Gàlashìan 4:4 - To kə Kəzə̀ kə̀ Fughu ko

⁴ A ŋ kuuwn bùghò nəgha e te e biso kpe tsughu, Zə̀ kə̀ n tùm sə̀ wò Wɛ ù wə̄n. Wɛ ù te n nyə wò am mbī mò à wə̄n dzə wò wìzən, wɛ wən m noo kɔʼ a tsəlà làŋ kò.

Gàlashìan 4:4 Iomraidhean Croise

Matìo 1:23

“Kòʼ ma, ŋgɔ̀e è lì kê bɔ̀ŋɔ kɔʼɔ nù mò ù kǎam kwo yo wìnû; ù kè dzəā wô wɛ ù nùu, ghe kê tsʉ̂a tsughu ezən a te enyəa à lǒ Emanùɛɛl: Mo e moʼnlò enyəa: Zə̀ kə̀ lo sɛ̀ à ghee.”

Matìo 3:15

Yɛso m fwə̀n bɛ̀lɛ̀ ndùw wən enyəa, “Na to e doʼo tsughuu ko êzə̀; tɔŋlo enyəa e lo tsəghatsəgha an sə kə Kə̀zə̀.” Dzɔ̌n fi boo kɔʼ nû.

Matìo 5:17

“Kà nlò môʼ enyəa M̀ bughò alebùghò bughū naŋa kə̀làŋ àsùghò shwaʼ u ghǐishʉ̀ghà wò, Ŋ̀ kâ bùghò dzə̀ alebùghò bughū naŋa, Ŋ̀ laam bùghò alebùghò lueso tsughu lâŋ kə te ko.

Mâk 1:15

dzàa ndùw enyəa, “Nəghā e te zə m kpē, fɔ̂e u Kə̀zə̀ ù lo ko êzəŋ aŋ ghu; ti màʼa nlò ghəa ghɛʼɛ à bii gho, ghɛ̀ boo tsughu tùm è dzùŋ zən!”

Lûk 1:31

Kòʼô, ghù lo bɔŋɔ kɔʼɔ nù, ghù lo bugho dzə wo wɛ̂ɛnùu, ghù lo tsʉ tsughu zən e wə̄n zo enyəa à lò Yɛso.

Lûk 1:35

Tum zə n dzɛ̀ â wə̄n enyəa, “Zuʼ tə̀ Zɔlɔ tə lo nyəən tsughuu a zəŋò ghù, ghù lo e mughu an daʼa kə Kəzə̀, Tsə̂ntə̀mbî. Zən lò e ghee ghe lo tɔɔ̄ŋ tsəgha wɛ wəla ghù lo dzəā wô enyəa, à lǒ Wɛ ù ŋgòʼ; tɔɔŋ Wɛ ù Kə̀zə̀.

Lûk 2:7

Ù n daŋso chuaso dzə̀ wò wɛ̂ɛnùu, nyəm kɔʼ wə̄n am gbà u təndzʉ̄, nyə̀ŋsò nàŋa nyə tsughu wə̄n an kpaa wəla dzə tə fə̀ zəa a te, bûʼ kə̀ bwii kə màʼa fə̀ buw fughu alo atsə̄ â ghee.

Lûk 20:44

Abugho Dɛvìd lò aletɔ̄ɔŋ Wə̄n enyəa à lò Mughu; Ù kòom lò ênzə̂n aledòʼò wɛ ù Dɛvìd à?

Dzɔ̌n 1:14

Shwaʼ u te wə n ndùw bùghò ghùw, tsùuŋ mùghùu tsughu sɛ̀ à ghee, Ù n dêe mɛ̀ʼn wò èsəŋò e dzə̀m aŋ ghəa a Kəzə̀, ŋgee dèe sùghò ghàʼ â ləgha zo. Ghàʼ a dzə̀m ŋ kòʼ daʼa kə wə̄n ko, daʼa kəla ù ki tǒ sɔ̀ʼ kə Wɛ kəla kə nughù wo a vʉ̀a Tsele.

