Gàlashìan 5:10 - To kə Kəzə̀ kə̀ Fughu ko

¹⁰ Ŋ̀ ŋgaʼ fə̀ŋ a zəŋò Mughu ù te enyəa ghɛ̀ lo kòom zuw yo tsʉ̂ e ghûw ù lì zo, tsə̀ghà sə̌a ko yo tsʉ̂ zəla Ǹ lo mò mùghò m fughu â ghɛ̀. Mò à kôom lò ko ndugho ù fwə̀là sə ghɛʼɛ gho, a lô wə̄n fɔeso ko Kə̀zə̀ abugho ghùw ù te tso lô ko kwò ko.

Gàlashìan 5:10 Iomraidhean Croise

Kə̀fwàʼ 15:24

Ghəa ghàʼ lô mò ghǎʼ n zuw enyəa ghî à li a mò sə kɔʼ fɛ am bvʉa zaʼā bùghò fə̀mso ghɛ̀ an tsʉ̀ è li zo, sàʼ màʼà tsùghù môʼn zɛʼɛ, mò à kà ghǎʼ ghee bûʼ tùm sùghò.

1 Kòlentìan 5:5

Ghɛ̀ ki alezèe fughuu ndûw ghùw wən â Satàn tò ù wiī maʼà tsughu gwən e ughùe e wə̄n, to fə̀ŋ è wə̄n e ke lo alezə kətuw an tsuʼ wəla Mughùbè Yɛso lo bughoo ebàm a te.

2 Kòlentìan 1:15

Ghəa mùgho mò tɔ̂ʼ kwo ghəa ghən, mùghò n ləghaa alebùghòo dzə̂ alô ghɛ̀ esə̄, enyəa ghɛ̀ lô kpaʼā kele maāŋ kɔʼɔ̄ namso ko.

2 Kòlentìan 10:2

M̀ buʼu kə̀ghu â ghɛ̀ enyəa e kwo ghɛ̀ lô tsəə̄n mugho enyəa mò bughò fì, mùghò ŋ kə̂aa ghɛ̀ â ghəa gho an tɔɔn kə dzə̂, nu Ŋ̀ kwo nû enyəa Ǹ lo nû alekə̀a tɔɔŋ kə dzə̂ â ghì ghəla ghe moʼò enyəa to M̀ mô ghə̌əŋ wò àghəa aŋghəa mbī ləghaa.

2 Kòlentìan 10:6

Ghàʼ yəa ti ko an sɔ̀ŋ è bii zo alebɛ̄ mbɛ̄ an tuw kə ghì ghəla ghe zuūw yo â Kə̀lestò, abugho ghɛ̀ lo doʼò mɛʼɛ̀ tsughu ghî ghəla ghɛ̀ tɔʼɔ̀ zuūw â Kə̀lestò.

2 Kòlentìan 13:10

Ŋ̀ ghəa ghən fɛ tɔɔ mò Ǹ yo fì sɛ̀ enyəa abugho Ǹ lo bugho, mùghò è ke kôom tɔɔn yo aledè dwaʼa wəla Mughu ù te fughu â mùghò, mo e lo alebə̄ghāa tīsō kɔʼ, mò à yò dzə̂ alebuu saʼā.

2 Kòlentìan 2:3

Zən lò e ghee mùgho mò tɔm wô ghɛ â mwàʼsò kə̀ chî, enyəa abugho M̀ mô bughòo kpeʼē, e kwo Ǹ lô bughò fanlō aŋ ghùu ghì ghəla ghe mô ki aleghəŋlo enyəa mùghò è tsoʼnlo. Zən lǒ bòʼ Ǹ tɔ̂ʼ kwò nû ghɛ ghə̀n à dzə̀m, enyəa abugho Ǹ duʼnlō, à fi lo enyəa ghɛ̀ duʼn sùghò nù.

2 Kòlentìan 2:6

tɔŋlo enyəa tsû wəla ndə̀m è àghì am bvʉa zɛʼɛ̄ lo mo ghe m fughu â ghùw tò wən, u kpe nû.

2 Kòlentìan 5:16

À fì lò enyəa alenìi nughù tsughu êzə̄ŋ ndùw â sə ko, sɛ̀ ki dzə yo aletsòo nìi ko ghùw aŋghəa ghî à koʼò ndûw kôʼ e wə̄n zo a te mbuu sɛ̀ fə̀ bûʼ nî dzə Kə̀lestò aŋ kôʼ e wə̄n, sɛ̀ yia kôom yo alenì wə̄n êzə̀ êzə̄ŋ.

2 Kòlentìan 7:16

Ǹ duʼn nù enyəa ghɛ̀ lo nû ghî ghəla Ǹ lo alenaŋa fə̀ŋ a te, alo aghəa a dzə̀m.

2 Kòlentìan 8:22

Ghàʼ tuu wò wàazə̀ ù sɛ̀, wəla ghǎʼ mò mɔ̂msò kôʼ tsughu, bùghò kòʼ tsùghù enyəa ù kì nû ghɛ̂ zò an ndə̀mà tə̀ aghəa, mò ù kǔuwn ki eghɛ̂ êzəŋ tsə̀ghàtàʼà aŋghəa ù mò bûʼ ki bòʼ ù nàŋa fə̀ŋ a zəŋo ghɛ̀.

Gàlashìan 1:7

mò làbəlà è te tso bùʼ yò sugho làbəlà è dzùŋ. Ghî à li yia kuūwn sêe məŋso ghɛ, ghe dəmà ko alefɔɔ̄ maʼà làbəlà è dzùŋ è Kə̀lestò zən.

