Gàlashìan 4:9 - To kə Kəzə̀ kə̀ Fughu ko

⁹ Yia a kuuwn bughò êzəŋ wəla ghɛ̀ kele tsughu Zə̀ kò, ŋkāa aŋghəa Zə̀ kə̀ kwo ghɛ, ghɛ̀ lo ênzə̂n alekòom nughù ndûw èbàm a vʉ̀a bvùʼù mə̀ nzə̀a ŋ kə̀nughùnùghù məla n saʼā mbī zən a, alendùw doʼò kpeʼe ndûw ukɔ̀ u gheē a?

Gàlashìan 4:9 Iomraidhean Croise

Matìo 11:27

Ghəa Yɛso gɔ̀ɔŋ mɛʼɛ̀ tsughu, ù n dzɛ̀ â ghì ghò enyəa, “Bəghà m mùghò â ghəa gho a dzə̀m fughu; ghùw ù lì kwò yo Wɛ ù tè mò à gɔ̀ʼɔ̀ ko yo Tsele ù te, ghùw ù li kwò sugho yo Tsele u te, mò à mìaa ko yo wɛ ù te àsùghò ghùw wəla wɛ ù te tsə̂m tsughu aledè â wə̄n.

Lûk 5:38

Ghùw lǎam ki aledzə̀n sə̀ŋ zə̀ nlʉ̀ an sùʼ è fughu.

Dzɔ̌n 10:14

Ǹ lo bàʼàtə̀ndzì ù dzùŋ, Ŋ̀ kwo nû ndzì taŋa to, ndzì taŋa tia tə kwo sughò mugho.

Dzɔ̌n 10:27

Ndzì taŋa tə zuūwkɛlɛ dzə̀ zaŋa, yìa M̀ kwo ghee, ghee yia bwîi a bàâ mùghò.

Dzɔ̌n 17:3

Mughù e doʼn təla zən lǒ â ghee alekwō ghû, Zə̀ kə̀ səŋo kən kə mɔ̀ʼ, kwo sugho Yɛso Kə̀lestò wəla ghù mò tum wô fɛ am mbī.

Lumà 8:29

Ghî ghəla Zə̀ kə mò ki kwo ziī ŋ ghee tsuʼ naŋa enyəa ghee e lo sugho tǒ wɛ ù wən ù nùu wən, enyəa wɛ ù wə̄n ù nùu ù wən e lo wɛ ù sûesʉ am bvʉa e ndə̀m è ghì ghəla ghe boō fughu â Zə̀ kò.

Lumà 8:3

Tɔŋlo enyəa ghəa ghəla lâŋ kə fə̀ yo aleghəŋlo, bòʼ ghùw nsɔ̌ɔŋnchùw fə̀ lɛɛ kôom nû, Zə̀ kə̀ ŋ ghəŋlo e tsughu. Zə̀ kə̀ n nì kɔ̌ʼ Wɛ u wə̄n tùm nyə̀ wò an ghueekətsə̄ aŋ kòʼ e ghùw mbī tò kefughu, alewiī maʼà èbo.

1 Kòlentìan 13:12

Fəgha kəla sɛ̀ koʼò êzəŋ tsô lò ko tò vʉʉn kə kəzəŋso alo kəlùŋgɛ̀lɛ; a lo daŋso bughò koʼò dzəə̄ŋ kàʼ mə̀ esʉ̄ sɛ̀ à ghê Kə̀lestò. Fəgha kəla Ŋ̀ kwo êzəŋ kùu ndùw Kə̀lestò nǎam lò ko kəkə̂m; Abugho ù laʼà bugho ebàm, Ǹ lo bùghò kèle mɛ̀ʼn kɔ̀ʼɔ nù ghəa a te gho tò aŋghəa Zə̀ kə̀ tɔ̂ʼ kwo mugho a te.

1 Kòlentìan 15:34

Kwən nyə̀ wò nlò an tɔ wɛʼɛ ù səŋò wò, ghɛ̀ ka ghəa à biigh a kôom ghə̌əŋ sùghò. Ghɛ̀ â li a kwo dzə yo Zə kò. Ŋ̀ ghəa ghən â ghɛ̀ kə̂aa wò enyəa Ǹ dənsò tsughu tuw kɛʼɛ̄.

