Gàlashìan 4:5 - To kə Kəzə̀ kə̀ Fughu ko

⁵ Wɛ ù te fə̀ bùghò alebùghò zuū sə tuw u ghì ghəla ghe fə̀ mughù tsəgha a tsəlà làŋ ko, aleghəŋlo enyəa Zə̀ kə̀ nîi naŋa wô sɛ̀ tò wɛ a wən.

Gàlashìan 4:5 Iomraidhean Croise

Matìo 20:28

E fɛ lò sugho tò aŋghəa Wɛ̀ ù ghùw fə̀ bughò enyəa ù e fwə̂ən fwaʼā â ghì ghò, à yò dzə̂ enyəa ghî ghə̀ è fwaʼa â wə̄n, àsùghò enyəa ù fughuu ndûw tuw kə wə̄n alezuū sə tuw u ndə̀m è àghì.”

Lûk 1:68

“Ŋkɔʼso â Tsə̂ntə̀mbî, Zə̀ kə Ezə̀lɛ̂, bòʼ kə ŋ ghì a wə̄n a bughò bwìin kòʼ, chia kə tsəmsō ghee.

Dzɔ̌n 1:12

A m bùghò ghì ghəla ghe kpe nī Wə̄n, boo fùghù tsùghù sùghò â wə̄n, ù m fughu ghee â daʼa ko aledòʼò wɛ a Kəzə̀.

Kə̀fwàʼ 20:28

Nǐ nlò ghôom zò aŋ ghùe zɛʼɛ̄ àsùghò a zəŋò ghì ghəla Zuʼ tə̀ Zɔlɔ tə fughu naŋā enyəa ghɛ̀ è lɛnlo. Ghɛ̀ è lɛɛn sugho â dzeŋe kə ghì a Kəzə̀ zəla ù fə̀ zue sə wo aŋ kàŋ tə wɛ̀ ù wə̄n.

Lumà 10:4

Tɔŋlo enyəa Kə̀lestò mafə bughò fwàʼ mɛ̀ʼɛ̀ fəgha kəla lâŋ kə fə̀ ki alefwàʼ, zən fə̀ lo aleghəŋlo enyəa mò à lò ko ndughoo ù boō fughu tsughu dzə̄ â wə̄n, Zə̀ kə n nì ghùw u te aŋ ghûw u tsəghtsəgha.

Lumà 8:14

Ghî ghə̀n a dzə̀m ghe bwiī aŋghəa Zuʼ tə Kəzə̀ tə̀ ləghaa, à lò ghee wɛ a Kəzə̀ gho.

Lumà 8:15

Tɔŋlo enyəa Zuʼ təla Zə̀ kə fughu wo â ghɛ̀ ghə̂əŋ dzə̀ yo enyəa ghɛ̀ doʼò tsughu kɔ̂ wò tò ghɛ̀ è kòom tsəŋo ghəa gho; tə laam ghəŋlo enyəa ghɛ̀ dòʼo tsughu wɛ a Kəzə̀ gho. À lò Zuʼ tə Kə̀zə̀ tə te to tə ghəŋlo enyəa, sɛ̀ è nughuun diī ndùw â Zə̀ kò enyəa; “Bàba! Tsele waŋa!”

Lumà 8:19

Tɔŋlo enyəa fʉgha wə̄n u dzə̀m ghe gbə̂n wô fɛ am mbī lə̀mlo alo mbūw alekòʼ aŋghəa Zə̀ kə̀ lo dêe fughu wô ghî ghəla à kùum lô wɛ a wə̄n gho a te.

Lumà 8:23

À bùʼ kà yo ko fʉgha u te wo u dînlo am fɔnlo e te zo, ghuūghùe e sɛ̀ ghəla sɛ̀ bûʼ ki Zuʼ tə̀ Zɔlɔ to tǒ fughu kə Kəzə̀ kə sûesʉ ko, sɛ̀ zuuw efɔnlo, dìi sughò nʉghà ù nʉ̀ghà aŋghəa sɛ̀ ləmlo enyəa Zə̀ kə̀ lo bughò nîi naŋa tsughu sɛ̀ tò wɛ a wə̄n; asùgho enyəa kə zuū səā sughò tuw kə sɛ̀.

