Gàlashìan 5:3 - To kə Kəzə̀ kə̀ Fughu ko

³ Ǹ naam dzàa kpèʼe wò ko nù; ghùw wəla ù boo kɔʼ enyəa ghe sugho tigh kə wə̄n ki alebôo lwàŋ u Tə̀dzûu u dzə̀m.

Gàlashìan 5:3 Iomraidhean Croise

Matìo 23:16

Ghɛ̀ ghî à foō ghəla ghɛ̀ tɛ̂ɛ bwîi ghî ghò, ghɛ̀ lo an tsù ù ne wo! Nu ghɛ̀ dzɛ̂ enyəa abugho ghùw kɛ̀ tsughu ndùghù è Kə̀zə̀ e ne, ù kɛ̀ màʼà kə̀nughùnùghù, mò ù kɛ̀ tsughu am fʉgha wəla u lo an ndùghù è Kə̀zə̀ e ne ghe ghəŋlo alo etsɛ̄, ù lô fî ghəəŋ nù ghəa ghəla ù mò kɛ̂ tsughu a te.

Matìo 23:18

Ghɛ̀ yia dzâa sugho enyəa, ‘Abugho ghùw kɛ̀ tsughu kəŋ zo, ù kɛ̀ màʼà kə̀nughùnùghù, mò ù kǔuwn kɛ̀ tsughu am fəgha kəla ghe sɛ̂ naŋā alo ekə̀ŋ, ù lô fî ghəəŋ nù ghəa zəla ù mò kɛ̂ tsughu a te.’

Lûk 16:28

ù ndùw kwɛ̂ɛn tsughu waazə̂ ghaŋa yì fughu a te, e kwo ko ghe ke bughòo sughò fɛ an lùʼù kə ŋgōʼ kən.”

Kə̀fwàʼ 15:1

Ghî à li ghə ŋ kòom ndùw nùghù tsùghù ko an Dzùdîa, bùghò kàʼ wò ghì ghəla ghe boō fughu â Kə̀lestò an Antìok a lùʼù tsʉā wo enyəa, “À gɔ̀ʼɔ̀ mo ghe sugho tigh kə̂a aŋ ghəa bughōo kə Musî kə̀ deē, ghù yò dzə̂ alezə̄ kə̄tūw.”

Kə̀fwàʼ 2:40

Pità ŋ ŋge buʼ tsughu kəghu â ghee enyə, kə̀aa kpèʼe sùghò ndə̀mà tə ushwaʼ tə̀ li to, dzàa ndùw â ghee enyəa, “Baaŋ sə nlò ghue zɛʼɛ zo aŋ ghùu bəən tə aghì tə nɛ ten.”

Kə̀fwàʼ 20:21

geen ndùw ghì a Dzûu àsùghò Tòʼò zò enyəa ghe a dzə̀m kuūwn kɔʼ emwam, ghe boo ndûw â Zə̀ kò àsùghò â Mughùbè ù sɛ̀, Yɛ̀so Kə̀lestò.

Lumà 2:25

Abugho ghe sugho tsughu tigh kə ghûw kò, a lò ghəa e dzûŋ zò abugho ghùw u te bwîi aŋghəa lâŋ kə Musî kə̀ deē, abugho ghue u ghùw u te ù bwìi yo alo kəlàŋ, a mo soō to ghe mo biso sugho dzə̀ tigh kə ghûw u te.

Gàlashìan 3:10

Ghî ghəla ghe moʼò enyəa ghe kê lò tsəghatsəgha a vʉ̀a Zə̀ kò bòʼ ghe naāŋ dzə̂ lâŋ kò, à lo ghî ghəla Zə̀ kə lo dzûuw maʼn ghee; nu ghe tɔm naŋa am Mwàʼsò kə Kəzə̀ enyəa, “Ghùw wəla ù tɔ̀ʼɔ̀ bwîi mɛʼn yo aŋ ghəa ghən à dzə̀m ghe tɔm naŋa am Mwàʼsò kə Kəlàŋ, vʉ fi lo ghùw wəla ghe lo dzûuw maʼnlo.”

Gàlashìan 5:2

Tɔ̀ʼɔ zhəən wò nlò shwaʼ wəla mùghò Pôl, Ǹ dzâa wo êzəŋ â ghɛ̀. Abugho ghùw wɛʼɛ kôom boo tsughu enyəa ghe sugho tigh kə wə̄n, to e doʼò tsəghatsəgha a vʉ̀a Zə̀ kò, a fi lo enyəa fəgha kə̀là Kə̀lestò mò fwàʼ kòom kì dzə yo namso kə̀ li ko am mùghù e ghûw ù te.

Gàlashìan 5:6

Abugho ghe sugho tigh kə ghûw kò ŋkāa ghe tâʼkè sugho, zə ki dzə yo ghəa è li zo aleghəŋlo am mùghù e sɛ̀ à ghê Kə̀lestò Yɛso. Ghəa èsəŋò zəla e lo ghè zò lò enyəa, sɛ̀ ŋgaʼ fə̀ŋ a zəŋò Kə̀lestò an ləgha zəla a ki ghè zò.

Efɛsùs 4:17

Tɔ̀ʼɔ naŋa wò nlò tuūŋ ko an tsʉ̀ zəla Ǹ tsʉ̂a wô ghɛ fɛ a te an daʼa kə Mughu u te, enyəa, ghɛ̀ ka kôom mùghù dzə̀ ŋgòʼ è mùghù zəla Toʼò e mughu ghè zo, nu ghe moʼn təla ko ghəa ghəla a kwuū yô ghəa zo.

1 Tɛ̀sàlonìan 4:6

Alenìi tsughu aŋ ghəa ghəla ghàʼ dzɛ̂ tsughu fɛ, e kow ko ghùw wɛʼɛ lô so e tsêe wàazə ŋkāa ù ghəəŋ wə̄n à bo è li zo. Mughu u te lo fɔeso nù ghî ghəla ghe ghəəŋ ghəa ghən gho. Ghàʼ maā ghɛ aŋ ghəa ghən kì kwɛ̀ɛn naŋa wò.

1 Dzɔ̌n 4:14

Sɛ̀ ŋ kòʼ, yia a teso dzàa sùghò enyəa, Tsele n tùm wǒ Wɛ ù wə̄n ù nùu enyəa ù bùghò bəghāasə̄ mbī.