Gàlashìan 6:1 - To kə Kəzə̀ kə̀ Fughu ko

¹ Waazə̂ ghaŋa gho, abugho ghùw wɛʼɛ ù lòʼ ghəə̄ŋ boon tsughu ghəa è li zo, ghɛ̀ ghəla Zuʼ tə̀ dêe ghɛ â dzì, ghɛ̀ ŋ ki alenyoʼn kôom bɔɔ̄ tiso wô ghùw u te e bàm an dziī. À m bùghò ghɛ̀ ghəŋlo êzə̀, ghɛ̀ n nîi tsùghu èghòmlo enyəa e kwo ko ghùw wɛʼɛ lô kôom bvʉ̂a kômlo.

Gàlashìan 6:1 Iomraidhean Croise

Matìo 11:29

Nyə kɔʼ nlò am fàŋà kaŋā, ghɛ̀ zoʼn kele ghəa gho aŋ ghùu mùghò, nu Ǹ lo zʉ̀ kə ghûw, yìa M̀ bughunlō â fə̀ŋ, ghɛ̀ lo daŋso zʉnlō.

Matìo 26:69

À n lo êzə̀ mo Pità dòʼ a beē am be kə sə ko, kɔ̂ɔ fə Fɔ̀e è ne fə̀ zən fə m bùghò kòʼ wò wə̄n, dzɛ̀ â wə̄n enyəa, “Ghù wən mô lò sugho ghɛ̀ à ghê Yɛso, ghùw ù Galèlîi wən.”

Matìo 26:75

Pità n tɛ̀mòʼn wò shwaʼ u Yɛso wən enyəa, “Tò nùumbvʉ e tɔŋ, à sə̀ lǒ mò ghǔ m mùghò tue màʼà nàŋà nəgha to təgha.” Ù fi nughù tsə̀ghà sə̀ ndùw nù a beē, sə̀ dì tsɔ̌ʼn tsughu enyə.

Matìo 9:13

Nduw kəŋ sə kɔʼ nlò enyəa shwāʼ u Kəzə̀ wə̄n moʼnlò èndughō enyəa, ‘Ǹ tsâʼ ghì ghəla ghe fə̂ŋ tə̀ dzûŋ to aŋ ghùe e ghee, Ŋ̀ kâ lə̀ghà dzə̀ enyəa ghe e gboō nyòm tò kɔʼso mùghò a te.’ Tɔŋlo enyəa Ŋ̀ kâ bùghò dzə̀ alebùghò tɔŋɔ̂ ghì a tsəghatsəgha gho, Ǹ laam bughò bòʼ ghì à biigh gho.”

Lumà 14:1

Boo tsughu nlǒ waazə̂ ghɛʼɛ ghəla fə̂ŋ tə ghee naām noʼn kaŋlo aŋ ghəa a Kəzə̀ ghe lo am bvʉa zɛʼɛ̄, kǎ nlò è kuuwn baaŋ fom to ghɛ̀ à ghee mɔ̀ɔ ndùw fəgha kə̀là ghe moʼo ghè kò.

Lumà 15:1

Sɛ̀ ghəla sɛ tɔ̂ʼ ti am boo e sɛ̀, a ki alezuūwkɛlɛ tsughu ghî ghəla ghe tɔ̂ʼ ti yo am boo e ghee. A ka ki ko yo aleghəŋlo enyəa fə̂ŋ tə sɛ̀ tə e duʼnlo.

Lumà 8:6

Abugho ghùw naŋa tsughu fə̀ŋ è wə̄n am fʉgha wəla gwən e ughùe e wə̄n e ləghaa, vʉ zə ŋ kwu wə̄n. À m bùghò ghùw naŋa tsughu fə̀ŋ e wə̄n am fəgha kəla Zuʼ tə zɔlɔ tə ləghaa, ghùw ù tə ŋ kele èmùghù, lò sugho alo ebughunlo.

1 Kòlentìan 10:12

À fi lo enyəa ghùw wəlà ù kwo enyəa e tɔ̂ʼ tì nû, ù nìi kɔʼ eghômlò, ù lò neē bvʉā.

