Gàlashìan 5:1 - To kə Kəzə̀ kə̀ Fughu ko

¹ Kə̀lestò mafə sɛ̀ zue sə enyəa sɛ̀ ka kôom fwàʼ sùghò kɔ̂ ko a tsəlā làŋ kò. A fi lo enyəa ghɛ̀ ki alefəghaan tɔʼɔ̀ tēe, e kwo ko ghùw wɛʼɛ lǒ so e bomlo alefwàʼà kpeʼe kə̀kɔ̀ a tsəlà làŋ kə̀ loʼ ko.

Gàlashìan 5:1 Iomraidhean Croise

Matìo 23:4

Ghe fughuu àghì â mbùŋ kəla kə də̂n tsəgha ghee, mo ghuūghùe e ghee e bûʼ yò alebòʼò zuw ghùw â mbùŋ kə te ko.

Lûk 5:38

Ghùw lǎam ki aledzə̀n sə̀ŋ zə̀ nlʉ̀ an sùʼ è fughu.

Kə̀fwàʼ 15:10

À sò èzəŋ lo kwò ghɛ̀ sô lo tò ghɛ̀ mɔ̂ɔkòʼò Kə̀zə̌ a alenìi boʼò fughuu tsughu kəmbùŋ â tsə̀təndə̄ghā to mò ghê tselè sɛ̀ mò yo alebòʼò, sɛ̀ yia yô sughò alebòʼò lo a?

Lumà 6:14

Bo e lo kòom kì yo daʼa kə̀ li ko a zəŋò ghɛ̀, mbuu ghɛ̀ kôom yò dzə a tsəlà làŋ kò, nu ghɛ̀ êzəŋ kuuwn mùghu an dzɔ̀ e Kəzə̀.

Lumà 6:18

Aŋghəa ghe lo mo ghe ŋ ghɛ̀ am fàŋà kə ebo zê zə̀ghà, ghɛ̌ èzəŋ lo ukɔ̂ â Zə̀ kò aleghəəŋ ghəa ghəla a lô tsəghatsəgha.

Lumà 7:3

Abugho wìzən ù te ti nî nduw wìnû ù lì mò num ù sʉesʉ wən naam lǒ â tuw ko, à fi lo enyəa a ki aletɔŋɔ wìzən ù te enyəa à lò nùuŋ kə wîzən. Abugho e kuuwn lô enyəa num ù sʉesʉ u te kpuw nû, à fi lo enyəa wìzən ù te n sə̀ nùghù an làŋ kə te ko. Mò ù ndùw nì ko num ù nùghù, e te e yo dzə e nûŋlò.

Lumà 7:6

Yia kuuwn bugho ezəŋ, ghe n sɛ̀ am fàŋà kə kəlàŋ zê zə̀ghà, sɛ̀ èzəŋ e lo tò ghî à kpuuwn gho â fəgha kəla kə mò ki tsəgha daʼa ko a zəŋò ghɛ̀. Sə̀ kôom fwàʼà yo aŋghəa làŋ kə deē, sò kǔuwn mughu mùghù è fughu zəla Zuʼ tə̀ Zɔlɔ tə fughuu.

Lumà 8:15

Tɔŋlo enyəa Zuʼ təla Zə̀ kə fughu wo â ghɛ̀ ghə̂əŋ dzə̀ yo enyəa ghɛ̀ doʼò tsughu kɔ̂ wò tò ghɛ̀ è kòom tsəŋo ghəa gho; tə laam ghəŋlo enyəa ghɛ̀ dòʼo tsughu wɛ a Kəzə̀ gho. À lò Zuʼ tə Kə̀zə̀ tə te to tə ghəŋlo enyəa, sɛ̀ è nughuun diī ndùw â Zə̀ kò enyəa; “Bàba! Tsele waŋa!”

Lumà 8:2

Daʼa kə Zuʼ tə̀ Zɔlɔ kəla tə fughu mughù zò, kə m mùghò zê zə̀ghàa am bàm e Kə̀lestò Yɛso aŋ ghù daʼa kə ebo kəla è nîi wô vʉ zo.

1 Kòlentìan 15:58

Waazə̂ ghaŋa ghəla Ŋ̀ ŋgeē ləghaa, tɔ̀ʼɔ tee tsughu nlò, e kwo ko fəgha kə̀ li kə lô noʼsò ghɛ. Ghɛ̀ fughu nduw ghue zɛʼɛ zo alefwaʼā ko â Mughu ù te, ghɛ̀ e kwo tən enyəa fwàʼ kɛʼɛ kəla ghɛ̀ fwaʼā â Mughu ù te yo dzə kə̀nughùnùghù.

1 Kòlentìan 16:13

Tiso kɔʼ nlò tuw ko e dzūŋ, tɔ̀ʼɔ tee tsughu nlò aŋghəa zəla ghɛ̀ gaʼ fəŋ a te, kǎ nlò ghəa zo e tsəŋo, e tughuu nlò.