1 Kòlentìan 8:3

Abugho ghùw kuūwn ləghaa Zə̀ kò, Zə̀ kə ŋ kwo wə̄n.

2 Kòlentìan 11:20

Ghɛ̀ boom naaŋ nù abugho ghùw nì naŋā ghɛ tò ukɔ̂, ŋkāa zəāa an zuʼso fɛʼɛ̄, ŋkāa tsèe ghɛ̀ nìi nùghùun fʉgha wɛʼɛ, ŋkāa kɔʼso èghue, ŋkāa abugho ù ghəə̄ŋ ko ghəa à nyuɛʼɛ̄ a fə̂ŋ ghò ênzə̂n a zəŋò ghɛ̀.

2 Kòlentìan 4:6

À lǒ Zə̀ kəla kə fə̀ dzɛ̂ tsughu enyəa, “Tsə̀ tughūu səā wô alo kələ̄m”, Ù tughu sə wo am fə̂ŋ taʼa alefughūu tsughu tsə̀ enyəa a kôʼ səghanyəgha ŋ Kə̀zə̀ mə̀là n tughūu an sʉ u Kə̀lestò.

Gàlashìan 3:3

À lǒ kwò ghɛ̀ sô boʼò laʼsò enyə a? Ghɛ̀ mò mgbaŋ kaʼ tsughu alemùghù an daʼa kə Zuʼ tə kə Kəzə̀, à lò enyəa ghɛ̀ êzəŋ so e mîasò kɔʼ aŋ ŋgəŋ zɛʼɛ̄ a?

Gàlashìan 4:3

Aŋghəa sɛ̌ fə̀ naam lô tsəgha mo a kaam kele Kə̀lestò, a mò lo tsəghà ukɔ̂ â zʉ̀ wəla u saʼā mbī.

Efɛsùs 1:17

enyəa Zə̀ kə Mughùbè ù sɛ̀ Yɛso Kə̀lestò tɔɔŋ Tsele ù sɛ̀ ù ghàʼa mô fughu ghɛ â Zuʼ tə̀ Zɔlɔ təla tə ghəŋlo enyəa ghɛ̀ e ki tɔ wo, tə ni dêe fughu wô fəgha kəla Zə̀ kə̀ lo ghè ko tò ghɛ̀ tɔʼ kele tsughu wə̄n.

2 Timotì 2:19

Bəghàan kəla à kuūwn kuʼ kɔʼ Zə̀ kò, fəgha kə̀ li kə yo alenòʼsò, ghe yia tɔm naŋā a te enyəa, “Zə̀ kə̀ kwo nû ghî ghə̀là ghe lo a wə̄n gho.” Àsùghò enyəa, “Abugho à lò ko ndughoo ù kwo dzə̂ enyəa e lo wɛ ù Mughu ù te, ù ki aletiī zəghàa maʼà ghəa à biigh gho.”

Hibùlù 7:18

Ghe mò laŋ kə̀ wii kə baʼ naŋa kɔʼ bòʼ kə mò ki yo daʼa ko, ki sugho yo fwàʼ kò.

2 Pità 2:20

Abugho ghî à lo mo ghe n tì zə̀ghà sə̀ wò bo e mbī zo aŋ ghəa ghe kele tsughu Mughùbè ù sɛ̀, tɔɔŋ Bəghambī Yɛso Kə̀lestò, ghe yìa kôom bughô fwə̂n kpeʼe ndûw kɔ̂ wò â bo e te zo, ghe bo tsə̀ghàsə̀ ghəa ghe fə̀ bûʼ lò tsəghà a te aŋghəa ghe fə̀ lo mo ghe kaām kele səŋò zò.

1 Dzɔ̌n 5:20

Sɛ̀ kwo sugho nû enyəa Wɛ ù Kə̀zə̀ ù nùu m bùghò, vʉ̀a ù fughu sɛ̀ â tɔ wo alezuūwkɛlɛ Zə̀ kə̀ êsəŋò kò a te. Sɛ̀ à ghê Zə̀ kə̀ lo alo kəfəgha kə mɔ̀ʼ àsùghò Wɛ u wə̄n, tɔɔŋ Yɛso Kə̀lestò. Ù lǒ Zə̀ kə̀ səŋò kò, vʉ̀a ù fughuu mughù e doʼn təla zo.