Bìoball air-loidhne

Gàlashìan 6:8 - To kə Kəzə̀ kə̀ Fughu ko

⁸ Ghùw wəla ù ghəə̄ŋ ghəa ghəla gwən e ughùe e wə̄n e ləghaa, ù lo tèlè kèle kô ŋgòʼ è namso kəla ghəa a gwə̀n ghə eghùe a fughuu, mò namso kə te kə lo evʉ. Wəla ù ghəə̄ŋ ghəa ghəla Zuʼ tə̀ Zɔlɔ tə ləghaa, ù lo kelê mùghù zəla e doʼò tən.

Faic an caibideil Dèan lethbhreac

dol air ais ⬆

Gàlashìan 6:8
31 Iomraidhean Croise

Matìo 19:29

Ghùw wəla ù mò tso zəghàa maʼà wô dzə̂ waazə̂ ghò, zə̀ghàa wò tsele àsùghò zə̀, ŋkāa wɛ a wə̄n, sum e wə̄n, ŋkāa ndughu tə wə̄n, enyəa ù bughòo a bàâ mùghò, ù lo kelê fʉgha u te wo təbɔm, ù kele sughò mùghùu zəla e doʼò tən.

Faic an caibideil

Matìo 25:46

Ghe lo daŋso nîi tuū zəghàa ndûw ghee ghən an lùʼù wəla ghe lo koʼò tsɛlɛ̄ mùlǔŋ a fughu. Ghî a tsəghatsəgha a kê kuūwn kelê mùghù zəla e doʼò tən.”

Faic an caibideil

Lûk 18:30

ù lo dôʼnlo mò ù kà ndə̀mà tə ufʉgha tə kele tsuʼ u te wo, àsùghò mùghù è doʼn təla zo an tì kə̀ li kə chiā kə lo so e bughò.”

Faic an caibideil

Dzɔ̌n 4:14

ghəla ghe lo kuūwn mʉā mùghù mə̀là Ǹ lo fughu â ghee, fə̀ŋ è m̀mùghu kê ghee kôom zùʼso kòʼ yò. Mùghù mə̀là Ǹ lo fughuu, n lo doʼò tsughu fədzughù a zəŋò ghee, fə tûuŋ səā kɔʼɔ̄, fughu sùghò ghee â mùghù è doʼn təla zo.”

Faic an caibideil

Dzɔ̌n 4:36

Ghe tsəa nǔ ghùw wəla ù dùmlo êzə̄ŋ, vʉ̀a ù zùuŋ fʉghàzəa (ghî ghò) wəla ù doʼn təla wo, enyəa ghùw ù tǎa ghèe ghùwdùmlo ke e dzeŋe duʼnlo.

Faic an caibideil

Dzɔ̌n 6:27

Kà nlò e kəŋo fʉghàzəa wəla u lo alebō, e laam kəŋo nlò fʉghàzəa ù doʼn təla wəla Wɛ ù Ghùw ki alefughu â ghɛ̀. Tɔŋlo enyəa à lò â Wə̄n Tsele ù te, tɔɔŋ Kə̀zə̀ fə̀ fughu naŋā daʼa kə te ko.”

Faic an caibideil

Lumà 13:14

Ghɛ̀ dzəla kele tsughu Mughu ù te Yɛso Kə̀lestò a zəŋò ghɛ̀ tò təndzʉ, àsùghò enyəa e kwo ko ghɛ̀ lô naāŋ tuw ko aŋ ghəa ghəla gwən e ughùe e zɛʼɛ e ləghaa enyəa ghɛ̀ e ghəŋlo.

Faic an caibideil

Lumà 6:13

E kwo ko ghùw wɛʼɛ lò so e nîi kɔ̀ʼɔ̂ bà kə ughùe kə wən kə̀ li ko ù naŋā tsughu tò fəgha kə kəfwàʼ kə ebō. Laam fùghù nduw nlò ghùe zɛʼɛ zo â Zə̀ kò, tò ghî ghəla ghe baāŋ nughù sə tsughu aŋ ghu kə evʉ, naŋa wò ghee â tuw ko enyəa ghɛ̀ e mughu mùghù è fughu zo. Naŋa tsughu nlò ghùe zɛʼɛ zo e dzə̀m zə elo tò fəgha kə kəfwàʼ kə Kəzə̀ kəla kə lô tsəghatsəgha.

Faic an caibideil

Lumà 6:23

Ghɛ̀ kele tsughu enyəa, namso kəla ghùw kele am bo zəla ù ghəə̄ŋ tsughu lò evʉ, Zə̀ chia kə kuuwn tsôo ndzə̂əm fughuu ko mughù è doʼn təla zo am bàm e Kə̀lestò Yɛso, Mughùbè ù sɛ̀.

Faic an caibideil

Lumà 8:11

Abugho e kuuwn lô enyəa Zuʼ tə Zə̀ kəla kə fə̀ zôm nughu kɔʼ Yɛso alo evʉ lo nû a zəŋo ghɛ̀, e fi lo enyəa wə̄n wəla u mò zôm nughù wo Kə̀lestò Yɛso alo evʉ lo ghəəŋ nù ghue zɛʼɛ zəla e kpuūw lo kôm kele èmùghù, bòʼ Zuʼ tə Kə̀zə̀ təla tə lo a zəŋò ghɛ̀.

