yɛso n dzɛ̀ â ghee enyəa, “Tsə̀ è te naam lò kəŋo nduw nu ghɛ̀ à ghee aŋ kə̀mà fə kə̄ghā. À fi lo enyəa e bwiī nlò am tsə̂, e kwo ko nlò ləm kə lô so e kuūwn koom bvʉ̀a a zəŋò ghɛ̀. Ghùw wəla ù bwìi alo kələm kwo yo luʼu kəla ù ndûuw a te.

Dzɔ̌n 12:46

M̀ fɛ am mbī nyə wò tô tsə̀, enyəa mò ghùw bǒo fùghù dzə̀ â mùghò, ù n yò alemùghù doʼò alo kələ̄m.

Dzɔ̌n 14:6

Yɛso n dzɛ̀ ndùw â wə̄n enyəa, “Ǹ lo dzì, yìa Ǹ lô səŋò zò àsùghò mùghù zò. Ghùw yo alebùghò tɛ̂ alô Bə̀ghà mò ù kà tsə̀ghà a zəŋò mùghò.

Dzɔ̌n 3:19

Sa zə eghəa zəla Zə̀ kə̀ saʼā ghî ghò a te lo enyəa, tsə̀ tùghù nyəa wò am mbī, ghî yia kuūwn ləghaa ləm ko tsə̀ghàtàʼà tsə̀, ghəa a ghee à ghəəŋ gho a sô lô ghəa à biigh gho.

Dzɔ̌n 5:21

Aŋghəa Tsele bɔɔ̄m zôo nughùun kɔʼɔ̄ ghî à kpuuwn gho alo evʉ̄, naaŋ wò ghee â tuw ko, wɛ bɔɔm fughuu sùghò êzə̀ mughù zò â ghì ghə̀là ù tsə̀m tsughu.

Dzɔ̌n 5:26

Nu ghəa Tsele ù te bɔɔ̄m ki mughùu zò a zəŋò wə̄n, vʉ̀a ù m boo sùghò enyəa Wɛ̀ kele tsughuu sughò èmùghùu a zəŋò wə̄n,

Dzɔ̌n 8:12

Yɛso ŋ kə̀a kpèʼe ndùw àghəa â ghee enyəa, “Ǹ lo kəkɛ̀ʼɛ̀ â mbī. Ghùw wəla u nì ghuw kaŋā ko kê yò alebwiī alo kələ̄m. Ù lo kuuwn ki tsə̀ am mùghù e wə̄n.”

Dzɔ̌n 9:5

Tò aŋghəa Ǹ naām lô fɛ am mbī, Ǹ lo tsə â mbī.”

Kə̀fwàʼ 26:23

Ghe fə̀ dzâa enyəa, ‘Kə̀lestò ki aletèlè bughò kpuūw tsughuu dzə̂, ù dòʼò tsughu ghùw sʉ̂sʉ alekɔʼɔ̄sə̄ alo evʉ̄, alebùghò tsʉ sə a aghì àsùghò a tətòʼò ghò.’ ”

1 Kòlentìan 15:45

Zən lò e ghee ghe tɔm tsughu enyəa, “Ghùw ù sûesʉ, Adàm, m bùghò dòʼò wò ghùw wəlà ù mùghu am mbī.” Adàm wə̀ ebàm wən bùghò dòʼò wò Zuʼ tə Kəzə̀ təla tə fughuu mughù zò.

Efɛsùs 5:14

Zə̀ lò e ghee ghe dzâa tsughuu enyəa, “Hɛɛ mugho fə̀ŋo tə̀mgbii, zôo nùghu kɔʼ alo evʉ̄, ghù tee kɔʼ alò fwē, tò Kə̀lestò lo ghəŋlo tsə̀ e wən e tughuu a zɔŋɔ ghù.”

Kòloshìan 3:4

Abugho Kə̀lestò wəla ù ki mughù e sɛ̀ zò lo kôom dê sə wo ghue u wə̄n wo ebàm, ghɛ̀ a ghee e ke dzeŋe lò ko a dzə̀m an səghanyəgha wə̄n.

1 Dzɔ̌n 1:1

Ghàʼ ghəa ghən fɛ tɔɔ wò â ghɛ̀ kùu ndùw Shwaʼ u Kəzə̀ wəla u fughu mughù zò. Shwaʼ wən u fə̀ lo nû to mbī e tsoō bùghò zîi tsughu. Ghàʼ mafə̄ wə̄n kôʼ, zùw sùghò shwaʼ u wə̄n, bùʼ mɔ̀m ndùw sùghò wə̄n aŋ ghu ghaʼā.

1 Dzɔ̌n 1:2

Ghəa ghəla Shwaʼ wəla u fughu mughù zò fə̀ sə wo am mbī, ghàʼ mo è koʼ. A fɛ kə̀aa wò â ghɛ̀ kùu ndùw Shwaʼ u te wəla ù fughu mughù è doʼn təla zo, wəla u fə̀ lo ghèe Tsele, bòʼ enyəa u mafə bughò dè ghue u wə̄n wo â ghàʼ.

1 Dzɔ̌n 5:11

Wən lò shwaʼ u te wo, enyəa Zə kə̀ mafə fughu sɛ̀ â mùghù è doʼn təla zo. Mughù e te zəa e lô zəla Wɛ ù wə̄n fughuu â ghì ghò.

Edêe Fughu 22:1

Tsə̀ndə̄ghā e Kə̀zə̀ n daŋso dè wò mughò â dzùghù e kuŋu səa wo an ndàŋ è kə̀də̀ŋ è Kə̀zə̀ zə̀ àsùghò a zə̀ŋo Tsʉa u Ndzì u te wo, dzùghuu e te ŋ ki mùghù məla m fughu mughù zò, mò n zɔlɔ nyəghanlo tò eshiaghɔŋlo.

Edêe Fughu 22:16

“Mùghò Yɛso, mùghò n tsə̀ndə̄ghā e Kəzə̀ zaŋa tum wo a vʉ̀a ghù â shwaʼ waŋa wo alenàʼà ndûw an dzweŋe u ghì a Kəzə̀ wò. Ǹ sə e an tiigh kə Dɛvìd, yìa Ǹ lo sə̀ghàbəlà fə gbəlàgbə̀là fə̀ nyəghaan fo.”