Dzɔ̌n 1:1 - To kə Kəzə̀ kə̀ Fughu ko

¹ To mbī e kaʼ Shwaʼ wən fə̀ lo nû, Shwaʼ u te u fə̀ lo ghèe Zə̀ kò, Shwaʼ u te wə n lo Kəzə̀.

Dzɔ̌n 1:1 Iomraidhean Croise

Matìo 1:23

“Kòʼ ma, ŋgɔ̀e è lì kê bɔ̀ŋɔ kɔʼɔ nù mò ù kǎam kwo yo wìnû; ù kè dzəā wô wɛ ù nùu, ghe kê tsʉ̂a tsughu ezən a te enyəa à lǒ Emanùɛɛl: Mo e moʼnlò enyəa: Zə̀ kə̀ lo sɛ̀ à ghee.”

Lûk 24:53

Ghe m mughu zēe tsəgha ko am be kə̀ ne ko, ghe ndûw kɔʼso Zə̀ kò.

Dzɔ̌n 1:14

Shwaʼ u te wə n ndùw bùghò ghùw, tsùuŋ mùghùu tsughu sɛ̀ à ghee, Ù n dêe mɛ̀ʼn wò èsəŋò e dzə̀m aŋ ghəa a Kəzə̀, ŋgee dèe sùghò ghàʼ â ləgha zo. Ghàʼ a dzə̀m ŋ kòʼ daʼa kə wə̄n ko, daʼa kəla ù ki tǒ sɔ̀ʼ kə Wɛ kəla kə nughù wo a vʉ̀a Tsele.

Dzɔ̌n 1:18

Ghùw ù lì kaām kôʼ kòʼ Zə̀ kò; alo ko sɔ̀ kə wɛ kəla kə lo am bughu e Tsele, kə nì dè wò wə̄n â sɛ̀.

Dzɔ̌n 1:2

Shwaʼ u te u fə̀ lo ghèe Zə̀ kò to mbī e tsoō zîi tsughu.

Dzɔ̌n 16:28

Mugho mò nughu wo a vʉ̀a Tsele ù te, bùghò nyə̀ wò fɛ am mbī. M̀ fɛ êzə̄ŋ kôom zə̀ghàan tsùghu mbī aledùw èbàm a vʉ̀a Tsele ù te.”

Dzɔ̌n 17:5

Tsele nîi naŋa mugho a vʉ̀a ghù tò mùghò è ki kɔʼso mò, tɔ̂ɔŋ kɔʼso m mɔ̀ʼɔ milā ghàʼ à ghù mò ki tsəgha to mbī e zîi tsughu.

Dzɔ̌n 20:28

Tɔ̀mâs m bɛ̀lɛ̀ ndùw wə̄n enyəa, “Ghù lò Mughùbè waŋā à Zə̀ kaŋa ko.”

Dzɔ̌n 8:58

Yɛso n dzɛ̀ â a ghee enyəa, “Alekùum nîi tsughu aŋghəa Ǹ dzâa wô â ghɛ̀, to ghe e bughò dzə Abə̀làhâm, à fə̀ lo mò Ǹ lo nû.”

Lumà 9:5

Ghe yia lô sughò wɛ a awɛ a ghê tselè tsele a ghì ghə Ezə̀lɛ̂ ghò, mo Yɛso Kə̀lestò sə̀ a fughu an tigh kə te ko. Ù lò Kəzə̀, ù saʼā mbī e dzə̀m, to ghî à mô kɔʼsô tsəghà wə̄n to mbī kê bughò mîaa. Zə e lo ko êzə̀.

Efɛsùs 3:9

àsùghò aleghəŋlo enyəa mbī e dzə̀m kòʼ nàn kə eghəa kəla Zə̀ kə fə̀ nân naŋā an ndə̀mà tə tənùu, tɔ̂ɔŋ Zə̀ kəla kə fə̀ gbə̂n wô fʉgha wo u dzə̀m.

Fèlepìan 2:6

Ghəa ù fə̀ bûʼ lô ko tò Kəzə̀; ki dwaʼa wən ù dzə̀m Zə̀ kə̀ ki, ù ka fə nî dzə̀ ghue u wə̄n wo enyəa e lo Kəzə̀.

