Dzɔ̌n 1:16 - To kə Kəzə̀ kə̀ Fughu ko

¹⁶ Ù bùghùso sɛ̀ bughuso kwènlò bòʼ ləgha è ne zəla ù ki a zəŋò sɛ̀.

Dzɔ̌n 1:16 Iomraidhean Croise

Matìo 13:12

Tɔŋlo enyəa ghùw wəla ù ki kə wən ko, Zə̀ kə̀ lo fughuu kpeʼe wə̄n ù lo kele tsəghàsò tsughu; wəlà ù kuūwn laʼā, mbeʼe fən ù bùʼ ki, Zə̀ kə̀ lo nìi nùghùun nù.

Matìo 3:11

Ŋ̀ ghɛ fɛ fughuu â mùghù ŋ Kə̀zə̀ mò aledèe tsughu enyəa ghɛ̀ n tì màʼà ghəa ghɛʼɛ à biigh gho. Ghùw wəla ù lo kuūwn bughōo a bàâ mùghò m mùghò tsəghà sə; Ŋ̀ kâ bùʼ kɔʼ kpè alebòʼò gùw tə wə̄n, ù lô ghɛ̀ à mùghù ŋ Kə̀zə̀ ŋ kuuwn fughuu an Zuʼ tə Kəzə̀ àsùghò wə̀n mò a te.

Matìo 3:14

Dzɔ̌n m fəma kèe aletūe, ù m bvʉ â Yɛso enyəa, “Ghù sò bùghò ênzə̂n enyəa M̀ fughuu wô ghù â mùghù ŋ Kə̀zə̀ mò a, mò à kì ghû alelaām fughu mugho â mùghù ŋ Kə̀zə̀ mò a?”

Lûk 21:15

nu Ǹ lo fughuu nù ghɛ â tɔ zo, à nom kə̀là ghùw ù kə̀tuw wɛʼɛ u mɔ̀ʼ kè dɔ̂ɔm yô alekōmsō ghɛ̀.

Dzɔ̌n 3:34

Tɔŋlo enyəa ghùw wəla Zə̀ kə̀ tum wo, ù kə̀aa sə̌a wò shwaʼ u Kəzə̀; nu Zə̀ kə kâ wə̄n â Zuʼ tə te fughu mò Kə fòʼ kɔ̀ʼ nû.

Lumà 5:17

E kûm lò êsəŋò enyəa vʉ e fə̀ am mbī nyə wo bòʼ bo zəla ghùw mɔ̀ʼ fə̀ ghəə̄ŋ tsughu tɔɔŋ Adàm. Zəa e kuuwn ŋgee zɔlɔ enyəa fəgha kəla ghùw ù mɔ̀ʼ wən tɔɔŋ Yɛso Kə̀lestò fə̀ bughò fwâʼ tsughu ŋ ghəŋlo enyəa ghî ghən a dzə̀m ghe lo mo ghe ŋ kòʼ dzɔ̂ e Kəzə̀ è nêe ne zo, Zə̀ chia namso sugho ghee enyəa ghe e lo sugho tsəghatsəgha an sə kə wə̄n lo ki nû daʼa ko alemughu am bàm e Kə̀lestò.

Lumà 5:2

À lò fə̀ŋ zəla sɛ̀ gaʼ tsughu a zəŋò Kə̀lestò è ghəŋlo enyəa a kelê dzɔ̂ e Kəzə̀ zən, zəla a mughu êzəŋ a te, yia a duʼnlo, chìi tùʼ enyəa a lo dòʼn nù an nsəghānyəghā ŋ Kəzə̀ məla n lo à sə̌ ko.

Lumà 5:20

Ghəa lâŋ kə bugho am mbī, bo zə n kôom fəghan dùw e tsughu. A m bùgho bo ŋge dûw tsughu am mbī, dzɔ̂ e Kəzə̀ zə ŋ kuuwn tsə̀ghàsə̀ è tsughu.

Lumà 8:9

E kuuwn lò ko enyəa ghɛ̀ ka fə fə̂ŋ tɛʼɛ tə naŋa dzə̀ am fʉgha wəla gwən e ughùe zɛʼɛ e ləghaa; ghɛ̀ laam naŋa fə̀ŋ tɛʼɛ to am fʉgha wəla Zuʼ tə Zɔlɔ tə ləghaa, abugho e kûm lò dzə̂ enyəa daʼa kə te kə lo nû a zəŋò ghɛ̀. Ghùw wəla ù ki yo Zuʼ tə̀ Zɔlɔ təla tə nughu wo aŋ ghùu Kə̀lestò fi yo dzə̄ ghùw ù Kə̀lestò.

Efɛsùs 1:23

Ghî a dzeŋe kə ghì a Kəzə̀ a lo tò gwə̄n e ughùe e Kə̀lestò, à bɔ̌ɔm lue kpeen tsughu ko wə̄n a te, wən wəla ù lue kpeen kaāŋ wo alo ufʉgha u dzə̀m.

Efɛsùs 3:19

Ŋ̀ gɔ̂ŋlò enyəa to ghɛ̀ mo mɔm zuw ləgha e Kə̀lestò zəla ghùw yò aleteso mɛʼɛ̀, tò mwam u Kəzə wəla a zəŋò ghɛ̀.

Kòloshìan 1:19

Tɔŋlo enyəa à fə̀ tsəm kɔʼ Kəzə̀ aleghəŋlo enyəa Wɛ ù wə̄n e bɔɔm lo sugho to wə̄n alo aghəa a dzə̀m.

Kòloshìan 2:3

Ghəa ghə̀n a dzə̀m a lô alekele kùu ndùw Kə̀zə̀ nàn doʼò a zəŋò Kə̀lestò.

1 Pità 1:11

Ghe n də̀m tsughu alemòʼn kele səā kɔʼ nəgha e te zo àsùghò dzì zəla ghəa a te a lo səā a te. Zən fə̀ lo nəgha zəla Zuʼ tə Kə̀lestò təla tə lo a zəŋò ghee fə̀ dêe naāŋ nduw ghee â ghəa ghəla Kə̀lestò lo ki alefala a te àsùghò səghanyəgha məka ù kè lo a te.

1 Pità 1:2

Kə̀zə̀, tɔɔŋ Tsele ù Mughùbè ù sɛ̀ ù te n tsɔʼ kɔʼ ghɛ enyəa ghɛ̀ doʼo ghî a wə̄n gho an tə̀ŋ kəla kə fə̀ fôʼ naŋā, Zuʼ tə̀ Zɔlɔ tə ŋ ghəəŋ tsughu enyəa ghɛ̀ e lo ghî à zɔlɔ gho, enyəa ghɛ̀ e zuuw nduw â Yɛso Kə̀lestò, to aŋghəa kâŋ tə wə̄n an vʉ zəla ù kpuw ghè zò fə̀ sûw maʼà tsughu ghɛ. Ŋ̀ gɔ̂ŋlò enyəa Zə̀ kə̀ mô fughu ghɛ â bughuun zo, kə dêe sughò ghɛ â dzɔ̀ e wə zo naʼ è ndə̀m.