Lumà 9:4

Ghe lo ghî ghə Ezə̀lɛ̂, ghî ghəlà Zə̀ kə̌ fə nî enyəa ghe e lo wɛ a wə̄n gho. Kə n dè tsughu sùghò səghanyəgha ŋ wə̄n â ghee. Kə n zə kɔʼ ŋkâa ghèe ghee, fùghù ndùw ghee â làŋ kə ŋkāa kə te ko. Ghe yia kwo alefughu ŋkɔʼso â Zə̀ kò, kwo sugho to kəla Zə̀ kə fə̀ to naŋā.

Gàlashìan 3:13

Kə̀lestò mafə tuw kə sɛ̀ kə̀ zue sə̀ wò aŋ ghùu tsù u kəlàŋ wò aŋghəa ù mò doʼò ndûw ghî fə kəlòʼ an tuw kə sɛ̀; nu ghe tɔm naŋa am mwàʼsò kə Kəzə̀ enyəa, “Ghùw wəla ghe təghàa naŋa kɔʼ alo fəkà, à lǒ ghî fə kəlòʼ.”

Gàlashìan 3:26

Tɔŋlo enyəa ghɛ̀ a dzə̀m lò wɛ a Kəzə̀ bòʼ ghɛ̀ gaʼ fə̀ŋ a zəŋò Kə̀lestò Yɛso.

Gàlashìan 4:21

Ghɛ̀ ghəla ghɛ̀ ləghaa alemùghù a tsə̀là làŋ kə Musî kò, dzǎa wò nlò â mùghò, à lǒ mò ghɛ̀ zuuwkɛlɛ yo fəgha kəla lâŋ kə te kə dzaā?

Gàlashìan 4:7

A fi lo enyəa Zə̀ kə̀ n ghəŋlo ghɛ̀ yia kôom yô kɔ̂ wò, kuuwn lò wɛ ù wə̄n; abugho ghɛ lo wɛ a wə̄n gho, Zə̀ kə̀ lo fughuu nù ghɛ̀ â namso kəla kə fə̀ to naŋā â wɛ a wə̄n gho.

Efɛsùs 1:5

zən lò e ghee Zə̀ kə fə̀ ki foʼ naŋā enyəa sɛ̀ e ke lo wɛ a wə̄n gho am bàm è Yɛso Kə̀lestò, bòʼ enyəa à fə̀ lo fəgha kəla Zə̀ kə fə̀ tsə̂m tsughu alefwàʼ ghè kò am fə̂ŋ e wə̄n e dzùŋ.

Efɛsùs 1:7

Tɔŋlo enyəa à fə̀ lo aŋ kàŋ tə Yɛso təla tə fə̀ tsughu tsughu alo kədàŋlo Zə̀ kə fə̀ zue sə wo sɛ̀ a te; mo e fi lo enyəa Zə̀ kə̀ mafə bôo tə sɛ̀ tə ghuuw màʼà bòʼ dzɔ̀ e wə̄n e ne zən,

Efɛsùs 5:2

E ləghaa nduw nlò ghî ghò tò aŋghəa Kə̀lestò mò ləgha wo sɛ̀ a te, ù m fùghù sùghò ghue u wə̄n to kəfughu kə̀ ləə̄m dzɔɔ̄ ko enyəa ghe sâa ndûw â Zə̀ kò an tuw u sɛ̀.

Taetùs 2:14

À lǒ wə̄n wəla ù fə̀ kpuw an tuw u sɛ̀ alebəghaasə sɛ̀ aŋ ghəa a sɛ̀ à biigh gho, àsùghò alesùuw maʼà bòo tə sɛ̀ enyəa sɛ̀ doʼò tsughu a wə̄n gho aghî, a e moʼn təla ko aleghəŋlo èdzɔ̀.