1 Kòlentìan 14:37

Abugho ghùw mòʼò enyəa e lo ghùwshʉ̀ghà ŋkāa e lo ghùw wəla ù ki Zuʼ tə̀ Zɔlɔ to, ù kì tsughu boō tsughu enyəa ghəa ghəlà Ǹ tɔɔ̄ wô fɛ à tsə̀ghàso tsughu Mughu ù te enyəa Ǹ tɔɔ̄ wô.

1 Kòlentìan 2:15

Ghùw wə nsɔ̌ɔŋnchùw wəlà ù ki Zuʼ tə Kəzə tò a zəŋò wə̄n zuuwkɛlɛ nù səŋò zò aŋ ghəa ghən a dzəm, ghùw nsɔ̌ɔŋnchùw ù lì vʉ̀a ù kuūwn yo alesāʼ wə̄n,

1 Kòlentìan 3:1

Waazə̂ ghaŋa gho, mùgho fə̀ yo dzə̂ alekəaa wo ghəa gho â ghɛ̀ tò aŋghəa Ǹ lo alekə̀aa ndûw â ghì ghəla ghe ki Zuʼ tə̀ Zɔlɔ to, mùgho fə̀ ghəa gho â ghɛ̀ kəaa wo to wɛghêtùghù ghəla fə̂ŋ tə ghee tə lo mo tə kaām nɛɛ dzə̀ aŋ ghəa a Kə̀lestò.

1 Kòlentìan 4:21

Ghɛ̀ ləghaa kə̀ kwò à? M̀ bughò â kwùu zò alô ghɛ̀, ŋkāa â ləgha zo am fə̂ŋ è bùghùnlo à?

1 Kòlentìan 7:5

E kwo ko chìa lò mʉā wàazə â ghue u wə̄n wo à gɔ̀ʼɔ̀ ko mo ghe ndôʼ sǎan tsughu aleghəə̄ŋ tsughu êzə aŋ gha kə̀ li ko, abugho ghe tsə̂m tsughu alenìi kɔʼ enəgha alegɔ̀ŋlò; Abugho ghe gɔ̂ɔŋ mɛʼɛ̀ tsughu, ghe ŋ kòom daŋso kàʼ ndùw ebàm, e kwo Satàn lò tsoō kɔʼɔ ghùw ù ghee abugho ghe yo alekwuū kelê ghue e ghee.

2 Kòlentìan 10:1

À lò ghuūghùe waŋā Pôl, Ǹ zumso buʼū wô ghu ko â ghɛ̀ an zən e Kə̀lestò wəla ù bughunlō, zʉ̀ lò sugho; mùghò wəla ghî a li a kə̂aa kaŋlo enyəa, abugho Ǹ ti an sə kɛʼɛ̄ mùghò n tsəŋlo, mùghò ŋ kuuwn ki fə̀ŋ abugho Ǹ nughù nduw!

2 Kòlentìan 2:7

E fɛ èzəŋ e lo ko enyəa ghɛ̀ ŋ ki aleghuūw maʼà bo e wə̄n, ghɛ̀ ŋ kòom dzə̀n nduw fə̀ŋ è wə̄n enyəa e kwo ko ù lò so doʼnlò alo emuŋe. Mò ghɛ̀ ka èzə ghəŋlo, muŋe e te lo aleghəəŋ wə̄n, fwee e wən e bughūu kômlò.

2 Kòlentìan 2:8

M̀ fɛ êzəŋ e buʼu wò kəghu â ghɛ̀ enyəa, ghɛ̀ de nduw â wə̄n enyəa ghɛ̀ naam ləghaa ko nû wə̄n.

Gàlashìan 5:23

zʉ̀ kə emùghù àsùghò ghuw kə ebwìi kə̀ naŋso ko; abugho ghəa ghən enyə lǒ a zəŋò ghùw, làŋ kə̀ li yo dzə̂ alekɔlɔ̄ wə̄n.

Gàlashìan 6:18

Waazə̂ ghaŋa gho, gɔ̂ɔŋ zaŋa e lo enyəa, to Mughùbè ù sɛ̀ Yɛso Kə̀lestò mò dê ghɛ̀ a dzə̀m â dzɔ̀ e wə̄n zo. Zə e lo ko êzə̀.

