Dzɔ̌n 1:10 - To kə Kəzə̀ kə̀ Fughu ko

¹⁰ A fə̀ mbī mgbaŋ gbən wo ko Wə̄n, a m bùghò Ù nyə wo am mbī, mbī ŋ kè kôom koʼòkɛlɛ wə̄n.

Dzɔ̌n 1:10 Iomraidhean Croise

Matìo 11:27

Ghəa Yɛso gɔ̀ɔŋ mɛʼɛ̀ tsughu, ù n dzɛ̀ â ghì ghò enyəa, “Bəghà m mùghò â ghəa gho a dzə̀m fughu; ghùw ù lì kwò yo Wɛ ù tè mò à gɔ̀ʼɔ̀ ko yo Tsele ù te, ghùw ù li kwò sugho yo Tsele u te, mò à mìaa ko yo wɛ ù te àsùghò ghùw wəla wɛ ù te tsə̂m tsughu aledè â wə̄n.

Dzɔ̌n 1:11

Ù ŋ kwə̄n nyə̀ wo an naʼ e wə̄n, ghî a wə̄n ghə n tàʼkè kpeē nî Wə̄n.

Dzɔ̌n 1:18

Ghùw ù lì kaām kôʼ kòʼ Zə̀ kò; alo ko sɔ̀ kə wɛ kəla kə lo am bughu e Tsele, kə nì dè wò wə̄n â sɛ̀.

Dzɔ̌n 1:3

À fə̀ fʉgha wo u dzə̀m gbən wo Wə̄n an daʼa kə Kəzə̀, buw â Wə̄n to fəgha kə̀ li kə mô yò.

Dzɔ̌n 1:5

Tsə̀ è te tughuu alo kələ̄m, ləm chia kə yo alenyəma maʼà Wə̄n.

Dzɔ̌n 17:25

Tsele waŋa ù dzùŋ wəla ù lò tsəghatsəgha, aŋghəa ghî a mbī ghən bûʼ kwo ko yô ghû, yìa Ŋ̀ kuūwn kwo ghû tò aŋghəa ghî à li ghən kwo enyəa à mùghò tum wò ghû.

Dzɔ̌n 5:17

Yɛso m bɛ̀lɛ̀ ndùw ghee enyəa, “Bəghà nǎam fwàʼà nù, yia M̀ fwaʼà sugho.”

Kə̀fwàʼ 14:17

Ù fɛ kuuwn mgbɛɛ dèe tsə̀ghà ko enyəa e lo nû bòʼ ghə̀a à dzûŋ ghə̀là ù ghəŋlo: ù fùghuu tsughuu wò ghɛ̀ â ghuuw zo alo kəwālā, ghəŋlo enyəa fʉghàzəa wə enomlo an usum an nə̀gha è dzûŋ zò; ù fùghuu ghɛ̀ a fʉ̀ghàzəa wo, dzə̀là wò kə̀tsoʼnlo am fə̀ŋ tɛʼɛ.”

1 Kòlentìan 1:21

Tɔŋlo enyəa ghəa è fə lô enyəa ghî a mbī yo dzə̂ alekele Kə̀zə̀ an tɔ e ghee, Zə kə̀ n ləgha kɔʼ aletsəghàa tsughu an làʼsò zəla sɛ̀ zughòo kaŋlō enyəa kə bəghāsə̄ ghî ghəla ghe boō fughu tsughu â wə̄n.

1 Kòlentìan 2:8

Ghùw u mɔ̀ʼ aŋ ghì ghəla ghe fə̀ saʼā tuw u aghì wò fɛ am mbī ka fə̄ zuwkɛ̄lɛ̄ dzə ghəa ghən; tɔŋlo enyəa abugho ghe fə zuūwkɛlɛ̄ tsughuu, to ghe ka mō Mughu ù te wəla ù ki dwaʼa wo u dzə̀m təghàa dzə̀ alo kədàŋlo.

1 Kòlentìan 8:6

 sɛ̀, à lò ko Kəzə̀ kə mɔ̀ʼ, Tsele ù te, wəla fʉgha wən ù dzəm sə aŋ ghùu wə̄n, sɛ̌ yia lô sugho mò à lǒ wə̄n, àsùghò Mughu ù te u mɔ̀ʼ mò à lò Yɛso Kə̀lestò wəla Zə̀ kə fə̀ gbə̂n wo fʉgha wo u dzə̀m am bàm e wə̄n, sɛ̌ yia mughù sugho mo a lo am bàm e wə̄n.

Kòloshìan 1:16

Tɔŋlo enyəa à fə̀ lo am bàm e wə̄n Zə̀ kə fə̀ gbə̂n wô fʉgha wo u dzə̀m alo kəwālā àsùghò am ghueekətsə̄ fʉgha wəla a koʼō àsùghò wəla a koʼò yo, ŋkāa à lò ulwâŋ, ŋkāa dwaʼa wə enaʼ wo, ŋkāa kwu è ùdwə̀ŋ ŋkāa udwə̀ŋ u dzə̀m, ufʉgha u dzə̀m Zə̀ kə fə̀ gbə̂n wô, a fə̀ lo am bàm e wən àsùghò â wə̄.

Hibùlù 11:3

À lò aŋghəa a boō fughu tsughu â Zə̀ kò, a zuwkɛlɛ enyəa mbī fə̀ ghue u gbən sə kɔʼ wo mò à dzɛ̀ tsùghù Kəzə̀, to zə e lo enyəa ghe mò fʉgha wəla a koʼò nduw fəghaan sə kɔʼ am fʉgha wəla a koʼò yo.

1 Dzɔ̌n 3:1

Kòʼ nlò ləgha è ne è ne zəla Tsele ù te de wo â sɛ̀ a, enyəa ghe e tɔɔŋ sɛ̀ enyəa, sɛ̀ lo wɛ a Kəzə̀ a; sɛ̀ yia a kǔum lô sùghò wɛ a Kəzə̀ ghò a. Ghəa zəla ghî a mbī a kwo yo sɛ̀ enyəa sɛ lo wɛ a Kəzə̀ lò enyəa ghe mò kwo sugho yo Zə̀ kò.