Kòloshìan 1:15

Kə̀lestò lǒ fwěen kə Kəzə̀, Zə̀ kəla a koʼò yo, â Zə̀ kò alegbə̀n ùfʉgha u dzə̀m, à fə̀ lo mo ù lo tsəgha nû, vʉ̀a ù tsə̀ghàsə fʉgha u te wo u dzə̀m ghe fə̀ gbə̂n wo.

Kòloshìan 1:17

 Zə̀ kò alegbə̀n fʉgha wən u dzə̀m, à fə̀ lo mò ù kì lò tsəgha nû, à fʉgha wən u dzə̀m dzeŋe kwu kele wə̄n alo kəfəgha kə mɔ̀ʼ.

1 Timotì 3:16

Ghùw ù li yo aletuū maʼà nàn kə eghəa kəla kə lo aŋ ghəa a Kəzə̀ ghən enyəa, Ù fə̀ a m mbī bugho tǒ ghuw wə̀ nsɔ̌ɔŋnchùw. Zuʼ tə Kəzə̀ tə̀ n dè wò enyəa ù lo tsəghatsəgha, Tsə̀təndə̄ghā tə Kəzə̀ tə̀ ŋ kòʼ wə̄n. Ghî ghə̀ n zoʼn ŋgə̀a wò àghì aŋ ghəa a wə̄n alo tənàʼà tə dzə̀m. Mbī e dzə̀m m boo fùghù ndùw â wə̄n. Ghe n nì nyə̀ kɔ̀ʼ ndùw wə̄n alo kəwala alo n nsəghānyəghā.

Taetùs 2:13

Ghàʼ ndzəmà chìi tùʼ aŋghəa ghàʼ ləə̄m tsuʼ ù ne wəla a kwo enyəa Yɛso Kə̀lestò lo bùghòo a te aŋ ghùe u kədə̀ŋ. Yɛso Kə̀lestò wən lo Zə̀ kə sɛ̀ kə̀ ghaʼa ko àsùghò Bəghambī ù sɛ̀.

Hibùlù 13:8

Yɛso Kə̀lestò lǒ ghùw ù mɔ̀ʼɔ wəla ù fə̀ lo, vʉ̀a ù lò nɛ, vʉ̀a ù dòʼo tən sugho.

Hibùlù 7:3

À lo ghùw mò a kwo yo tsele ŋkāa zə̂, ŋkāa kèndughu kəla u sə a te, kwo sugho yo tsuʼ fəla ghe fə dzə wə̄n a te àsùghò fəla ù fə̀ kpuw a te. Ù fwěen ko wɛ ù Kə̀zə̀, vʉ̀a ù lo fɔ̀e zəla è dòʼò tən.

2 Pità 1:1

Mùghò Sǎemòn, tɔɔŋ Pità, wəla Ǹ lo ghùw ù kə̀fwàʼ àsùghò tum è Yɛso Kə̀lestò; M̀ fughu wò ètɔŋlo â ghɛ̀ ghəla ghɛ̀ lo mò ghɛ̀ ŋ kele boo zəla e tughuu sugho tò zaʼā zo. À lǒ bòʼ dzɔ̀ e Zə̀ kə sɛ̀ àsùghò e Bəghambī ù sɛ̀ zo e ghəŋlo enyəa sɛ̀ e ki boo zən zo.

1 Dzɔ̌n 5:20

Sɛ̀ kwo sugho nû enyəa Wɛ ù Kə̀zə̀ ù nùu m bùghò, vʉ̀a ù fughu sɛ̀ â tɔ wo alezuūwkɛlɛ Zə̀ kə̀ êsəŋò kò a te. Sɛ̀ à ghê Zə̀ kə̀ lo alo kəfəgha kə mɔ̀ʼ àsùghò Wɛ u wə̄n, tɔɔŋ Yɛso Kə̀lestò. Ù lǒ Zə̀ kə̀ səŋò kò, vʉ̀a ù fughuu mughù e doʼn təla zo.

