Gàlashìan 6:2 - To kə Kəzə̀ kə̀ Fughu ko

² E yoso nlò ghue zɛʼɛ zo alebòʼò mbùŋ kə waazə̂ ghɛʼɛ. Abugho ghɛ̀ ghəŋlo êzə̀, ghɛ̌ fi luesô làŋ kə Kə̀lestò.

Gàlashìan 6:2 Iomraidhean Croise

Matìo 8:17

Zən mò fɛ lo alelueso tsughu lâŋ kə̀là ghùwshʉ̀ghà Èzayà fə̀ dzɛ̂ naŋā enyəa, “Ù m baaŋ dzaŋà tə sɛ̀ tò tə dzə̀m.”

Lûk 11:46

Yɛso n dzɛ̀ tsùghù enyəa, “Tsû ù lo sugho â ghɛ̀ ghê dèekə̀làŋ; nu ghɛ̀ ŋgee fughuu àghì â mbùŋ kəla ghe yô alebòʼò, kə̀mbùŋ mo ghuūghùe zɛʼɛ̄ e yo aletsoō buʼù mɔ̂m aŋ ghu.

Dzɔ̌n 13:34

Lâŋ kə̀ fughu kə̀là M̀ fughu wo â ghɛ̀ lò enyəa, ‘E dèe ləgha zo aŋ ghue zɛʼɛ̄ tò aŋghəa Ǹ ləghaa ghɛ a te. Chìa ki aleləghā sugho wàazə̀.’

Dzɔ̌n 15:12

Lâŋ kaŋa kə lo enyəa, ‘Ləgha nlò ghue zɛ̄ʼā zo tò aŋghəa Ǹ ləghaa ghɛ a te.

Lumà 15:1

Sɛ̀ ghəla sɛ tɔ̂ʼ ti am boo e sɛ̀, a ki alezuūwkɛlɛ tsughu ghî ghəla ghe tɔ̂ʼ ti yo am boo e ghee. A ka ki ko yo aleghəŋlo enyəa fə̂ŋ tə sɛ̀ tə e duʼnlo.

Lumà 8:2

Daʼa kə Zuʼ tə̀ Zɔlɔ kəla tə fughu mughù zò, kə m mùghò zê zə̀ghàa am bàm e Kə̀lestò Yɛso aŋ ghù daʼa kə ebo kəla è nîi wô vʉ zo.

1 Kòlentìan 9:21

Abugho Ǹ lo ghàʼ à ghê ghì ghəla ghe yo dzə a tsəlà làŋ kò, mùgho n dòʼò tǒ ghùw ù ghee, (aŋghəa Ǹ lo mò ŋ kaām bûʼ nɔ̂sə aŋ ghùu làŋ kə Kəzə̀ ko, mò Ŋ̀ kuuwn naam lo ko a tsəlà làŋ kə Kə̀lestò kò), enyəa to M̀ mô lò aleghəŋlo enyəa ghî ghəla ghe kwo yo lâŋ kò è lo aleboō fughu â Kə̀lestò.

Gàlashìan 6:5

Tɔŋlo enyəa ghùw kì ko mbùŋ kə wə̄n alebòʼò.

1 Tɛ̀sàlonìan 5:14

Ghàʼ buʼu wò kə̀ghu â ghɛ̀ a waazə̂ ghaʼa gho enyəa ghɛ̀ è kʉɛɛ̄n nduw ghî à lɛɛ gho, kùu dzə̀là ndùw fə̀ŋ tə ghì ghəla ghe ki yo fə̀ŋ tò. E fughuu nduw nlò yôso zò â ghì ghə̀là ghe ki yo nûŋ wò aleghə̂əŋ ghəa è li zo. E maʼn tsughuu nlò ghue zo ghɛ̀ a ghê ghì ghò a dzə̀m.

Dzɛ̂ms 1:25

Abugho ghùw kuuūwn tɔ̂ʼ naŋa tsughu tuw ko an làŋ kə̀ səŋò kò, lâŋ kəla kə bəghaasəa ghî ghò, Zə̀ kə̀ lo bughuso nǔ ghùw ù te, abugho ghùw ù te fwàʼà səā ndûw ghəa a te gho mò ù zə̌ən ko yo (ghəa ghəla lâŋ kə te deē) an tùʼ è zəən zo, nìi zə̀a ndùw.

Dzɛ̂ms 2:12

Ghɛ̌ fi ki alekəaa ghəa gho, fwàʼà ndùw sùghò tò ghî ghəla ghe lo saʼā ghee an làŋ kəla kə ghəŋlo enyəa ghî à zə kətuw.

Dzɛ̂ms 2:8

Abugho ghɛ̀ kûu naaŋ lâŋ kə fɔ̀e u Kəzə̀ wò, aŋghəa mwàʼsò kə Kə̀zə̀ kə̀ dêe tsughu enyəa, “Ghù ki aleləghāa wàazùghù aŋ ghəa ghəla ghù ləghaa ghue wʉ̀a wò a te.”

1 Pità 2:24

Ghuūghùe u Kə̀lestò ù mafə boʼò mbuŋ kə təbòo kə sɛ̀ kò alo kədàŋlo, enyəa tò sɛ̀ e lo tò ghî a kpuuwn gho abugho e bughò tɛ̌ tsughu aleghəŋlo ebo, sɛ̀ è mughu mughù e tsəghatsəgha zo. Fəŋ ghəla ù fə̀ kele mafə̄ baaŋ sɛ̀.

2 Pità 2:21

Aŋghəa ghəa a te a lô ènyə, à mò so e lo dzɔ̀ abugho ghe fə̀ taʼkè kele dzì è tsəghatsəgha, tsəghasə aŋghəa ghe kele tsughu dzì e te kòom bùgho tùe màʼà tsughù lwâŋ ù zɔlɔ wəla ghe fə̀ fughu â ghee.

2 Pità 3:2

Ǹ ləghaa enyəa ghɛ̀ e moʼn tsughuu shwaʼ wəla ghiīshʉ̀ghà à zɔlɔ a fə̀ dzɛ̂ naŋā â wìiwì, àsùghò alezə̀əŋ wô ghɛ̀ an lwàŋ u Mughu ù te, tɔɔŋ Bəghambī, wəla tum tə̀ zɔlɔ tə fə̀ dzɛ̂ naŋā zîi wo â ghɛ̀.

1 Dzɔ̌n 4:21

Kən lò lâŋ kə̀là Kə̀lestò fughu sugho â sɛ̀ enyəa, “Ghùw wəla ù ləghaa Zə̀ kò ki aleləghaa sugho waazə̂ ghò.”