Gàlashìan 5:6 - To kə Kəzə̀ kə̀ Fughu ko

⁶ Abugho ghe sugho tigh kə ghûw kò ŋkāa ghe tâʼkè sugho, zə ki dzə yo ghəa è li zo aleghəŋlo am mùghù e sɛ̀ à ghê Kə̀lestò Yɛso. Ghəa èsəŋò zəla e lo ghè zò lò enyəa, sɛ̀ ŋgaʼ fə̀ŋ a zəŋò Kə̀lestò an ləgha zəla a ki ghè zò.

Gàlashìan 5:6 Iomraidhean Croise

Lûk 7:5

tɔŋlo enyəa ù lə̀ghaa nù naʼ e sɛ̀ zò, vʉ̀a ù yòso, naʼ zəa e bəgha Ndùghènē.”

1 Kòlentìan 13:13

E fi lo enyəa ghəa ghən à təgha dòʼò tən nû to mbī kê bughò mîaa, ghəa a te a lo: alegaʼ fə̀ŋ a zəŋò Kə̀lestò, alechìi tùʼ alo eghəa àsùghò ləgha zo. Zəla e kuūwn bvuʼ ghəa a te gho a dzəm à lò eləgha.

1 Kòlentìan 7:19

Tɔŋlo enyəa ŋkāa ghe sugho tigh kə ghûw kò ŋkāa ghe doʼkè sugho, à yò dzə̂ ghəa è li zo, ghəa e te e lo enyəa ghù è naaŋ tsughuu lwâŋ u Kəzə̀ wò.

2 Kòlentìan 5:14

À sɛ̀ fɛ̀ êzə̄ŋ ki ləgha zəla Kə̀lestò ki â sɛ̀, aŋghəa sɛ̀ zuwkɛlɛ̄ tsughu dzə̂ enyəa ghùw ù lì maā kpuw an tuw u aghî a dzə̀m, à fi lo enyəa sɛ̀ a dzə̀m maā kpuw sùghò.

Gàlashìan 3:26

Tɔŋlo enyəa ghɛ̀ a dzə̀m lò wɛ a Kəzə̀ bòʼ ghɛ̀ gaʼ fə̀ŋ a zəŋò Kə̀lestò Yɛso.

Gàlashìan 3:28

Ghɛ̀ a dzə̀m èzəŋ e lò wɛ a Kəzə̀ bòʼ ghɛ̀ gaʼ fə̀ŋ a zəŋò Kə̀lestò Yɛso: nəŋò nəŋ è lì kôom yò dzə̂ a zəŋò ghùw ù Dzûu ghèe Tòʼò zò, ŋkāa, kəkɔ̂ ghèe ghùw wəla ù ndzə̀m mughu, ŋkāa a zəŋò wìnû ghèe wìzən.

Gàlashìan 6:15

Ghəa è li e ndôʼ yò, ka ghe sugho tigh kə ghûw kò ŋkāa ghe taʼkè sugho; ghəa è səŋò è lo ko enyəa sɛ̀ n ghì à fughu a doʼò.

Efɛsùs 6:23

Gɔ̂ɔŋ zaŋa e lo enyəa to Kə̀zə̀, Tsele u te ghèe Mughùbè Yɛso Kə̀lestò mò fughu ghɛ â bughun zo, ghe ghəəŋ tsughu enyəa ghɛ e ləgha nduw ghue zɛʼɛ zo, boom fughu nduw sugho â Kə̀lestò.

Kòloshìan 1:4

Ghàʼ enyə ghəəŋ tsə̀ghà bòʼ aŋghəa ghàʼ mò zuw tsughu enyəa ghɛ̀ gaʼ fə̀ŋ a zəŋò Kə̀lestò Yɛso, àsùghò bòʼ ləgha zəla ghɛ̀ ki â ghì a Kəzə̀ ghò a dzə̀m.

Kòloshìan 3:11

Am mùghù è fughu zən, nəŋōnəŋ è lì kôom yò a zəŋò Toʼò zò ghèe ghê Dzûu tò, ŋkāa ghî ghəla ghe sugho twigh u ghee wo ŋkāa ghe tâʼkè sugho, ŋkāa ghî ghəla ghe lô nyôm tò ŋkàʼ tò, ukɔ̂ ŋkāa ghî ghəla ghe ndzə̂m mughu. Ghəa è səŋò zò aŋ ghəa ghən kuuwn lò ko enyəa, à mìaa ko Kə̀lestò alo aghəa a dzə̀m, Kə̀lestò wəla ù lò a zəŋò ghì ghò a dzə̀m.

1 Tɛ̀sàlonìan 1:3

Ghə̄a ghàʼ zə̂əŋ zeē ko ghɛ aŋ gɔ̀ɔŋ zaʼa â Zə̀ kò, Tsele ù sɛ̀, ghàʼ nîi zə̀a yò fwàʼ kəla ghɛ̀ fwaʼā bòʼ ghɛ̀ boo fughu â Kə̀lestò, àsùghò ghəa à dzûŋ ghə̀là ghɛ̀ ghəŋlo â ghî ghò bòʼ ləgha zəla ghɛ̀ ki ghè zò, àsùghò tùʼ zəla ghɛ̀ ndzəmà chiī a zəŋò Mughùbè ù sɛ̀ Yɛso Kə̀lestò.

Hibùlù 11:8

À fə̀ lo bòʼ Abə̀làhâm fə̀ boo fughu tsughu â Zə̀ kò e fə̀ ghəŋlo enyəa ù zuw dzə̀ e Kə̀zə̀ aŋghəa Zə̀ kə̀ fə̀ tɔŋɔ wə̄n enyəa ù ndùw an lùʼù kəla ù fə̀ ki alendùw zə. Ù n sə̀ nùghù ndùw a fughu mò ù kwò yo luʼu kəla ù mò nduūw a fughu.

1 Pità 1:8

Ghəa ghɛ̀ lo ko mò ghɛ̀ kaam wə̄n m bûʼ kòʼ, ghɛ̀ yia ləghaa wə̄n, alekòom nîi tsughu sughò, ghəa ghɛ̀ koʼò ko yo wə̄n, ghɛ̀ yia naām boō fughu ko â wə̄n. Ghɛ̀ yia ki duʼnlo è ne zo àsùghò tsoʼn zəla ghùw buw aletɔ̀ʼɔ̀ teso dzɛ̂.