1 Kòlentìan 7:22

Tɔŋlo enyəa ghùw wəla Mughu ù te fə̀ tɔŋɔ̄ wə̄n mò ù lò kəkɔ̂, ù êzə̄ŋ e ndzə̂əm lò nû aŋghəa ù lò fəgha ko kə mɔ̀ʼ ghèe Mughu ù te. À lò sugho eghəla â ghùw wəla Mughu ù te mò tɔŋɔ̄ wə̄n mò ù ndzə̀əm lò nû fə̀n doʼò ndûw kɔ̂ kə Kə̀lestò.

2 Kòlentìan 11:20

Ghɛ̀ boom naaŋ nù abugho ghùw nì naŋā ghɛ tò ukɔ̂, ŋkāa zəāa an zuʼso fɛʼɛ̄, ŋkāa tsèe ghɛ̀ nìi nùghùun fʉgha wɛʼɛ, ŋkāa kɔʼso èghue, ŋkāa abugho ù ghəə̄ŋ ko ghəa à nyuɛʼɛ̄ a fə̂ŋ ghò ênzə̂n a zəŋò ghɛ̀.

2 Kòlentìan 3:17

Ezə̀ŋ, Mughubè ù te wən lò Shʉghà u te wo, luʼū kəla Shʉghà u Mughu ù te u lo a fughu, ghî a kôom mùghù yo a tsəlà làŋ kò a fughu.

Gàlashìan 2:4

Ghəa à sughoo a kətigh ghən fə̀ sə kɔʼ wo bòʼ ghî ghə agha à li gho ghe fə̀ ŋgaām nyə wo am bvʉa e ghì a Kəzə̀, ghe n nɔmlo agha enyəa ghe lo ghî a Kəzə̀. Mo e ghee e fə̀ lo ko alebùghò tsêen kôʼ ndzə̀m kə emùghùu kəla a mughu aŋghəa sɛ̀ lô fəgha ko kə mɔ̀ʼ sɛ̀ à ghê Kə̀lestò Yɛso. Ghî ghə agha a te ghə n ləghaa enyəa ghàʼ doʼò tsughu ukɔ̂ a bàâ bughōo kə Tə̀dzûu kò.

Gàlashìan 3:25

Yia kuūwn bughò êzəŋ wəla ghəa è gaʼā a fə̂ŋ zən bugho, à kà kòom kwukele dzə̀ lâŋ kǒ sɛ̀.

Gàlashìan 4:26

Yia a kuūwn bughò Yɛ̀lusalɛ̀m zəla è lò e dzūŋ, ndzə̂əm lò aŋ ghùe u wə̄n, yìa lo zə̂ ù sɛ̀.

Gàlashìan 4:31

Waazə̂ ghaŋa gho, ghəa e te e lo enyəa sɛ̀ yo dzə̂ wɛ a kəkɔ̀ ghò, sɛ̀ laam lò wɛ a wìzən wəla ù ndzə̀əm mughu.

Gàlashìan 4:9

Yia a kuuwn bughò êzəŋ wəla ghɛ̀ kele tsughu Zə̀ kò, ŋkāa aŋghəa Zə̀ kə̀ kwo ghɛ, ghɛ̀ lo ênzə̂n alekòom nughù ndûw èbàm a vʉ̀a bvùʼù mə̀ nzə̀a ŋ kə̀nughùnùghù məla n saʼā mbī zən a, alendùw doʼò kpeʼe ndûw ukɔ̀ u gheē a?

Gàlashìan 5:13

Yia a bughò ghɛ a waazə̂ ghaŋa gho, Zə̀ kə̀ mò ghɛ shìaa nughu sə wo enyəa ghɛ̀ e ndzəə̄m mughu. E kuuwn kwo ko ghùw wɛʼɛ lô so e nîi ndzə̀m kə emùghù kə te ko tò dzì è lì â wə̄n aleghə̂əŋ ghəa à biigh ghəla gwən e eghuè zɛʼɛ e ləghaa ghè ghò. E laam kuuwn mughu nlò alo eləgha, yosò sùghò ghue zɛʼɛ.

Efɛsùs 6:14

Zən lo dzì zəla ghɛ̀ ki aletee a te, ghɛ̀ kì alenìi kɔʼ esəŋò tò fəkwûu alekɔlɔ̄ tughuso nyəaā ndûw ndzʉ tɛʼɛ a te alo esā, ghɛ̀ è lo sugho tsəghatsəgha aŋghəa ghɛʼɛ à ghəəŋ gho tò kəkə̀ŋ aŋ chichi kɛʼɛ.

Fèlepìan 1:27

Ghəa è səŋò zə èzəŋ e lo ko enyəa, ŋgòʼ è dzì zəla ghɛ̀ mughu a te ki alelo fəgha kəla làbəlà è dzùŋ è Kə̀lestò dzâa ghè kò, enyəa abugho M̀ bùghò kôʼ ko ghɛ ŋkāa M̀ bûʼ buw ko alebùghò kòʼ ghɛ̀, mùghò è ke lo alezuūw wo enyəa ghɛ̀ kûum tì nû alo kəfəgha kə mɔ̀ʼ, àsùghò enyəa am fə̂ŋ e mɔ̀ʼ, ghɛ̀ è dəma alekwuū kelè boo zəla ghɛ̀ zoʼn kɔʼ an làbəlà è dzùŋ è te.