Hibùlù 1:3

Ù dèe wò nyəghaan zəla e lo an səghanyəgha ŋ Kə̀zə̀, vʉ̀a ù bɔɔ̄m fweēn ko Zə̀ kò, ghəa ù kwu kele mbī an daʼa kə shwaʼ u wə̄n. A m bùghò ù ghəə̄ŋ tsughu enyəa Zə̀ kə̀ ghuūw maʼà bòo tə aghì, ù n doʼò tsùghù aŋ kwe u Kwîfɔ̀e ù təma wo alo kəwālā.

Hibùlù 9:12

Aŋghəa Kə̀lestò a fə̀ nyə nduw an luʼu kə̀ baa ko, u ka fə nyəa dzə̀ â kàŋ tə dzə to ŋkāa tə mbɔ̀ŋ tò, ù fə̀ a fughu nyə ko enəgha e mɔ̀ʼ, nyə tən ko êsəŋò, aŋghəa ù fə̀ nî kɔʼ kâŋ tə wə̄n to, ù n zùe sə̀ wò tuw u sɛ̀ a te, zue tən ko ê səŋò.

Hibùlù 9:15

À fi lo enyəa Kə̀lestò lǒ ghùw ù nî wô kàa m fughu mò enyəa ghî ghəla Zə̀ kə mò tɔŋɔ ghee e lo alekele fəgha kəla ghe mo to naŋa enyəa ghe lo kele tə̀n. Ghəa ghən lo səa nù bòʼ Kə̀lestò mafə kpuw alezuū səa wô tuw u ghee am bòo tə ghee təla ghè ghəə̄ŋ tsəgha tì kəla kàa n sûesʉ m fə̀ naām ki daʼa ko a zəŋò ghee.

1 Pità 3:18

Nu Kə̀lestò fə̀ kpuw ni nughu bôo tɛʼɛ tə dzə̀m enəgha e mɔ̀ʼ nì nùghù tən ko nù, lò êzə̀ mo ù ka fə ghəa è li ghəəŋ boon kòʼ tsəghà, ù m bùgho kpùw an tuw u ghì a biigh gho, alenìi kwəla wô sɛ̀ a vʉ̀a Zə̀ kò. Aŋghəa ghe fə̀ bûʼ wi tsughu ko wə̄n, ghe fə wə̄n wi tǒ ghùw, daʼa kə Kəzə̀ kə̀ n zòm nùghùu kɔ̂ʼ zəŋso kə wə̄n.

Edêe Fughu 14:3

Ghe n zoo tsughûu zom è fughu zo an sə kə ndàŋ è kə̀də̀ŋ te, asugho an sə fʉgha wən u chùakò u lo â tuw ko àsùghò an sə kə tsōʼ tì. Ghùw n yo alezoʼn zom zə̀ mò à gɔ̀ʼɔ̀ ko yo kam zə̀ àghì zən fəbɔm à ghì ghò ŋ ghə̀m n chìakò à ghì ghò a chìakò ghe fə̀ bəghasə̄ tsughu am mbī.

Edêe Fughu 5:9

Ghe n zôo zom è fughu zo, zoo tsughu enyəa, “Ghǔ ŋ kɔʼkpe alenìi kɔʼ nyəme u kəmwàʼsò u te wo, àsugho alezʉ̀mè nughù kɔʼ mə̀ŋ e te, tɔŋlo enyəa ghe maā ghû wì, ghù n nì kɔ̀ʼ kâŋ tə̀ghà zuesə tsughu aghî a te an ndùm tə̀n tə̀ dzə̀m àsùghò ghì ghən a dzə̀m ghe dzeŋe saʼā shwaʼ wo u mɔ, an tum wən ù dzə̀m, aŋ ghì ghə̀n à dzə̀m an nàʼà tə̀n tə̀ dzə̀m, ghù n nì fùghù wò â Zə̀ kò.