Gàlashìan 6:3 - To kə Kəzə̀ kə̀ Fughu ko

³ Tɔŋlo enyəa abugho ghùw mòʼò enyəa e lo fəgha kə̀ li ko mò ù bùʼ yò dzə̂ kə ghee, ù fi tsêe ghue ū wə̄n.

Gàlashìan 6:3 Iomraidhean Croise

Lûk 18:11

Falàsîi vʉ n nùghù těe è kɔʼ, gɔ̀ɔŋ tsùghù aŋ ghùe u wə̄n enyəa, ‘Zə̀ kò, M̀ fughuu zɔ̀ɔŋ kə̀a enyəa Ǹ yo dzə̂ tò ghî à li ghən, mbaaŋ tə aghì, bəən tə aghì, nùuŋ tə aghì, M̀ bûʼ yò sughò tǒ dzə̀akə̀mwàʼsò wə̄n.

Kə̀fwàʼ 5:36

tɔŋlo enyəa a fə̀ bugho fɛ an tì kə̀ li ko Tǐodàs n nùghù kɔ̀ʼ fɛ dzàa wò enyəa e lo sugho ghùw ù lì, bɔm tə aghì tə̀ n tsə̀ghà tə̀ŋò ndùw a bǎà wə̄n tò təchìakò. Ghe ŋ wi tsughu wə̄n, dzùm sàaŋ màʼà kɔ̀ʼ ghî ghə̀n à dzə̀m ghe mò tsəghà təŋò doʼò nduw a bǎà wə̄n, dzeŋe kə wə̄n kə te kə m kpùw è nduw.

Lumà 12:16

E mughu nlò alo kə fəgha kə mɔ̀ʼ ghɛ̀ à ghê ghì ghò a dzə̀m. Kà nlò è kɔʼso ghue zo, laam bǒo tsughu nlò aleghəəŋ zumso tə aghəa to ghɛ̀ à ghê ghì a ulwən gho. Kà nlò è moʼō enyəa ghɛ̀ tɔ tsə̀ghà ghì à li gho.

Lumà 12:3

À lǒ bòʼ dzɔ̀ zəla Zə̀ kə̀ mò dê tsughu â mùghò, Ǹ dzâa wô â ghɛ̀ a dzə̀m enyəa, Kà nlò è ŋgeē kɔʼso tsəghaso ghue zo aŋghəa ghɛ̀ ki alekɔʼsō a te. Ghɛ̀ laam maʼa tsughu nlò ghue zo aletɔʼɔ̄ moʼn tsughuu ghəa zo, ghɛ̀ è lɛɛn tsəso tsughuu ko ghue zɛʼɛ zo am fə̂ŋ zəla Zə̀ kə̀ ghəŋlo enyəa ghɛ̀ gaʼ wo a zəŋò wə̄n.

1 Kòlentìan 13:2

Abugho Ŋ̀ ki fughu kə te aledzaā shʉghà wò, asùghò tɔ wo alezuuwkɛlɛ nàn tə aghəa to, àsùghò ki fə̀ŋ è te aledzàa ndûw â kàʼà tò enyəa tə səə̄n nughù tsughu, tə n səəŋ nùghù tsùghù è sugho, mò kuuwn ki yo ləgha zo â ghì gho — M̀ fi lo kənughùnùghù.

1 Kòlentìan 3:18

E kwo ghùw lò nɔɔ̄m ghue u wə̄n wo. Abugho ghùw wɛʼɛ ù lì mòʼò enyəa e tɔɔ nù aŋghəa ghî a mbī a nîi a te, ù kì alelo tǒ ghùw ù làʼso, tò ù kè doʼò ghùw ù tɔ̌ɔ.

1 Kòlentìan 8:2

Abugho ghùw mòʼò enyəa e kwo ghəa è li zo, ù kǎam kwo dzə yo aŋ ghəa ù mò ki alekele a te.

2 Kòlentìan 12:11

Mùghò m fə̀n fəgha kə̀ laʼso ko mò à ghə̌əŋ ghɛ̀, mò à lǎam lò ghɛ alekɛɛ mugho, tɔŋlo enyəa ghəa M̀ bûʼ buw ko fəgha ko, ghî ghəla ghe toō num enyəa ghe lo kɔ tə tətūm, Ŋ̀ kwo dzə yo enyəa nyàaŋ fə eghəa fə̀ lo nû ghe tsə̀ghàsə mugho a te.

2 Kòlentìan 3:5

À yò dzə̂ enyəa aŋ ghùe zaʼā ghàʼ kɔʼkpe nû aleniī nduw enyəa ghàʼ ghəa ghən fwaʼà aŋ ŋgəŋ zaʼā, à kɔʼɔ̄kpe zaʼā e fughu Kəzə̀.

Gàlashìan 2:6

Ghî ghəla ghe fə̀ dzɛ enyəa ghe lo tətsoʼ a fughu an dzeŋe ke te ko — kaa ghe fə̀ lo kwò kə ghee ko, e mò moʼo yo ghə̂a è li zo â mùghò; tɔŋlo enyəa Zə̀ kə̌ ghùw lɛ̌ɛn dzə̀ yò aŋ kòʼ e wə̄n. Ghî ghən fə̀ ki dzə yo ghəa è li zo tò kəsànlo ghe lo alefughuu wô â mùghò.

Gàlashìan 2:9

A m bùghò Pità ghèe Dzɛ̂ms asùghò Dzɔ̌n, ghî ghəla ghiī a fə̀ kwo tǒ tsôʼ tə dzeŋe kə ghì a Kəzə̀ tə̀ səŋò tò kele tsughu enyəa à fwàʼ kən â mùghò fughu Kəzə̀, ghe n tɔɔŋ zùw wò ghàʼ à Bànabàs, fùghù ghàʼ â ghu ko aledèe tsughu enyəa ghe ŋ ghàʼ kpenì, enyəa ghaʼ à ghee êzəŋ e lo alo kəfəgha kə̀ mɔ̀ʼ. Ghàʼ à ghee n tsughu boo tsughu enyəa ghàʼ à Bànabàs è naʼn nduw tum è Kə̀zə̀ â Tòʼò zò, to ghe e kuuwn naʼn nduw â Dzûu tò.

2 Timotì 3:13

Ghî à biigh gho àsùghò ghəla ghe dzɛ̂ enyəa ghe lo kən mo ghe yo ghè kò lo e fəghaan boo ndzaʼn mɛʼn nduw, ghe ke e tseē kaaŋ ghî ghò, ghî ghə̀ è tseē sugho ghee.

Dzɛ̂ms 1:22

Kà nlò doʼò tsùghù dzə̀ ghî ghəla ghe tsêe ghue e ghee zo alezūuw ko ghəa gho an utùŋlō, kuuwn dòʼo tsughu nlò ghî ghəla ghe fwaʼà fəgha kəla shwaʼ u Kəzə̀ u dzâa ghè kò.

Dzɛ̂ms 1:26

Abugho ghùw tsêe kaāŋ ghue u wə̄n wo enyəa e lo ghùw ù Kə̀zə̀ mo ù nàŋso yo nom kə wə̄n ko, ghəa a Kə̀zə̀ a wə̄n a te ghə ŋ kwuu yo ghəa zo.

1 Dzɔ̌n 1:8

Abugho sɛ̀ dzɛ̂ enyəa sɛ̀ kâ ghə̌əŋ boon dzə̀ ghəa è li zo, sɛ̌ fi loʼsò ghue e sɛ̀, səŋò zəa e buw a zəŋò sɛ̀.