Dzɔ̌n 10:36

yia a bughò mugho, bəghà mò ndzəə̄m tsɔʼ kɔʼ nû, tùm nyə̀ wò am mbī; ghɛ̀ sô lǒ ênzə̂n alekoōm dzaā wo enyəa, ‘Ghù sùuwn Kə̀zə̀ a, bòʼ Ǹ dzɛ̀ enyəa, Ǹ lo Wɛ ù Kə̀zə̀ a?’

Dzɔ̌n 3:16

Tɔŋlo enyəa Zə̀ kə fə̀ ŋge ləgha nu mbī alenìi fughuu wô sɔ̀ʼ kə wɛ̀ kə wə̄n kə mɔ̀ʼ enyəa mò ghùw bǒo fùghù ndùw dzə̀ â wə̄n, ghùw ù te ŋ kè kpuūw mîa alo kəleŋe, ù n laam kelê mùghù è doʼn təla zo.

Dzɔ̌n 6:38

Nu Ŋ̀ kâ nùghù tsùghù wò dzə̀ alo kəwālā alebùghò fwâʼ ghəa a nʉ̀ghà ghaŋa, M̀ bughò alebùghò fwâʼ fwaʼ kə ghùw wəla ù tum wô mugho.

Dzɔ̌n 8:42

Yɛso n dzɛ̀ â ghee enyəa, “Abugho Zə̀ kə̀ mô lo tsele wɛʼɛ, to ghɛ̀ mô lə̀ghāa mùghò. Bò enyəa Ŋ̀ kâ fɛ bùghò dzə̀ aŋ ŋgəŋ zaŋā, à mùghò tum ghue ū Kə̀zə̀.

Kə̀fwàʼ 1:7

Ù m bɛ̀lɛ̀ tsùghù enyəa, “À yò dzə̂ ghɛ alekele ènəghā àsùghò tì kəla Tsele ù te naŋā tsughu an daʼa kə wə̄n.

Lumà 1:3

Làbəlà e dzùŋ zən teso dzàa ghəa a Wɛ ù wə̄n, Yɛso Kə̀lestò Mughùbè u sɛ̀, ù fə̀ sə wo an tigh kə Dɛvìd.

Lumà 15:8

Ǹ so Ǹ dzâa wô â ghɛ̀ enyəa Kə̀lestò fə̀ bugho tǒ ghùw u kəfwàʼ â Dzûu tò alebùghò dêe tsughu enyəa Zə̀ kə naaŋ nù dzughu e wən zo am fəgha kəla kə fə̀ to naŋa à ghê tselê tsele a ghee gho.

Lumà 5:6

A fə bugho an tì kəla sɛ̌ fə̀ yo aleyòsò ghue e sɛ̀, Kə̀lestò u m bùghò kpuw an tuw u ghì biigh gho an nə̀gha zəla Zə̀ kə̀ mò fôʼ naŋa enyəa e lo səa a te.

Lumà 8:3

Tɔŋlo enyəa ghəa ghəla lâŋ kə fə̀ yo aleghəŋlo, bòʼ ghùw nsɔ̌ɔŋnchùw fə̀ lɛɛ kôom nû, Zə̀ kə̀ ŋ ghəŋlo e tsughu. Zə̀ kə̀ n nì kɔ̌ʼ Wɛ u wə̄n tùm nyə̀ wò an ghueekətsə̄ aŋ kòʼ e ghùw mbī tò kefughu, alewiī maʼà èbo.

Lumà 9:5

Ghe yia lô sughò wɛ a awɛ a ghê tselè tsele a ghì ghə Ezə̀lɛ̂ ghò, mo Yɛso Kə̀lestò sə̀ a fughu an tigh kə te ko. Ù lò Kəzə̀, ù saʼā mbī e dzə̀m, to ghî à mô kɔʼsô tsəghà wə̄n to mbī kê bughò mîaa. Zə e lo ko êzə̀.