Gàlashìan 2:4

Ghəa à sughoo a kətigh ghən fə̀ sə kɔʼ wo bòʼ ghî ghə agha à li gho ghe fə̀ ŋgaām nyə wo am bvʉa e ghì a Kəzə̀, ghe n nɔmlo agha enyəa ghe lo ghî a Kəzə̀. Mo e ghee e fə̀ lo ko alebùghò tsêen kôʼ ndzə̀m kə emùghùu kəla a mughu aŋghəa sɛ̀ lô fəgha ko kə mɔ̀ʼ sɛ̀ à ghê Kə̀lestò Yɛso. Ghî ghə agha a te ghə n ləghaa enyəa ghàʼ doʼò tsughu ukɔ̂ a bàâ bughōo kə Tə̀dzûu kò.

Gàlashìan 2:6

Ghî ghəla ghe fə̀ dzɛ enyəa ghe lo tətsoʼ a fughu an dzeŋe ke te ko — kaa ghe fə̀ lo kwò kə ghee ko, e mò moʼo yo ghə̂a è li zo â mùghò; tɔŋlo enyəa Zə̀ kə̌ ghùw lɛ̌ɛn dzə̀ yò aŋ kòʼ e wə̄n. Ghî ghən fə̀ ki dzə yo ghəa è li zo tò kəsànlo ghe lo alefughuu wô â mùghò.

Gàlashìan 3:1

Huʼ, ndzə̀ŋ tə efùw tə Gàlashìa tə̀n, à ghɛ̀ yia boon naŋa ndùghò à? À fə̀ mgbaŋ yo an sə kɛʼɛ̄ ghe fə̀ teso dzaā dzì zəla Yɛso Kə̀lestò fə̀ kpuw a te, mo ghe wə̄n təghàa kɔ̀ʼ alo kədàŋlo a?

Gàlashìan 4:11

Tsəŋ zaŋa e fɛ lò enyəa mùgho ŋ ŋgɔʼɔ ko a zəŋò ghɛ̀ fwâʼ maʼà kə̀nughùghùghù.

Gàlashìan 4:17

Ghî à li ghən ki nu zǐi a zəŋò ghɛ̀, yìa à sò kuūwn lô ko enyəa ghe ki moʼnlò e biigh zo a zəŋò. Ghe êzə̀ ghəə̄ŋ ko alebàʼà nughù ghɛ̀ a zəŋò mùghò enyəa ghɛ̂ zɛʼɛ zə e lo tən ko a zəŋò ghee.

Gàlashìan 4:20

Ŋ̀ ŋgəmso ŋgee dìi nù enyəa to M̀ mô lǒ fì èzə̀ sɛ̀, tò M̀ fəghaan tsughu sugho dzə̀ zaŋa aleghəŋlo enyəa ghɛ̀ zuwkɛlɛ, tɔŋlo enyəa fə̀ŋ bàŋà mùghò a zəŋò ghɛ̀.

Gàlashìan 5:12

Dî zaŋa e lo enyəa, ghî ghəla ghe fəmso kaāŋ tsəgha ghɛ, to ghe mô kǔuwn kàa tsughu nù ghue e ghee zo.

Gàlashìan 5:7

Ghɛ̀ mò mgbaŋa bwiī dzɔɔ̄ nû, am fwàʼ kə Kə̀zə̀ kɛʼɛ. À màʼà ghɛ koōm bughu naŋa ndughoo enyəa ghɛ̀ ka tee tən tsughu ko an səŋò e te zo a?

Gàlashìan 6:17

E kwo ghùw lò so e kôom fə̀mso mùghò, tɔŋlo enyəa na kə fəsə̀ghà kə̀là ŋ ki a zəŋò mùghò dèe enyəa, Ǹ lo ghûw ù kə̀fwàʼ ù Yɛso.

Fèlepìan 3:15

Sɛ̀ ghəla sɛ̀ lo mo sɛ̀ n noo kpe aŋ ghəa a Kəzə̀, sɛ̀ ki alelɛɛn ghəa gho an dzì è mɔ̀ʼɔ è te. À m bùghò ghəa zəla tuw kə kpuūw ghɛ a te, Zə̀ kə ŋ ghəəŋ ghɛ̀, ghɛ̀ mò è kele.

2 Tɛ̀sàlonìan 3:4

Ghàʼ kwo tən nû am fə̂ŋ taʼa enyəa Mughu ù te fwaʼà nù a zəŋò ghɛ̀, enyəa ghɛ̀ fwaʼà nù ghəa ghəla ghǎʼ mò dzɛ̂ naŋā â ghɛ, àsùghò enyəa ghɛ̀ yia lo ghəəŋ ndûuŋ tsəgha ghəa a te gho

1 Timotì 1:20

Hɛmɛnùs ghèe Àlɛ̀zandà lô ŋgòʼ è ghì a te gho. Mùghò ŋ ghee a te gho a bə̀ghà nî fùghù sə̀ ndùw â Satàn enyəa ù ghə̂əŋ ghəa zəla ù lo aleghəŋlo â ghee. Zən lo ghəəŋ nù, ghe zoʼn tsughu enyəa ghe ki dzə yo alesuūwn Zə̀ kò.

Filemùn 1:21

Ŋ̀ kûum kwò nû enyəa ghù zǔuw nù lâŋ ko, zə lo e gheə aŋghəa Ǹ tɔɔ̄ wo mwàʼsò kən ko â ghùw, kwo tən nû enyəa ghù lo ghəəŋ nù ghəa ghəla M̀ bvʉa wo â ghù, ghù buʼ ghəəŋ tsəghataʼā.