Gàlashìan 4:8 - To kə Kəzə̀ kə̀ Fughu ko

⁸ Aŋghəā ghɛ̀ fə̀ bûʼ lô tsəgha mò ghɛ̀ kwo yo Zə̀ kò, ghɛ̀ n lo ukɔ̂ â fʉgha ù li wo ghɛ̀ mò moʼò enyəa à lò uzʉ̀, dèe êzə̀ mò à yò dzə̂ uzʉ̀.

Gàlashìan 4:8 Iomraidhean Croise

Dzɔ̌n 1:10

A fə̀ mbī mgbaŋ gbən wo ko Wə̄n, a m bùghò Ù nyə wo am mbī, mbī ŋ kè kôom koʼòkɛlɛ wə̄n.

Kə̀fwàʼ 14:12

Ghe n tɔŋɔ ndùw Bànabàs enyəa à lò Zêus, tɔŋɔ ndùw Pôl enyəa à lò Hɛ̂ɛms, bòʼ à mò ghəa a biso kəā wə̄n.

Kə̀fwàʼ 17:23

Nu aŋghəa mùgho mò bwîi lɛɛ̄n kaāŋ wô luʼū təla ghɛ̀ ndûw kɔʼsō zʉ̀ wò a te, mùghò n ndùw kòʼ tsùghù kəŋ è li ko mo ghe n tɔm naŋa a te enyəa, ‘Â Zə̀ kəla a kwo yo.’ Zə̀ kə̀là ghɛ̀ kɔʼso fì êzə̀, ghəa ghɛ̀ bûʼ bən kwo ko yo ghè kò, à lǒ Zə̀ kəla Ǹ dzâa wô â ghɛ̀ fɛ êzə̄ŋ.

Lumà 1:23

Ghe tuu alefughu ŋkɔʼso â Zə̀ kəla kə doʼò tən, ghe ŋ kuuwn kɔʼso m̀mùʼù ghe bɔm mò fwènlo àghì, fwenlo nnwən, tənyôm à zughu to.

Lumà 1:28

Tò aŋghəa ghî a mò lo mo ghe n tùe màʼa enyəa ghe yo dzə̂ to ghe e kelè mòʼnlò è səŋò zò a zəŋò Zə̀ kò, Zə̀ chìa kə zəghàa maʼà tsughu ghee aleghəə̄ŋ nduw ko ghəa ghəla ghe mô ki yo aleghəŋlo.

1 Kòlentìan 1:21

Tɔŋlo enyəa ghəa è fə lô enyəa ghî a mbī yo dzə̂ alekele Kə̀zə̀ an tɔ e ghee, Zə kə̀ n ləgha kɔʼ aletsəghàa tsughu an làʼsò zəla sɛ̀ zughòo kaŋlō enyəa kə bəghāsə̄ ghî ghəla ghe boō fughu tsughu â wə̄n.

1 Kòlentìan 12:2

Ghɛ̀ kwo nû enyəa ghəa ghɛ̀ mò naām lô Toʼò zò, ghe n sêe mə̀ŋso kaaŋ ghɛ̀, ghɛ̀ ŋ kɔʼso ndùw mmùʼù mò ŋ kə̀aa yò ghəa gho.

1 Kòlentìan 8:4

Yia a bugho ghəa à fʉ̀ghazəa ghəla ghe fughu nduw â mùʼù ò, a kwo nû enyəa, “Mùʼù mən biso tɔ̀ʼ kì yo fwàʼ kə̀ li ko fɛ am mbī.” Àsùghò enyəa, “A lò ko Kəzə̀ kə mɔ̀ʼ, kə li kə kôom yò dzə̂.”

Gàlashìan 4:3

Aŋghəa sɛ̌ fə̀ naam lô tsəgha mo a kaam kele Kə̀lestò, a mò lo tsəghà ukɔ̂ â zʉ̀ wəla u saʼā mbī.

Efɛsùs 4:18

Ləm chia kə lo an sə a ghee, ghe yia a ki yo ghu ko am mùghù è fughu zəla Zə̀ kə̀ fughu â ghì ghò, bòʼ fə̂ŋso e ghee, ghe sô tughuso naŋā tsughu fə̂ŋ tə ghee to.

1 Tɛ̀sàlonìan 1:9

Ghì a te gho a dzə̀m ndòʼò tèso kaaŋ nǔ dzì zəla ghɛ̀ mò kpenî ghaʼ a te, aŋghəa ghǎʼ mò bugho alô ghɛ̀, àsùghò aŋghəa ghɛ̀ zəghà maʼà tsughu mùʼù ŋ kɔʼso mò, kàʼ ndùw alefwàʼ â Zə kə̀ səŋò kəla kə lô â tuw ko.

1 Tɛ̀sàlonìan 4:5

mò à yò dzə̂ tò aŋghəa ghî ghəla ghe kwo yo Zə̀ kò, ghe səā â sə gho aŋ ghəa ghəla yîzən a ghəŋlo.

2 Tɛ̀sàlonìan 1:8

Abugho ù kè səā tsughu wo ghèe ghè tsə̀təndə̄ghā tə Kəzə̀ tə wə̄n to èzə̀ à wə̀n ù bəghaan wo, ù kê dî tə̀ŋgàmà a zəŋò ghì ghəla ghe kwo yo Zə̀ kò àsùghò a zəŋò ghì ghəla ghe bwîi yo aŋghəa Làbəlà è Mughùbè ù sɛ̀ Yɛso děe.

1 Pità 4:3

Ghɛ̀ maā boon màʼà kə̂m kə enə̀gha kə̀ dzûŋ kò aleghəə̄ŋ ndza tə aghəa təla Toʼò è ghəə̄ŋ ghè ghò. Ghɛ̀ fə̀ mughu tsəgha dzə̀adzə̀ kə emùghù, mʉa kɔʼɔ nlʉ̀ buʼn kaŋlo m̀bɔ̀ŋ an sə à kala gho, səa â sə gho am fʉgha u mbī wo, làŋà bə̀la bwii kaŋlo, ghɛ̀ ŋ kɔʼso sùghò zʉ̀ wə agha.

1 Dzɔ̌n 3:1

Kòʼ nlò ləgha è ne è ne zəla Tsele ù te de wo â sɛ̀ a, enyəa ghe e tɔɔŋ sɛ̀ enyəa, sɛ̀ lo wɛ a Kəzə̀ a; sɛ̀ yia a kǔum lô sùghò wɛ a Kəzə̀ ghò a. Ghəa zəla ghî a mbī a kwo yo sɛ̀ enyəa sɛ lo wɛ a Kəzə̀ lò enyəa ghe mò kwo sugho yo Zə̀ kò.