Efɛsùs 1:10

Ghəa ghən a dzə̀m kè səa an nə̀ghà zəla Zə̀ kə̀ fə̀ môʼ naŋā, alenìi təmadzə̄əŋ wô ufʉgha u dzə̀m alo kəfəgha kə mɔ̀ʼ, alo kəwālā àsùghò aŋ ghueetsə̄, mò Kə̀lestò lo kətuw aŋ ghəa a te gho a dzə̀m.

Kòloshìan 2:14

Zə̀ kə̀ n zè màʼa ndàŋ kə sɛ̀ kə̀là Ù mò tɔm naŋā. Ndàŋ kəla sɛ̀ mò ki aletsə̄ aŋghəa lâŋ kə̀ deē abugho ghùw bvʉ̂ tsughu lâŋ kò, kə n nì bàan màʼa mwàʼsò u te wo am vʉ zəla Yɛso mò kpuw ghè zò, nì bɛ naŋa kɔʼ ghəa a te gho alo kədàŋlo.

1 Timotì 2:6

Yɛso wəla ù fə̀ nî kɔʼ tuw kə wə̄n ko zue sə tsughu aghî a dzə̀m a te. Yɛso fə̀ fɛ bugho kpuw an tuw u aghì tǒ tsə̌a aledèe tsughu enyəa nəgha zəla Zə̀ kə fə̀ ki alebəghaasə aghî a te, zə m kpe aŋghəa kə fə̀ fôʼ naŋa.

1 Timotì 3:16

Ghùw ù li yo aletuū maʼà nàn kə eghəa kəla kə lo aŋ ghəa a Kəzə̀ ghən enyəa, Ù fə̀ a m mbī bugho tǒ ghuw wə̀ nsɔ̌ɔŋnchùw. Zuʼ tə Kəzə̀ tə̀ n dè wò enyəa ù lo tsəghatsəgha, Tsə̀təndə̄ghā tə Kəzə̀ tə̀ ŋ kòʼ wə̄n. Ghî ghə̀ n zoʼn ŋgə̀a wò àghì aŋ ghəa a wə̄n alo tənàʼà tə dzə̀m. Mbī e dzə̀m m boo fùghù ndùw â wə̄n. Ghe n nì nyə̀ kɔ̀ʼ ndùw wə̄n alo kəwala alo n nsəghānyəghā.

Hibùlù 2:14

Aŋghəa wɛ a Kəzə̀ à lo aghî, ghe ki nyom è ughue àsùghò kàŋ to, ghuūghùe u wə̄n wə n doʼo wò sùghò êzə̀; enyəa to ù mò bɔŋɔ kpuuw tsughuu sugho alendùw dzûuw maʼà ghùw wəla ù ki daʼa ko aleghəŋlo enyəa ghî ghə̀ e kpuwnlo, tɔŋlo Avʉatsə̄a.

Hibùlù 9:10

Ghəa ghən a dzə̀m ghe ghənlo, ghe ghəəŋ ndùw ko bòʼ dzughu è zəa zo àsùghò fʉgha ù mʉa wo, àsùghò ghəa à fughuu â ghûw ghò â mùghù ŋ Kə̀zə̀ mò. Wən lò ko lwâŋ wəla u yo dzə alekuuwn fə̀ŋ è ghùw, mo lwâŋ u te u fə̀ fwaʼ bugho kum tsughu ko an nəgha zəla Zə̀ kə fə̀ ghəəŋ tsughu enyəa aghəa a dzə̀m dòʼò à fughu gho.

1 Dzɔ̌n 4:14

Sɛ̀ ŋ kòʼ, yia a teso dzàa sùghò enyəa, Tsele n tùm wǒ Wɛ ù wə̄n ù nùu enyəa ù bùghò bəghāasə̄ mbī.

1 Dzɔ̌n 4:2

Dzì zəla a lo alekòʼòkɛlɛ Zuʼ tə Kəzə̀ a te lo enyəa: Ghùw wəla ù dzɛ̀ enyəa Yɛso Kə̀lestò fə̀ am mbī bugho to ghùw nsɔ̌ɔŋnchùw, ù fi ki zuʼ təla tə nughù wo aŋ ghùu Zə̀ kò.