Faic an caibideil

Lumà 8:13

Tɔŋlo enyəa abugho ghù mughu aŋghəa ghue u ghûw ù ləghaa, ghù lo kpuw. Abugho ghù kuuwn nî kɔʼ daʼa kə Zuʼ tə̀ Zɔlɔ to wì màʼà tsughu ghəa à biigh ghəla a lo a zəŋo ghùe u ghùw a te, ghùw ù te lo mughù.

Faic an caibideil

Lumà 8:6

Abugho ghùw naŋa tsughu fə̀ŋ è wə̄n am fʉgha wəla gwən e ughùe e wə̄n e ləghaa, vʉ zə ŋ kwu wə̄n. À m bùghò ghùw naŋa tsughu fə̀ŋ e wə̄n am fəgha kəla Zuʼ tə zɔlɔ tə ləghaa, ghùw ù tə ŋ kele èmùghù, lò sugho alo ebughunlo.

Faic an caibideil

1 Kòlentìan 15:42

Ghən lò ghəa ghəla a kê bɔɔ̄m lo a te abugho Zə̀ kə̀ zôo nughùun kɔʼɔ̄ ghî ghò a te alo evʉ̄. Fəgha kəla ghe tam nduw kə fîaa nù, kəla ghe nî sə kɔʼ wo kə fîaa dzə yò.

Faic an caibideil

Gàlashìan 6:7

Kà nlò ghue zɛʼɛ zə e tseē dzə. Ghùw yò dzə̂ aletsè Kə̀zə̀. Abugho ghùw tam fəgha ko, ù lo tèlè kèle ko kə̀ ghee.

Faic an caibideil

1 Timotì 1:16

Zə̀ kə̀ ŋ kuuwn kwuso tsughu ese a zəŋò mùghò wəla mùgho fə̀ bûʼ bo tsəghà ko ghî à biigh gho a dzə̀m, aŋghəa Yɛso Kə̀lestò fə̀ kǔum maʼà tsughu ghue wo alebəghaasə mugho am bòo taŋa tǒ tsə̌a â ghî ghəla ghe naām ki aleboō fughu â wə̄n to ghe lo kelê mùghù èdoʼntəla zo.

Faic an caibideil

Taetùs 3:7

enyəa, bòʼ dzɔ̀ e Wə̄n n te zo, sɛ̀ è ke lo tsəghatsəgha a vʉ̀a Zə̀ kò, tò sɛ̀ è ke lo alenìi kelê mùghù è doʼn təla zəla sɛ̀ chiī tùʼ a te.

Faic an caibideil

Dzɛ̂ms 3:18

Abugho ghê bughuso mbī naāŋ bughuun zo am bvʉa zə aghì, e ghəəŋ nù ghî ghə m mughu kədzûŋ.

Faic an caibideil

2 Pità 2:12

Ghiīshʉ̀ghà ghə agha ghən lò ghî à laʼso gho; ghe bɔɔm lò ko tò tənyôm. Abugho ghùw ù te ləgha tsughu dzə̂ ghəa zo aleghəŋlo, ù n tsò ghə̌əŋ ndùw ko nù. Ghe fə̂ ghee dzə ko alekwuu, ghe e winlo. Abugho ghe tɔ̂ʼ kwo ko yo fəgha ko, ghe n tsò sùuwn ko nù; ghe lô ghee wii ko tò tənyôm.

Faic an caibideil

2 Pità 2:19

Ghê wàdè ghə agha a te a zoʼn ndùw ghee a te gho enyəa ghe e ndzə̀m mughu, lo êzə̀ mo ghuūghùe e ghee lo ukɔ̂ â bo zo. Zə êzə lo bòʼ enyəa abugho ghəa enyə tughu tsughu a zəŋò ghùw, ghùw ù te m fwə̀n dòʼò ndùw kə̀kɔ̂ a bǎà ghəa e te zo.

Faic an caibideil

Dzûd 1:21

Ghɛ̀ kwu kele tsughu ko nlò ghue zɛʼɛ zo an ləgha zəla Zə̀ kə ki â ghɛ̀ aŋghəa ghɛ̀ ləmlo â Mughùbè ù sɛ̀ Yɛso Kə̀lestò alefughu ghɛ̀ â mùghù e doʼn təla zo an se e wə̄n è kwuso zo.

Faic an caibideil

Edêe Fughu 22:11

Naŋâ to ghî a biigh ghə e ghəəŋ nduw ko bo zo, ghî a dzəa ghə e ghəəŋ nduw ko dzə̀adzə̀ tə aghəa to, ghî a dzûŋ ghə̀ e ghəəŋ nduw ko ghəa a dzûŋ gho, ghî a zɔlɔ a doʼò təla ndûw ko ghì a zɔlɔ gho.”

Faic an caibideil

Lean sinn:

Ceanglaichean taic

Sanasan

Sanasan