1 Dzɔ̌n 5:7

A lò aghəa à təgha a teso dzâa ghəa gho enyəa Yɛso lǒ Wɛ ù Kəzə̀:

Edêe Fughu 1:11

Dzə̀ e te n dzâa tsùghùu enyəa, tɔm tsughu fəgha kəla ghù kǒʼ, ghù tum ndùw mwàʼsò kə te ko â dzweŋe u ghì a Kəzə̀ wə̀n sə̀ghàmbəgha — an Ɛfɛ̄sùs, Smyna Pɛ̀gamò, Tytēlà, Sades, Fìlàdɛfìa àsùghò Lùdisìa.

Edêe Fughu 1:17

Ghəa Ŋ̀ kôʼ nduw wə̄n, mùghò m bvʉ̀ dòʼò ndùw a tsəlà wə̄n, dòʼò ndùw tǒ ghùw ù kpǔuw. Ù n daŋso gaʼ tsughu ghu kə wə̄n kə̀ zəa ko a zəŋò mùghò, dzɛ̀ tsughu enyəa, “Kà tsəŋ, Ǹ lo kəsə àsùghò bam ko.

Edêe Fughu 1:2

Dzɔ̌n vʉ̀a ù teso mɛʼɛ̀ fəgha kə̀la ù fə̀ koʼ kùu ndùw shwaʼ u Kəzə̀ àsùghò êsəŋò kùu ndùw Yɛso Kə̀lestò.

Edêe Fughu 1:8

Tsə̂ntə̀mbî Kə̀zə̀ dzɛ̀ enyəa, “Ǹ lo kəzìi, lò sugho Ekuʼù, yìa Ǹ lô sugho wəla ù fə̀ ki lô tsəgha, wəla ù lǒ àsùghò wəla ù ki sùghò alebùghò — wəla ù Ghaʼ tsəgha.”

Edêe Fughu 19:13

Ù dzə̀là kèle sàŋ è lì mò à ndùuw ko tə̀kàŋ a te, zən zəa ghe tɔɔ̄ŋ wə̄n a te lo “Shwaʼ u Kəzə̀.”

Edêe Fughu 2:8

Yɛso n dzɛ̀ wò â mùghò enyəa, “Tɔm ndùw â tsə̀ndə̄ghā è Kəzə̀ è dzeŋe kə ghì a Kəzə̀ ghò an naʼ e Smylnà enyəa, ‘Ghùw wəla ù lò sə ko, lò sugho kəbām, wəla ù fə̀ kpuw tsughu, ù ŋ kòom nùghù dòʼò wò â tuw ko dzɛ̂ enyəa,

Edêe Fughu 21:6

Ù n daŋso dzɛ̀ â mùghò, “Ghəa ghən a dzə̀m n tsə̀ghà mìaa! Ǹ lo Kəzìi lò sugho Ekuʼù! À ghəa gho a dzə̀m zîi tsùghu mùghò, yìa à mìasò sughò mugho ghəa gho a dzə̀m! Ghî ghəlà fə̀ŋ zuʼso ghee, Ǹ lo tuuwn fughuu nu ghee â mùghù mò an sə e dzùghù zəla e fughu mughùu zò mo ghe kâ fəgha kə tsə.

Edêe Fughu 22:13

Ǹ lo kəsə lò sugho kəbam. À zìi tsùghu mùghò ghəa gho a dzəm, yìa à mìasò sugho ghəa gho a dzə̀m.”

Edêe Fughu 3:14

Yɛso n dzɛ̀ kpèʼe wò sùghò â mùghò enyəa, “Tɔm ndùw â tsə̀ndə̄ghā zəla è lò an â dzeŋe kə ghì a Kəzə̀ ghò an naʼ e Làodisìa enyəa, ‘Ghùw wəla ghe tɔŋlo enyəa à lò Zə e lo ko êzə̀, wəla ù zuūw â Zə̀ kò, kə̀aa sùghò èsəŋò aŋ ghəa e Kəzə̀; wəla Zə̀ kə fə̀ dzeŋe zîi tsughu fʉgha u gbəla wo ghèe wə̄n, ù dzɛ̂ enyəa,