1 Tɛ̀sàlonìan 4:1

Alendùw â sə ko a waazə̂ ghaʼa gho, ghàʼ toon wò ghɛ̀, dzàa wò sùghò â ghɛ̀ an zən e Mughubè Yɛso enyəa ghɛ̀ è mughu nduw ko ŋgòʼ è mùghùu zəla ghǎʼ mò zoʼn ghɛ a te, tò aŋghəa ghɛ̀ nyɔʼɔ ghəəŋ dzə̄ ezə̄ŋ, àsùghò enyəa ghɛ̀ è naam mughu nduw ko mughùu e te zo êzə̀.

2 Tɛ̀sàlonìan 3:15

E kwo ko ghɛ̀ lô so e nîi ŋgòʼ e ghùw ù te tǒ ghùw ù kə tuw wɛʼɛ, ghɛ̀ ŋ kuuwn tsʉ̀a ndùw ko wə̄n tǒ wàazə̀ wɛʼɛ.

2 Timotì 2:25

Ù kì alemaʼn tsughuu ghue wo alezoʼn ghì ghəla ghe kee təghasò shwaʼ wə̄n wo, kwo tən am fə̂ŋ e wə̄n enyəa Zə̀ kə̀ lo nû aleghəŋlo ghe tiī maʼà ghəa a ghee à biigh gho, ghe bugho zuūwkɛlɛ kɔʼ êsəŋò.

Hibùlù 12:13

ghɛ̀ è bwiī nduw an dziī zəla è lo tsəghatsəgha, enyəa ghî ghəla ghe bugho a bǎa ghɛ̀, aŋghəa ghe bûʼ lô ko bvuʼ wo, ghe ke e yo aleneē bvʉ̂, ghe e ke laam tughuu dzɔɔ̄.

Hibùlù 13:3

E moʼn tsughù nlò ghî ghəla ghe lo an ndughūtsaʼ, tò è soō ghɛ̀ a ghee lo a dzə̀m an ndùghūtsaʼ e te. E moʼn tsughuu nlò ghî ghəla ghe tsuū ghee; nǐi tsughu nlò enyəa ghɛ̀ zuuw sùgho fɔɔn zəla ghe zuūw.

Dzɛ̂ms 3:13

Abugho ghùw lò am bvʉa zɛʼɛ̄ enyəa e tɔɔ nù, vʉ̀a ù zuuwkɛlɛ sùghò ghəa gho, ù dèe tsughu ghəa a te gho am fwàʼ kə wə̄n kə̀ dzûŋ kò am mwam u wə̄n àsùghò an tɔ u wə̄n.

Dzɛ̂ms 3:2

Sɛ̀ a dzə̀m mǔuwn nɔʼɔ dàŋà tsə̀ghà nù. Abugho ghùw kuūwn nɔʼɔ̄ yo aŋ ghəa a wə̄n à kəaa gho, ù fi lo ghûw ù tsəghatsəgha, ù lò sugho nû alenaŋso ghuw kə ebwìi kə wə̄n ko.

1 Pità 3:15

E kuuwn fughuu ko nlò kɔʼso mò â Kə̀lestò am fə̀ŋ tɛʼɛ, ghɛ̀ e ni nduw wə̄n tò Mughu ù te. E ti tən ko nlò alo tətsə̀n alefughu fwə̀n kə edzughu â ghùw wəla ù kəŋo alekele gheə zəla ghɛ̀ gaʼ fə̀ŋ a te. Ghəa e bûʼ lô ko êzə̀, e maʼn tsughuu nlò ghue zo am fə̀ŋ tə̀ zɔlɔ to aleghəŋlo êzə̀.

1 Dzɔ̌n 5:16

Abugho ghùw kòʼ nduw wàazə̂ ù ghəə̄ŋ bo zəla ghùw yo alekpūw a te, ù ŋ gɔ̀ɔŋ tsughù Kə̀zə̀, Kə m fùghù waazə̀ ù te â mùghù e fughu zò, bòʼ bo e wə̄n zə̂a e yo alewī ghùw. Bo e lo nû e ghəŋlo ghùw mò è kpuw; M̀ fɛ dzàa wò yo â ghɛ̀ enyəa ghùw kì alegɔ̀ŋlò an tuw u ŋgòʼ è ghì ghəla ghe ghəəŋ tsughu bo e te zo.