Gàlashìan 5:2 - To kə Kəzə̀ kə̀ Fughu ko

² Tɔ̀ʼɔ zhəən wò nlò shwaʼ wəla mùghò Pôl, Ǹ dzâa wo êzəŋ â ghɛ̀. Abugho ghùw wɛʼɛ kôom boo tsughu enyəa ghe sugho tigh kə wə̄n, to e doʼò tsəghatsəgha a vʉ̀a Zə̀ kò, a fi lo enyəa fəgha kə̀là Kə̀lestò mò fwàʼ kòom kì dzə yo namso kə̀ li ko am mùghù e ghûw ù te.

Gàlashìan 5:2 Iomraidhean Croise

Kə̀fwàʼ 15:1

Ghî à li ghə ŋ kòom ndùw nùghù tsùghù ko an Dzùdîa, bùghò kàʼ wò ghì ghəla ghe boō fughu â Kə̀lestò an Antìok a lùʼù tsʉā wo enyəa, “À gɔ̀ʼɔ̀ mo ghe sugho tigh kə̂a aŋ ghəa bughōo kə Musî kə̀ deē, ghù yò dzə̂ alezə̄ kə̄tūw.”

Kə̀fwàʼ 15:24

Ghəa ghàʼ lô mò ghǎʼ n zuw enyəa ghî à li a mò sə kɔʼ fɛ am bvʉa zaʼā bùghò fə̀mso ghɛ̀ an tsʉ̀ è li zo, sàʼ màʼà tsùghù môʼn zɛʼɛ, mò à kà ghǎʼ ghee bûʼ tùm sùghò.

Kə̀fwàʼ 15:5

Ghî à li gho an dzeŋe kə Falàsîi ghe fə̀ boō fughu tsughu â Kə̀lestò, n nùghù è kɔʼ kàʼ ndùw alekə̀aa enyəa, “E dzɔ̂ɔ nù enyəa to Toʼò è mô sùghoo tsūghûu twii e ghee, ghe e naaŋ tsughuu lâŋ kə Musî kò.”

1 Kòlentìan 16:21

Zən kuuwn lò tɔɔŋ zaŋa mùghò Pôl, Ǹ tɔm tsughu aŋ ghu kaŋā.

2 Kòlentìan 10:1

À lò ghuūghùe waŋā Pôl, Ǹ zumso buʼū wô ghu ko â ghɛ̀ an zən e Kə̀lestò wəla ù bughunlō, zʉ̀ lò sugho; mùghò wəla ghî a li a kə̂aa kaŋlo enyəa, abugho Ǹ ti an sə kɛʼɛ̄ mùghò n tsəŋlo, mùghò ŋ kuuwn ki fə̀ŋ abugho Ǹ nughù nduw!

Gàlashìan 5:11

Waazə̂ ghaŋa gho, abugho e mô lô enyəa Ǹ naam zoʼn kaaŋ ko aghì enyəa ghe e sughoo tiigh ko, à sò lǒ kwo ghe tsôo naām ndzaŋsō kaāŋ ko mugho a? Abugho M̀ mô zoʼn kaāŋ yô ghì ghò aŋ ghəa ghən enyəa Kə̀lestò mò kpuw alo kədàŋlo, to ghùw ù lì mò so pfʉ̀so yo nʉghà.

Gàlashìan 5:6

Abugho ghe sugho tigh kə ghûw kò ŋkāa ghe tâʼkè sugho, zə ki dzə yo ghəa è li zo aleghəŋlo am mùghù e sɛ̀ à ghê Kə̀lestò Yɛso. Ghəa èsəŋò zəla e lo ghè zò lò enyəa, sɛ̀ ŋgaʼ fə̀ŋ a zəŋò Kə̀lestò an ləgha zəla a ki ghè zò.

1 Tɛ̀sàlonìan 2:18

Ghǎʼ mò kuuwn ŋgee ləghaa nû alebùghò kôʼ ghɛ̀. Ghuūghùe waŋa Pôl, M̀ maā də̂m an ndə̀m è tə̀nə̀gha, Satàn ŋ kuuwn tə̀ghàsò ghàʼ.

Filemùn 1:19

À lò mugho Pôl Ǹ tɔɔ wô mwàʼsò kən ko aŋ ghu kaŋa. Ǹ lo tsəa tsə̀ghà wò nù ghû ebàm â fəgha kəla ù ki â ghù — kuuwn kele tsughu ko enyəa fəgha kəla ghù lǒ ghè ko alo bòʼ mùgho.

Filemùn 1:9

ghəa Ǹ sô ləghaa ghû, zə lo e ghee Ŋ̀ kuūwn buʼu wô ghû â ghu ko, mùghò Pôl tò noo kə te ko, kəla kə lô sugho ezəŋ an ndùghùtsaʼ aŋ ghəa e Kə̀lestò Yɛso.

Hibùlù 4:2

Tɔŋlo enyəa ghe maā làbəlà e dzùŋ zən â sɛ̀ naʼa wò, to aŋghəa ghe fə̀ naʼà ndûw sugho â wɛ ghə Ezə̀lɛ̂ ghəla ghe fə̀ lo aŋ ŋgwən. Làbəlà zəla ghe fə̀ naʼa nduw â ghee ŋ kè kuuwn kwu eghəa, bòʼ ghî ghəla ghe fə̀ zuw làbəlà e te ka fə nî naŋa dzə̀ am fə̀ŋ tə ghee.