1 Tɛ̀sàlonìan 3:8

Ghàʼ lo nû alendzəə̄m mughu êzə̄ŋ abugho boo zɛʼɛ̄ e nyɔ̂ʼ ti dzə̄ èzə̀ aŋ ghəa e Mughu ù te.

2 Tɛ̀sàlonìan 2:15

Waazə̂ ghaʼa gho, à fi lo enyəa ghɛ ki alefəghaan tee tsughu, ghɛ̀ gaʼ tsughu tuw ko an shwaʼ ù Kə̀zə̀ wəla ghǎʼ fə̀ naʼà wo â ghɛ̀ an dzə̂ ŋkāa à fə̀ tɔm wo alo kəmwàʼsò.

Hibùlù 10:23

Bùghò nlò tò sɛ̀ tɔʼɔ̀ teē tsughu an tùʼ zəla sɛ̀ chiī ghè zò mo a tsəəŋ kaaŋ yo, tùʼ zəla sɛ̀ dzâa nduw sugho â waazə̂ a sɛ̀ ghò; tɔŋlo enyəa Zə kə̀ naaŋ nǔ to kə wə̄n kəla kə to tsughu.

Hibùlù 3:14

Abugho sɛ boō fughu tən tsughu ko nù alendùw kuʼù ndûw, yia a gaʼ tsughu ko fə̀ŋ a zəŋò Zə̀ kò aŋghəa a mò ki gaʼ a te sûesʉ, sɛ̀ lo zəa dzeeŋ sughò nù fʉgha wəla u lô Kə̀lestò wò.

Hibùlù 3:6

Kə̀lestò vʉ̀a ù kuūwn fwâʼ am fə̂ŋ e wə̄n e dzə̀m tǒ wɛ aŋ ghì a Kəzə̀. Sɛ̀ lo tǒ ndughu è wən abugho sɛ tee tsughu ko am fəŋ zəla a ki àsùghò am fə̀ŋ zəla a tsɔɔ an tuʼ zəla a chiī.

Hibùlù 4:14

Ghəa e lô dzə enyəa sɛ̀ ki nû Yɛso, Wɛ u Kəzə̀, tɔɔŋ Tuw kə fɔ̀e ù tughu wəla ù lǒ mò ù n tsə̀ghànyə alo kəwālā; to sɛ̀ mô tɔʼɔ̀ sɔʼn tsughuu ko ŋkāa am boo zəla sɛ̀ ki â Zə̀ kò.

1 Pità 2:16

Mughu tsughu nlǒ tò ghî ghəla ghe mughu ndzə̀əm kə emùghù kò; e kwo ko ŋgòʼ e èmùghù zən lo sô e doʼn tò kəndzə̀ghā â ghɛ̀ aleghəəŋ bo zo, e kuuwn mughu nlò tǒ kɔ̀ɔ ŋ Kə̀zə̀.

2 Pità 2:19

Ghê wàdè ghə agha a te a zoʼn ndùw ghee a te gho enyəa ghe e ndzə̀m mughu, lo êzə̀ mo ghuūghùe e ghee lo ukɔ̂ â bo zo. Zə êzə lo bòʼ enyəa abugho ghəa enyə tughu tsughu a zəŋò ghùw, ghùw ù te m fwə̀n dòʼò ndùw kə̀kɔ̂ a bǎà ghəa e te zo.

Dzûd 1:3

Fən a fə̂ŋ ghaŋa à dzûŋ gho, mùgho mò kuuwn ki nû moʼn zò aletɔɔ̄ wô ghɛ̀ â mwàʼsò kò kùu ndùw aŋghəa Zə̀ kə̀ lo dzeŋe bəghaasəa sɛ̀ a dzə̀m a te, yìa Ŋ̀ kôom kôʼ tsughu enyəa, Ŋ̀ ki nû alebuʼu wô kə̀ghu â ghɛ̀ enyəa ghɛ̀ tɔʼ tee tsughu am boo zəla ghe fə̀ ki fughu naŋā to â ghî a Kəzə̀ à zɔlɔ gho a dzə̀m, fughu tən ko êsəŋò.

Edêe Fughu 2:25

mò a mìaa ko yo enyəa ghɛ̀ tɔʼ kwu kele tsughu ko nlò ghəa ghə̀là ghɛ̀ bûʼ ki tò Ŋ̀ kê telè bughò.

Edêe Fughu 3:3

Mòʼn wò nlò fəgha kəla ghe mò zoʼn tsughu ghɛ̀ a te, àsùghò ghəa ghə̀là ghɛ̀ mò zuw; ghɛ̀ e naaŋ lâŋ kə te ko, ghɛ̀ maʼa bo zo. Abugho ghɛ̀ tàʼkè nughù kɔʼ, Ǹ lo soʼō nyəa wô a zəŋò ghɛ̀ mò ghɛ̀ kwò naŋa yo tò ghûw ù tsɔ̀ŋɔ. Ghɛ̀ lo tsoo kele yo nəgha zəla Ǹ lo soʼō nyəā a te a zəŋò ghɛ̀.